Kusambaa kwa sauti iliyorekodiwa mazungumzo ya mwigizaji Steven Mengele ‘Steve Nyerere’ na mama wa Miss Tanzania 2006, Wema Sepetu, Mariam Sepetu halijafutika, mengine yamefumka kwani baadhi ya wabunge waliotajwa kwenye sauti hiyo wamelimpua Steve. Mbali na wabunge kutajwa katika sauti hiyo iliyosambaa wiki iliyokatika, wasanii pia walitajwa ambao ni Khaleed Mohamed ‘TID’, Romeo George ‘Rommy Jones’ na Ahmed Hashim ‘Petit Man’. Kwa upande wa wabunge ni Goodluck Millinga (CCM-Ulanga), Ahmed Shabiby (CCM-Gairo), Joseph Musukuma (CCMGeita Vijijini), Freeman Mbowe (Chadema-Hai) na Zitto Kabwe (ACT-Wazalendo, Kigoma Mjini). Steve pia aliwataja mawaziri wawili. Steve alisikika akiwataja wabunge hao akimwambia mama Wema kuwa, aliwafuata bungeni mjini Dodoma, Februari 6, mwaka huu ili wamsaidie bintiye aliposhakiliwa kwenye Kituo Kikuu cha Polisi Dar ‘Sentro’ kwa madai ya kujihusisha na matumizi ya madawa ya kulevya, ikiwemo kukutwa na bangi. STEVE AOMBA RADHI WOTE Hata hivyo, baada ya sauti hiyo kusambaa mitandaoni Februari 23, mwaka huu na kuwa gumzo, Jumamosi iliyopita, Steve alifanya mkutano na waandishi wa habari katika Jengo la Millennium Tower, Kijitonyama na kuwaomba radhi wote aliowataja huku akikiri sauti ni yake na kwamba, hakuzungumza nao kama ‘alivyomwongopea’ mama Wema bali aliwataja katika hali ya kudumisha ukaribu wake na familia ya mama huyo. UWAZI NA WABUNGE Baada ya mkutano huo, Uwazi liliwatafuta wabunge hao, kasoro Mbowe hakupokea simu, na waliopatikana walikuwa na haya ya kusema: SHABIBY: “Steve Nyerere namfahamu. Lakini sina ukaribu naye. Niliwahi kukutana naye muda mrefu kwenye hoteli yangu ya Moleno, Dodoma. “Nakumbuka alikuja na mwanamuziki Ray C (Rehema Chalamila), lakini baada ya hapo sijawahi kuonana naye popote maana hata baada ya kukutana naye sikuwahi kuwasiliana naye. “Kuhusu kunihusisha mimi katika sakata la Wema, yale mazungumzo nimeyasikia vizuri. Si kweli alichokisema eti alikuja kukutana na Musukuma kwenye hoteli yangu na mimi nikiwepo. Ni uongo mtupu. “Sijaonana na Steve Nyerere katika siku za hivi karibuni na sijazungumza naye lolote lile hata kwa njia ya simu,” alisema Shabiby. MILLI NGA: “Ninafahamu kila kitu kinachoendelea, maana Steve Nyerere ni mtu ambaye tunakutana mara kwa mara, ukizingatia ni kada mwenzangu kwenye Chama Cha Mapinduzi. Kuhusu yeye kunishawishi mimi kumtetea Wema bungeni, jambo kama hilo halipo maana sikuwahi kukutana naye kabla ya mimi kuzungumza bungeni. “Ila baada ya bunge, jioni nilikutana naye, akaniambia kuwa, nilichokiongea ni kama nilitazama kilichokuwa moyoni mwake. Hata hivyo, nimemsamehe maana ameomba radhi kwenye mkutano na waandishi wa habari!” ZITTO: “Mimi siwezi kusemea jambo hilo maana mimi kwangu halina maana yoyote.” MUSUKUMA: “Nisikilize vizuri mwandishi, mimi Steve Nyerere hana mchango wowote kwenye maisha yangu. Mimi ni Mbunge wa Geita Vijijini na sifanyi kazi yangu ya ubunge kwa kushawishiwa na mtu. “Steve Nyerere anaweza kunishawishi mimi kwa kipi? Ngoja nikwambie kitu, kinachoendelea ni kiki ya Steve Nyerere na watu wake maana kama umesikia ile ‘place’ na waandishi aliyoitisha, anasema Makonda ni rafiki yake, sasa unaweza kupima kinachoendelea hapo.” MUSUKUMA AKATAA RADHI YA STEVE Alipoulizwa kuhusu radhi aliyoiomba Steve Nyerere kwa wote aliowataja yeye ameipokeaje, alisema: “Kama ameomba radhi basi amewaomba wananchi wangu wa Geita waliyoniweka kwenye nafasi yangu kwa lengo la kuwatetea wananchi na si kufanya kazi kwa ushawishi wa mtu.” TID KWENDA KORTINI? Taarifa zaidi zilisema kuwa, Mbongo Fleva, TID anajipanga kumfikisha Steve kortini baada ya sauti yake kumtaja akisema anamchukia sana yeye huku pia kukiwa na habari kwamba, baadhi ya wanasheria jijini hapa wamepanga kujitokeza kwa waliotajwa ili kuangalia uwezekano wa kumfungulia kesi mama Wema ambaye anatajwa na Steve mwenyewe kuwa, ndiye aliyemrekodi.

Walaji wa nyama ya nguruwe ‘kitimoto’ wilayani Kalambo mkoani Rukwa watakikosa kitoweo hicho kwa muda usiojulikana baada ya Serikali kupiga marufuku watu kula nyama hiyo. Hatua hiyo imefikiwa baada ya nguruwe 150 kufa kwa ugonjwa wa mafua wa African Swine Fever na kuwaacha wengine wakiwa hoi. Mkuu wa Wilaya ya Kalambo mkoani Rukwa, Julieth Binyura alisema ugonjwa huo ulijitokeza miezi mitatu iliyopita kwenye Kitongoji cha Masazi na kusambaa katika kata za Legezamwendo na Mambwe Nkoswe. Ofisa Mifugo wa Wilaya ya Kalambo, Wilbroad Kansapa alisema nguruwe wote wanaozagaa mitaani watakamatwa na mizoga yote ifukiwe.

