Afisa mtendaji na mwenyekiti wa kijiji wilayini songwe watiwa mbaloni kwa ubadhilifu.soma zaid.

Mwenyekiti na Afisa mtendaji wa kijiji cha
Mkwajuni wilayani Songwe, wanashikiliwa na
jeshi la polisi, baada ya wananchi kuwatuhumu
kwa kutafuna zaidi ya shilingi milioni 12 mali ya
kijiji hicho pamoja na kushindwa kusoma mapato
na matumizi ya kijiji kwa zaidi ya miezi tisa.
Wananchi walionyesha furaha yao, wakishangilia
hatua ya viongozi wao kupelekwa mahabusu
baada ya kufanyika mkutano wa hadhara ambao
wananchi hao waliutumia kuazimia viongozi hao
wakamatwe kwa tuhuma za kufanya ufisadi wa
zaidi ya shilingi milioni 12 za ushuru wa minara
ya simu iliyopo kijijini hapo.
Wakiijitetea kwenye mkutano huo, Afisa mtendaji
wa kijiji hicho Severio Malyagila amezikana
tuhuma hizo, kwa madai kuwa fedha hizo
zilitumika kwa idhini ya halmashauri ya kijiji
Hata hivyo wananchi hao hawakuridhishwa na
maelezo ya Afisa mtendaji, na baada ya mjadala
mrefu ndipo mwenyekiti wa muda wa mkutano
huo, akatoa azimio kwa niaba ya wananchi,
maazimio ambayo jeshi la polisi likaanza
kuyatekeleza papo hapo kwa kuwakamata
watuhumiwa.