Saed kubenea na wenzake kupanda mahakamani Octoba 12.soma zaid

Dar es Salaam. Upelelezi wa kesi ya kumjeruhi
Katibu Tawala wa Mkoa wa Dar es Salaam,
Theresa Mmbando inayowakabili Saed Kubenea,
Halima Mdee, Mwita Waitara na wengine
watatu, umekamilika.
Wakili wa Serikali, Flora Massawe mbele ya
Hakimu Mkazi Mkuu, Huruma Shaidi wa
Mahakama ya Hakimu Mkazi Kisutu ameiomba
Mahakama ipange tarehe kwa ajili ya
washtakiwa kusomewa maelezo ya awali.
Baada ya ombi hilo, Hakimu Shaidi aliahirisha
kesi hiyo hadi Oktoba 12, washtakiwa
watakaposomewa maelezo hayo kuhusu shtaka
linalowakabili.
Kubenea ambaye ni Mbunge wa Ubungo
aliunganishwa kwenye kesi hiyo na kuwa
mshtakiwa wa sita. Mdee na Waitara pia ni
wabunge wa Kawe na Ukonga.
Washtakiwa wengine ni Manase Njema,
ambaye pia ni diwani wa Kimanga,
mfanyabiashara Rafii Juma na Ephraim
Kinyafu, ambaye ni diwani wa Saranga Kimara.
Wanadaiwa Februari 27, katika Ukumbi wa
Karimjee, wilayani Ilala Dar es Salaam
walimjeruhi Theresia na kumsababishia
majeraha. Washtakiwa wapo nje kwa dhamana