Msanii wa filamu nchini Wema Sepetu ambaye wiki iliyopita amekihama chama chake cha muda CCM na kuingia CHADEMA amefunguka na kusema kuwa anaipenda sana siasa na siku akifanikiwa katika siasa atafurahi sana kwa kuwa ni kitu anachokipenda sana. Wema Sepetu kupitia account yake ya Twitter amesema ameamua kuhama CCM na kuingia CHADEMA ili kupigania uhuru pamoja na demokrasia ambayo anahisi kwamba imeanza kupotea nchini Tanzania. "Hicho ndicho tunachokwenda kupigania, uhuru tuliokuwa nao pamoja na democracy tunayoanza kuipoteza. God guide us. Hujajua tu ni jinsi gani siku nitakapofanikiwa kuwa mwanasiasa nitakavyo furahi... Naipenda siasa sana Maybe ni roots za Daddy" aliandika Wema Sepetu Mbali na hilo Wema Sepetu anasema sasa hivi amekuwa na amani na furaha moyoni mwake. " Saizi nina amani ya ajabu moyoni mwangu... I thank my Good Lord... Kweli kila kitu katika maisha hutokea kwa sababu, saizi niite kamanda " alisisitiza Wema Sepetu

Mkuu wa Shule ya Sekondari Tumuli katika Wilaya ya Mkalama, mkoani Singida, Richard Makala (58) amejinyonga kwa kamba kutokana na kile kinachodhaniwa ni upweke. Kamanda wa Polisi Mkoa wa Singida, Debora Magiligimba, amesema mjini Singida kuwa Mkamala alikutwa amejinyonga kwa kutumia kamba iliyotengenezwa kwa vipande vya chandarua iliyofungwa juu ya mti umbali wa mita 130 kutoka nyumbani kwake. Aidha kamanda huyo alisema chanzo cha tukio hilo hakijajulikana na kwamba hakuna mtu au watu wanaoshikiliwa kutokana na tukio hilo na kuongeza kuwa polisi inaendelea na upelelezi kubaini kilichomsibu mwalimu huyo. Kwa upande wake Mjumbe wa Bodi ya shule hiyo, Mabruki Ng’ui ameliambia gazeti la Habarileo Jumatatu hii kuwa mwalimu huyo alikuwa anaishi peke yake kwa muda mrefu baada ya mkewe ambaye ni Mchungaji wa Kanisa la Kiinjili la Kilutheri Tanzania Tanzania (KKKT) Kitusha wilayani Iramba kuamua kutengana naye kutokana na unywaji pombe. “Huyu bwana amekuwa kwenye ndoa ya jina tu maana mke wake amekuwa akiishi mbali naye kwa kipindi kirefu sana, amekuwa mpweke kwa muda mrefu mno huenda hicho ndicho kilichosababisha ajitoe roho yake,” amesema Mjumbe huyo wa Bodi. Marehemu Makala ni mzaliwa wa kijiji cha Ndago, wilayani Iramba na anatarajiwa kuzikwa leo nyumbani kwake, ameacha mjane na watoto watano.

Mbunge wa jimbo la Babati mjini Paulina Gekul amenusurika kifo baada ya gari lake lenye namba za usajili T 189 BHQ kuacha njia na kupinduka vibaya ambapo mmbunge huyo alikuwa katika msafara wa naibu waziri wa Mazingira luhaga mpina wilayani babati mkoa wa manyara. Baada ya ajali hii kutokea mmbunge Paulina Gekul ambaye ni mmbunge wa babati mjini akakimbizwa hospitali ya mkoa wa manyara na kulazwa katika chumba cha wagonjwa mahututi I.C.U huku wanahabari wakikatazwa kuingia katika chumba hiki na madakatari ambao wanamuhudumia mmbunge huyo na kulazimika kumsubiri naibu waziri ambaye ameingia kumuona mbunge Gekul na hapa naibu waziri Mpina anaeleza. Hata hivyo baada ya ajali kutokea naibu waziri wa mazingira akalamika kuahirisha ziara yake ya kutembelea maeneo mbalimbali ndani ya mji wa babati huku mpina akiipongeza halmasahauri ya mji wa babati kwa kutambua umuhimu wa kutunza mazingira katika hali ya usafi baada ya kununua gari kwaajili ya kubebbea taka lenye dhamani ya zaidi ya milioni 200

Wapinzani wengi wa rais wa Marekani Donald Trump, wanaamini kuwa itawabidi wasubiri kwa miaka minne ili aweze kuondoka madarakani. Lakini wachawi nchini Marekani hawakubaliani na hilo. Usiku wa manane siku ya Ijumaa, wale wanaoamini uchawi kote nchini Marekani, waliandaa matambiko yenye nia ya kumuondoa Trump uongozini. Hadi sasa ukurasa wa Facebook wa matambiko huyo umepata wafuasi 10,500. Hatua hizo zimezua ghadhabu kotoka kwa wakirsto ambao wamewalaumu wachawi hao wa kutangaza vita vya kiroho. Wachawi hao wanapanga kurudia tambuko hilo hadi pale Trump atakapoondoka ofisini. Tambiko lingine litafanyika machi 26. Chama cha wakiristo nacho kilitangaza tarehe 24 mwezi Februari kama siku ya maombi ya kuukabili uchawi huo. Hata hivyo Trump hajazungumzia lolote kuhusu vita hivyo kati ya kanisa na uchawi.

Dar es Salaam. Imeelezwa kuwa wanawake wanauwezo mkubwa zaidi wa kuvumilia wanapopatwa na aibu kuliko wanaume ambao baadhi yao huamua kujinyonga. Kauli hiyo imetolewa na mtaalamu wa saikolojia katika Chuo cha Ualimu Patandi, Tawi la Sahare Tanga, Modesta Kamoga alipotakiwa kutoa maoni yake kuhusu tukio la mfanyabiashara Mohammed Mohammed (46) mkazi wa Dar es Salaam kumuua mkewe, Sophia na kisha kujinyonga. Mohammed alimuua mkewe na kuacha ujumbe wenye kurasa 80 ukieleza sababu za kufanya tukio hilo, kubwa ikielezwa kuwa ni mgogoro wa kimapenzi wa muda mrefu. “Wanaume wanapokumbwa na aibu kubwa kama huyo mtu aliyegundua kuwa watoto siyo wa kwake. Angekuwa mwanamke akajua mumewe ana watoto nje ya ndoa, anakwenda kumwambia mtu wake wa karibu, wanaume hawawezi kutoa sumu moyoni,” alisema.

Magu. Mtumishi wa Hospitali ya Wilaya ya Magu mkoani Mwanza, Moses Mjuni amefariki dunia baada ya kugongwa na gari la Mbunge wa Tarime Mjini (Chadema), Esther Matiko katika Kijiji cha Kishamba wilayani humo. Mkuu wa Wilaya ya Magu, Khadija Nyembo alisema jana kwamba ajali hiyo ilitokea juzi saa mbili usiku, “Gari la mbunge lilimgonga mtumishi wetu wa Hospitali ya Magu ambaye alikuwa anaendesha pikipiki na dereva wa gari hilo amekamatwa yupo polisi,” alisema Nyembo. Akizungumza kwa simu jana, Matiko alisema ajali hiyo ilitokea takribani kilomita 10 kutoka Daraja la Mto Simiyu wakati akitoka Mwanza ambako walikutana na mwendesha pikipiki na dereva wake, Kelvin Matango alikuwa akimkwepa baada ya kuingia upande wake. “Nilitoka Mwanza saa 12:00 jioni kwenda jimboni kwangu (Tarime), tulipopita mbele kidogo karibu kilomita10 kutoka daraja la Mto Simiyu, ghafla alijitokeza mwendesha pikipiki akawa anaendesha kwa kuyumbayumba na dereva alishindwa jinsi ya kumkwepa akamgonga, mimi nilikuja kuona yule mtu ameshafariki dunia,” alisema Matiko. Matiko alisema licha ya kwamba hakupata majeraha, baada ya kutokea ajali hiyo alipelekwa katika Hospitali ya CF ya jijini Mwanza ambako alipewa dawa na kuruhusiwa. Hata hivyo, Matiko alisema alikuwa akisikia maumivu makali ya mgongo na mbavu hivyo kutakiwa kwenda kufanyiwa vipimo kuona kama atakuwa amepata madhara. “Nasikia maumivu makali ya mgongo na mbavu za kulia, nahisi mkanda wa gari ulinibana zaidi, nilitakiwa kwenda hospitali ya CF kufanyiwa uchunguzi lakini nimeshindwa kwa sababu hapa tunapozungumza naenda Magu kumaliza masuala ya polisi kwani dereva na gari vipo polisi,” alisema Matiko. Alisema baada ya kumaliza kushughulikia masuala hayo ndipo atarudi tena hospitali kufanya uchunguzi wa afya yake. Mwanajeshi afa, 10 wajeruhiwa Arusha Katika ajali nyingine iliyotokea mkoani Arusha, askari wa Jeshi la Wananchi wa Tanzania (JWTZ), George Ngwegeta alifariki katika Kijiji cha Oldonyosambu wilayani Arumeru. Watu wengine 10 wamejeruhiwa katika tukio hilo. Kamanda wa Polisi Mkoa wa Arusha, Charles Mkumbo alisema jana kuwa mwanajeshi huyo pamoja na majeruhi hao, walikuwa wamepanda gari dogo la abiria aina ya Nissan Caravan wakitoka Namanga kuelekea Arusha. Alisema gari hilo lilipinduka mara tatu baada ya kupasuka tairi la mbele likiwa katika mwendo wa kasi na dereva gari hilo linalofanya safari zake kati ya Arusha na Namanga, Pailoti Pamphili alishindwa kulidhibiti. Kamanda Mkumbo alisema dereva huyo anashikiliwa. Kuhusu majeruhi, Kamanda Mkumbo alisema hadi jana jioni, walikuwa wamelazwa katika Hospitali za Selian na Mount Meru na watano kati yao hali zao hazikuwa nzuri.

MKUU wa wilaya ya Kinondoni mkoani Dar es Salaam, Ali Hapi, ametoa onyo kwa wamiliki wa baa wanaowahifadhi watu wanaojihusisha na biashara ya ngono ‘Machangudoa’ kuwa watafutiwa leseni. Ametoa agizo hilo baada ya kupokea malalamiko kutoka kwa wananchi wa kata ya Kijitonyama waliodai kuwa kuna baadhi ya baa zimekuwa zikiwahifadhi wanaouza miili, hali ambayo ni hatari kwa mazingira na makuzi ya watoto. Hapi amesema haiwezekani serikali iwe inapambana na biashara hiyo haramu lakini kuna baadhi ya baa zinawafuga machangudoa. "Tutashughulika na changudoa na tutashughulika na wenye baa zinazowahifadhi machangudoa, kwa sababu hili ni suala lililo kinyume cha sheria, serikali inapambana na hili tatizo halafu mwingine analikumbatia, hilo haliwezekani, tutawachukulia hatua za kisheria," amesema. Awali, akitoa malalamiko yake kupitia mkutano wa hadhara uliofanyika katika viwanja vya shule ya Sekondari ya Mama Salma Kikwete, mkazi wa Kijitonyama alidai kuna baa zilizogeuka kero kwao. Ameitaja baa iitwayo Kona ya Sinza imekuwa ikiwahifadhi machangudoa hivyo kuhatarisha makuzi ya watoto kwa kuwa wanaweza kuiga tabia zisizofaa. "Hii baa iko hapo Afrika Sana, machangudoa wako pale wanajiuza hadharani, sasa kwa kweli hii ni kero kubwa kwetu, watoto wanaweza kuiga na matokeo yake tutakuwa na kizazi kibaya ," amesema mwananchi huyo.chanzo muungwana blog

KATIKA kupambana na uhalifu wa dawa za kulevya, Shirika la Posta Tanzania (TPC), linasimika mfumo wa kisasa utakaogharimu Sh. Milioni 200 wa kudhibiti usalama na kurahisisha utambuzi wa vitu na matukio hatarishi na haramu yanayopitishwa au kujitokeza kupitia mtandao wa shirika hilo. Mwenyekiti wa Bodi ya Wakurugenzi wa shirika hilo, Dk Haruni Kondo amesema leo alipokuwa akizungumza jijini Dar es Salaam. Dk Kondo alisema mfumo huo unajumuisha ufungaji wa kamera za kiusalama (CCTV), katika Posta Kuu ya Dar es Salaam, na tayari mzabuni aliyeusimika ameshakamilisha kazi yake na ataukabidhi kwa shirika wiki ijayo. Utazinduliwa rasmi wakati wowote kuanzia hapo. "Aidha tumesimika mifumo ya kisasa ya kiusalama ikiwa ni pamoja na mashine za ukaguzi wa mizigo katika ofisi zenye uwezekano wa kuwa uchochoro wa uhalifu wa aina hii ikiwa ni pamoja na ofisi za Zanzibar, Kigoma, Dar es Salaam na Arusha," amesema. Amesema hatua hizo zimechukuliwa na shirika ili kuhakikisha linashiriki na kuchangia kikamilifu jitihada za Serikali ya Awamu ya Tano za kupambana na uhalifu, ikiwa ni pamoja na usafirishaji, uuzaji na utumiaji wa dawa za kulevya, usafirishaji na utakatishaji wa fedha haramu, ugaidi, udaganyifu katika utambulisho pamoja na uhalifu mwingine wa kimtandao wa kitaifa na kimataifa. Mwenyekiti huyo alisema Bodi ya Wakurugenzi ya shirika imedhamiria kuongeza msukumo wa kasi ya usimamizi ili kupambana na uhalifu huo ambao una madhara makubwa kwa jamii. Amesema hatua hiyo imechukuliwa kwa kuzingatia kuwa matukio ya uhalifu uliopangwa yamekuwa ni changamoto kubwa kwa mashirika ya Posta duniani. Ametaja vitu visivyoruhusiwa kusafirishwa katika mtandao wa Posta kwa mujibu wa sheria kuwa ni pamoja na dawa za kulevya, bidhaa za kemikali zenye sumu, silaha za moto na milipuko, wanyama hai, nyara za serikali, vifaa vya mionzi, vyakula vinavyooza, betri za aina mbalimbali, vimiminika, fedha haramu, utakatishaji wa fedha na vitu vyovyote hatarishi. Shirika hilo kwa kushirikiana na vyombo vingine vya usimamizi wa sheria, kwa hivi sasa limeimarisha uhakiki wa mifumo yake na pia ukaguzi wa barua, vifurushi, vipeto na mizigo ili kujiridhisha juu ya usalama na uzingatiaji wa sheria.

Dar es Salaam. Mamlaka ya Mawasiliano Tanzania (TCRA) imetoa adhabu kali kwa vituo vinne vya utangazaji kwa kukiuka maadili ya utangazaji kwa mujibu wa sheria na kuvitaka viombe radhi siku tatu mfululizo kuanzia leo (Ijumaa) kupitia taarifa ya habari. Akitoa adhabu hizo, Mwenyekiti wa Kamati ya Maudhui ya TCRA, Valerie Msoka amesema vitio hivyo vimepewa onyo kali ikiwa ni pamoja na kutozwa faini na kuomba radhi wasikilizaji wake. Amevitaja vituo hivyo kuwa ni Star TV,Channel ten, Clouds FM na Times FM.chanzo muungwana blog

Raisi Magufuli Atoapongezi kwa Madaktari Muhimbili Na Amsaidia Neema Mwita Wambura Aliyeunguzw Dada Neema Mwita Wambura (32) akizungunza na Rais wa Jamhuri ya Muungano wa Tanzania Dkt. John Pombe Magufuli kupitia njia ya Simu akimshukuru kwa msaada aliompatia wa kufanyiwa tena uchunguzi wa afya yake katika hospitali ya Taifa ya Muhimbili. Pia Rais Dkt. Magufuli ameahidi kumpatia hifadhi mama huyo pamoja na watoto wake watatu ambao kwa sasa wapo Bunda mkoani Mara. Pia Rais Dkt. Magufuli alimpatia msaada Dada huyo kiasi cha Shilingi laki tano. Dada Neema Mwita Wambura aliungua vibaya mara baada ya kumwagiwa uji wa moto uliokuwa unachemka jikoni na mume wake katika kijiji cha Kyagata, Tarime mkoani Mara. Rais wa Jamhuri ya Muungano wa Tanzania Mhe. Dkt. John Pombe Magufuli amewapongeza Madaktari wa Hospitali ya Taifa Muhimbili kwa juhudi kubwa walizofanya kunusuru maisha ya Neema Mwita Wambura ambaye alijeruhiwa kwa kuunguzwa na maji ya moto kifuani, shingoni na mkononi. Pongezi hizo za Mhe. Dkt. Magufuli zimetolewa na Mkurugenzi wa Mawasiliano ya Rais, Ikulu Bw. Gerson Msigwa muda mfupi baada ya kumfikisha Neema Mwita Waitara katika Hospitali ya Taifa Muhimbili ambako Rais Magufuli ameagiza apelekwe kwa mara nyingine kwa ajili ya kufanyiwa uchunguzi wa maendeleo ya afya yake. Katika Pongezi hizo Mhe. Dkt. Magufuli amesema Madaktari wa Hospitali ya Taifa Muhimbili wamefanya kazi kubwa na ya kizalendo kuhakikisha Neema anapona licha ya majeraha makubwa aliyoyapata miaka miwili iliyopita na ambayo yalitishia uhai wake. Pia Mhe. Rais Magufuli amempongeza Mama Mariam Amir (Bibi Mwanja) kwa upendo wake wa kumchukua Neema na kisha kumpa hifadhi nyumbani kwake huko Tandika Devis Kona Jijini Dar es Salaam. “Nakushukuru sana Mama na ninakupongeza, umeonesha mfano mzuri wa kujali umoja na upendo kwa Watanzania wenzako bila kujali dini, kabila wale kanda unayotoka na hivi ndivyo Watanzania wote tunapaswa kufanya” amesema Mhe. Rais Magufuli.

Jeshi la Polisi yasema limejipanga kikamilifu
kuimarisha ulinzi na amani katika pambano la
watani wa jadi.
Homa ya pambano la watani wa jadi
litakalopigwa jumamosi imezidi kupanda huku
pande zote mbili zikitamba kuondoka na ushindi
na jeshi la polisi likijinasibu kuimarisha ulinzi.
Nelsoni Mandela Madiba alikuwa kinara wa
kuandika barua za mapenzi akiwa gerezani,rejea
barua yake ya april 27 iliyosheheni majonzi
kwenda kwa Winnie ikisema picha yako
naipangusa kila asubuhi ninashaka na hofu juu ya
kodi ya nyumba na hata chakula kwa watoto,siku
moja kablaya pambano la watani hawa nami
naadika barua ndefu kwenda kwa wanayanga
nikiwambia teke la mwisho la farasi anayekufa
huwa na nguvu na wasidaishwe na rangi
kwakuwa utamu wa chai sukari.
Tambo zimetamalaki kila pembe ya nchi wayanga
wakisema imma faima mnyama haponi simba
nao wajibu supu ya mawe i tayari kuwapa yanga
zaidi sana jeshi la Polisi nalo lasema litayari
kukabiliana na uhalifu.
Homa ya pambano la watani wa jadi
litakalopigwa jumamosi inazidi kupanda huku
pande zote mbili zikijigamba kuondoka na ushindi
wapo Dar es Salaam eneo la kigamboni,wacha
nikaskilize wimbo mtoto wacha kupiga mayowe.

Bill Nas ameijibu kauli ya Dayna Nyange kuwa mastaa wa Kibongo hawajui kutongoza. Dayna aliiambia Bongo5 kuwa hiyo ndio sababu moja wapo ya kwanini hana uhusiano na staa mwenzake. Lakini Bill ambaye ameshirikishwa kwenye wimbo wa Dayna, Komela, ameipinga vikali kauli hiyo. “Hapaswi kujumuisha wasanii wote wa Bongo Flava, kama kuna washkaji wawili watatu wamewahi kumtongoza au watano, bado umma wa Bongo Flava ni mkubwa sana,” Bill Nas alikiambia kipindi cha Amplifaya cha Clouds FM, Jumatano hii. “Kama kuna watu wawili watatu, aseme hao hao asijumuishe watu wengine,” ameongeza rapper huyo na kudai kuwa kwakuwa yeye hajawahi kutoka na msichana wa Bongo Flava, hawezi kuhitimisha kuwa hakuna msichana anayemvutia. Awali kwenye interview ya Bongo5, Dayna alisema, “”Sijawahi kudate na staa na si kwamba wakaka wazuri hawapo, na sio kwamba hawanitokei, labda hawajui kutongoza vizuri. Kwa sababu sijawahi kushawishika kutembea na staa na sipendi kutembea na staa, so wakati mwingine unaweza ukawa haupendi kitu lakini ukashawishika kuingia lakini mimi bado hajatokea.”

CHADEMA kupitia Mwenyekiti wa Chama
Taifa Freeman Mbowe, baada ya kesi ya
kikatiba namba 1 ya mwaka 2017
inayotarajiwa kuwasilishwa Mahakama
Kuu leo, kitazungumza kwa umma kupitia
waandishi wa habari na kuwakaribisha
wanachama wapya waliojiunga leo
akiwemo msanii Wema Sepetu.
Mbowe na Lissu leo wanawasilisha ile
hati ya mashitaka iliyorekebishwa na
kumuongeza Mwanasheria Mkuu. Wema
Sepetu yupo Katikati ya Esther Bulaya na
Mbowe hii leo. Kutoka Mahakama Kuu:
Kesi ya Mbowe dhidi ya RC Makonda, RPC
Sirro na ZCO Wambura
Baada ya hapa Mbowe ataongea na
Waandishi.
Ikumbukwe kwamba Lissu ambaye pia ni
Mbunge wa Singida Mashariki (CHADEMA)
na Mwanasheria mkuu wa CHADEMA, jana
alijitokeza mahakamani kuwa wakili wa
Wema na wenzake wawili akiwamo
mfanyakazi wa ndani. Msanii maarufu wa
fani ya uigizaji wa filamu, Wema Sepetu
anakabiliwa na kesi ya kukutwa na bangi.
Kesi hiyo ya Wema iliahirishwa hadi
Machi 15.

Jana Redio ya Clouds kupitia kipindi cha Power Breakfast walitangaza kuwa siku ya Leo Atakuja mkuu wa Mkoa Paul Makonda kutolea ufafanuzi mambo mbali mbali kuhusu yeye ambayo yamekuwa yakiongelewa na kushutumiwa bila yeye kutoa majibu. Sasa asubuhi ya Leo kipindi hicho kimeomba radhi kuwa Leo Mh Paul Makonda hata weza kuja kwenye kipindi hicho kutokana na majukumu ya kiserikali yanayomkabili siku ya leo

Taarifa ya 66 walionaswa na Dawa za kulevya Morogoro http://www.muungwana.co.tz/2017/02/taarifa-ya-66-walionaswa-na-dawa-za.html Watu wanne wamefariki na saba wameokolewa
baada ya kufukiwa na kifusi wakat wanachimba
dhahabu katika machimbo yaliyopo Kijiji cha
Itumbi, Wilaya ya Chunya Mkoa wa Mbeya.

Watu wanne wamefariki na saba wameokolewa
baada ya kufukiwa na kifusi wakat wanachimba
dhahabu katika machimbo yaliyopo Kijiji cha
Itumbi, Wilaya ya Chunya Mkoa wa Mbeya.chanzo mwananch

Zitto Ziarani Nchini Kenya
Kiongozi wa Chama cha ACT Wazalendo, ndugu
Kabwe Z. Ruyagwa Zitto yupo nchini Kenya kwa
ziara ya ukaguzi wa miradi ya Benki ya Dunia na
Shirika la Fedha la Kimataifa (IMF). Ziara hii ni
sehemu ya kazi za Mtandao wa Wabunge wa
Shirika la Fedha Duniani (IMF) na Benki ya Dunia
(WB). Katika ziara hii kuna jumla ya wabunge 25
kutoka nchi mbalimbali duniani. Tanzania
inawakilishwa na Mbunge wa Kigoma Mjini na
Mbunge wa Sikonge ndugu Joseph Kakunda.
Katika ziara hiyo wabunge wanakagua miradi
mbali mbali inayotekelezwa na mashirika hayo na
namna gani miradi hiyo inachochea maendeleo
ya nchi husika. Benki ya Dunia Ina miradi ya
thamani ya USD 2.3 bilioni (sawa na wastani wa
Shilingi Trilioni 5) nchini Kenya. Wabunge
watakutana na Asasi za kiraia na sekta binafsi ya
Kenya. Upande wa Serikali watakutana na Waziri
wa Fedha, Gavana wa Benki Kuu na tume ya
mipango.
Asubuhi ya Leo ndugu Zitto alimtembelea
bungeni Spika wa Bunge la Kenya, Mheshimiwa
Justin Bedan Njoka Muturi. Pichani akiwa pamoja
na Spika Muturi (katikati) pamoja na Mbunge wa
Bunge la Uganda, mheshimiwa Nandala Nandala -
Mafabi (kulia) ambaye pia ni Katibu Mkuu wa
Chama cha Forum for Democratic Change (FDC)
cha Uganda kinachoongozwa na ndugu Kizza
Besigye. Mafabi naye ni mjumbe wa Mtandao wa
Wabunge wa IMF na Benki ya Dunia (WB).
Kiongozi wa Chama cha ACT Wazalendo, ndugu
Zitto, ni mwanachama mwandamizi wa Mtandao
wa Wabunge wa IMF na Benki ya Dunia (WB)
kwa muda wa miaka 8 Sasa.
Imetolewa na Ofisi ya Kiongozi wa Chama
ACT Wazalendo
Februari 20, 2017

ERIC SHIGONGO
DIMBWI LA DAMU-15
Tayari Manjit alishaingia �mikononi mwa polisi
na �alikuwa ndani ya gari akipelekwa kituoni,
hiyo ilitokea baada ya kumweleza Patrick ukweli
kuwa asingeweza kumlipa pesa alizokuwa
akimdai,Victoria aliumia sana moyoni mwake
wakati Manjit akiondolewa ndani ya ofisi ya
Patrick huku akiliita jina lake, alishindwa
angemsaidia vipi Manjit mtu pekee aliyekuwa
akimtegemea kwa wakati huo.
Walitoka ofisini Patrick akiwa amemshika mkono
Victoria na kumuongoza hadi mahali lilipokuwa
gari lake la kifahari aina ya Potsche, na kuingia
ndani, Patrick alikaa kwenye usukani na Victoria
alikaa kushoto kwake, ilikuwa ni safari kwenda
nyumbani kwa tajiri Abdulwakil ambako Victoria
alikuwa akipelekwa kuongea na tajiri huyo
aliyemiliki visima vingi vya mafuta ili ajaribu
kumshawishi asimfunge Manjit kwani ndiye
alikuwa tegemeo lake maishani.
“Akiniona katika hali hii ya upofu ni lazima
atabadili nia yake ya kumfunga Manjit, Mungu
yupo pamoja na mimi ninaamini atanihurumia!”
Aliwaza Victoria wakati gari likipita kwenye mitaa
ya katikati ya jiji la Baghdad kuelekea nyumbani
kwa tajiri Abdulwakil kilometa kumi na tano nje
ya jiji.
“Hivi baba yangu atakubali kweli? Sina uhakika
anachotaka yeye ni pesa na kama hakuna pesa
lazima Manjit atafungwa tu!”
“Mwanangu niache nikaongee naye akikataa basi
lakini nitakuwa nimejaribu!”
“Sawa mama!”
Gari lilizidi kwenda kwa kasi na dakika kumi na
tano baadaye liliacha barabara na kukata kona
kuingia kulia likipita chini ya miti mirefu, mbele
zaidi kama nusu kilometa lilikata tena kushoto na
kuzidi kutokomea ndani! Hatua kama mia mbili
mbele Victoria alisikia honi ikipigwa na mlio wa
geti likifunguliwa ulisikika, akafahamu walikuwa
wamefika mahali walipokuwa wakienda.
“Asalam alekum!”
“Aleikum salam!”
Alisikia maneno hayo kila walivyozidi kusonga
mbele hatimaye gari likasimama kabisa na
Patrick alifungua mlango na kuzunguka hadi
upande wa pili ambako pia alifungua mlango na
kumsaidia Victoria kushuka.
“Tumefika!”
“Kumbe sio mbali?”
“Kwa kweli sio mbali sana!”
Patrick akiwa amemshika mkono Victoria
waliongozana na kuanza kupandisha ngazi
taratibu, aligundua walikuwa wakiingia ndani ya
nyumba, kila mahali walikopita salamu zilisikika
na milango ilifunguliwa na wakaingia hadi ndani
ambako Victoria alisaidiwa kuketi kitini.
“Karibu mama hapa ndio nyumbani kwetu!”
“Ahsante sana mwanangu, kikubwa naomba
unisaidie nikutane na baba yako!”
“Basi nisubiri hapa nikaongee naye” Alisema
Patrick, alionekana kumwonea huruma sana
Victoria lakini hakuwa na uwezo wa kumsaidia
kwa sababu mwenye amri alikuwa ni baba yake
mzazi.
“Haina matatizo!” Aliitikia Victoria na baadaye
akasikia mlio wa viatu ukiondoka mahali alipokaa.
Alisubiri kwa muda mrefu mno bila Patrick
kurejea, alishindwa kuelewa ni kitu gani
kilichokuwa kikiongelewa huko ndani! Hofu yake
kubwa ilikuwa ni tajiri Abdulwakil kukataa
kuonana naye alimwomba Mungu wake hilo
lisitokee. Mawazo yake yote wakati akisubiri
yalikuwa juu ya Manjit ambaye alikuwa polisi,
hakujua ni kitu gani wangekuwa wamemtenda!
Alizidi kumwomba Mungu amwepushe Manjit na
mabaya yote, hakuwa tayari kushuhudia Manjit
akipatwa na tatizo kwani maisha bila yeye
yasingewezekana, alikuwa tayari kufa pamoja
naye.
Baadaye akiwa sebuleni alianza kusikia
minong’ono kutoka upande wa pili, ilikuwa ni
sauti nzito ya kizee ikifoka! Hakuelewa ni nini
kilichokuwa kikiongelewa kwa sababu maongezi
yalifanyika katika lugha ya Kiarabu.
Kadri dakika zilivyozidi kwenda ndivyo sauti ya
mzee akifoka ilivyozidi kuongezeka na kukikaribia
chumba alichokuwa amekaa, hofu kubwa ilimpata
moyoni mwake akijua kitu kibaya kilikuwa
kikimfuata! Alianza kulia akimwomba Mungu
abadilishe mawazo ya wabaya wake.
“Ee Mungu wangu naomba unisai........!” Alisema
Victoria lakini kabla hajaimalizia sentensi yake
mlango ulifunguliwa na nyayo za watu wengi
zilisikika zikiingia, alikaa kimya akisubiri sauti ya
Patrick iongee lakini badala yake alisikia sauti
nzito ya mzee ikifoka.
“Yuko wapi huyo? Hawa watu wanafikiri sisi
tunafanya mchezo na biashara, ikibidi hata huyu
mama tutamfunga pamoja na Manjit!” Alifoka
mzee huyo, sauti yake pekee ilitosha kumtisha
Victoria.
Victoria aliposikia kauli hiyo aliinamisha kichwa
chake na kuuficha uso wake katikati ya miguu
yake miwili, kwa maneno yaliyosemwa na mzee
huyo alijua taabu kubwa ilikuwa inakuja! Aliumia
sana moyoni mwake, alifikiri shida zilikuwa
zimekwisha katika maisha yake kumbe haikuwa
hivyo alitakiwa kupambana na matatizo mengine
tena.
“Hebu mleteni hapa!” Aliamrisha mzee huyo na
Victoria alibebwa juujuu na kupelekwa moja kwa
moja hadi mahali mzee huyo alipokaa.
“Nisamehe sana mzee, naomba unisikilize
kwanza ninachotaka kusema!”
“Onyesha uso wako kwanini unaficha sura? Hebu
mnyanyueni sura yake niione ingawa ukitaka
kumuua nyani usimwangalie usoni!” Alisema tajiri
Abdulwakil na vijana kama watatu walimshika
Victoria shingoni na kuanza kukinyanyua kichwa
chake.
“Khaa! Victoria ni wewe?” Tajiri Abdulwakil
alisikika akipiga kelele.
Victoria alishangaa kusikia mtu aliyemhofia
akimwita kwa jina, hakuwa maarufu kiasi cha
kujulikana kwa tajiri Abdulwakil!
“Wewe ni nani unayeniita jina?”
Tajiri Abdulwakil hakujibu kitu kwa mshtuko
alioupata alilegea na kuanguka moja kwa moja
sakafuni! Ikawa hekaheka ndani ya chumba, watu
wote hawakuelewa ni nini kimempata ikabidi kwa
haraka haraka abebwe na kutolewa moja kwa
moja hadi nje ambako alipakiwa ndani ya gari na
kukimbizwa hospitali! Hakuna mtu aliyeelewa
kilichotokea, kilibaki ni kitendawili.
“Au yule bibi ni mchawi nini?” Aliuliza Patrick
wakiwa ndani ya gari kuelekea hospitali.
“Kwanini unafikiri hivyo Patrick?”
“Maana amening’ang’ania sana nimlete kwa baba
sasa baada tu ya baba kumwona ameanguka na
kupoteza fahamu. Kama baba akifa kwa hakika
nitamuua huyu bibi kizee! Hawezi kuniulia baba
yangu hivi hivi nikamwacha hai” Aliendelea
kusema Patrick huku machozi yakimtoka.
Walipofika hospitali walipokelewa na tajiri
Abdulwakil akiwa hajitambui alikimbizwa moja
kwa moja hadi chumba cha wagonjwa mahututi,
iligundulika baadaye kuwa mmoja wa mishipa
yake katika ubongo ulipasuka sababu ya mshtuko
mkubwa alioupata. Jambo hilo lilimfanya Patrick
aamini Victoria alikuwa na majini na alimpiga
baba yake na moja ya majini yake.
“Nitamuua! Hakyanani nitamuua! Nikirudi
nyumbani tu lazima afe na atafukiwa ardhini
hakuna mtu atakayejua”
**************
Kwa sababu ya kuchanganyikiwa na tukio
lililotokea Patrick alimsahau Victoria ndani ya
nyumba yao na kuondoka mbio kwenda hospitali,
alibaki sebuleni akiwa katika dimbwi la mawazo
na maswali yasiyokuwa na majibu, alishindwa
kuelewa ni nani aliyemwita kwa jina, aliamini
hapakuwa na mtu yeyote aliyemfahamu katika
nchi ya Iran.
Alivuta kumbukumbu zake kwa muda akijaribu
angalau kuikumbuka sauti aliyoisikia lakini
hakupata jibu na kilichomchanganya zaidi ni
kitendo cha kumsikia Patrick akimtupia lawama
juu ya matatizo yaliyompata baba yake! Aliogopa
na kuamini lazima Patrick angemfanyia kitu.
Ni wasiwasi huo ndio uliomfanya atoke taratibu
sebuleni na kutembea hadi nje akishika ukuta,
nyumba nzima ilikuwa kimya iliashiria watu wote
hawakuwepo, aliamini wote walimkimbiza tajiri
Abdulwakil hospitali.
Nyumba ya tajiri Abdulwakil ililindwa kila upande,
ilikuwa si rahisi kutoka wala kuingia ndani ya
nyumba hiyo bila kuonekana lakini kwa tukio
lililotokea siku hiyo, walinzi wote walikusanyika
sehemu moja na kuanza kujadili juu ya
kilichompata tajiri wao.
“Sijui kapatwa na nini?”
“Hata mimi sifahamu, nimeona tu akitolewa ndani
na kupakiwa ndani ya gari na kwa haraka gari
likaanza kuondoka!”
“Labda mama yumo ndani tumuulize?”
“Hata yeye hayupo amekwenda hospitali!”
“Atapona kweli mzee?”
“Kwa hali niliyomwona nayo kwa kweli nina
wasiwasi!”
Wakati maongezi hayo yakiendelea Victoria
alikuwa akiupapasa ukuta kwa kuuzunguka
akitafuta mahali pa kutokea, alikuwa ameamua
kutoroka kwenda mahali kusikojulikana, mwili
wake ulihisi mabaya! Alijua kama Patrick
angerudi kutoka hospitali na kumkuta ni lazima
angemdhuru na hata kumuua kabisa, Victoria
hakuwa tayari kwa hilo.
Alipapasa kwa dakika ishirini nzima ndipo
akafanikiwa kulifikia lango, kubwa lilikuwa
limefungwa lakini alipopapasa pembeni
alifanikiwa kugusa kitu kama komeo, alipokishika
na kujaribu kukifungua na kisha kuvuta
alishangaa kuona lango dogo likifunguka!
Akamshukuru Mungu na kwa taratibu pamoja na
uzee wake alinyata na kutoka nje bila kuonekana
na mtu yeyote.
Sababu ya upofu alisimama bila kujua aelekee
wapi, aliusikiliza moyo wake kwa muda na
akakumbuka maneno aliyoambiwa kanisani miaka
mingi akiwa mtoto mdogo kuwa Mkono wa kulia
ulikuwa mkono wa Kuume ambao uliaminika
kuwa na baraka! Bila hata kujadili mara mbili
Victoria alikata kulia akachuchuma na kuanza
kutambaa akielekea vichakani bila kujua mahali
alikokuwa akielekea.
Kwa saa nzima alitambaa ardhini akipita katikati
ya nyasi zilizomuwasha mwili mzima, hakujali
kwa sababu alishaamua kujiokoa, machozi
yaliendelea kumtoka sababu ya Manjit aliyekuwa
polisi! Kwa mara nyingine alikuwa
ametenganishwa na mtu aliyempenda na
aliyekuwa msaada pekee kwake!Kumbukumbu
zake zilimrejesha tena kwa kaka yake Nicholaus.
“Yaani kila mtu anayejitolea kunisaidia
anaondolewa kwangu! Wa kwanza alikuwa
Nicholaus, akaja Leah, baadaye Manjit lakini hata
yeye wameninyang’anya! Nitaishije mimi
Victoria? Ni heri kufa kuliko mateso haya!”
Aliwaza akizidi kutambaa kwenda mbele zaidi
katikati ya vichaka.
Mpaka masaa matatu baadaye alikuwa bado
akitambaa porini, alikuwa bado hajaonekana wala
kukutana na mtu yeyote! Alimshukuru Mungu
kwa hilo mbele zaidi alichoka na kuamua kulala
chali ardhini na kuamua kuifungua ncha moja ya
nguo aliyojifunga na kutoa kipande cha noti
walichogawana na kaka yake, alikuwa bado
akikitunza! Hakuwa tayari kukipoteza kwake
ilikuwa ni bora apotee yeye lakini si kipande
hicho cha noti alichokichukulia kama kaka yake.
“Hivi kweli ipo siku nitakutana na Nicholaus na
kuiunganisha noti yetu?” Aliwaza Victoria akiwa
amelala chali ardhini, alikuwa amechoka hoi bin
taaban na njaa ilimsumbua, si njaa tu kulikuwa
na mbu wengi waliomuuma kila sehemu ya mwili
wake, ingawa alikuwa kipofu hali ilimuonyesha
kuwa tayari usiku ulishaingia.
Hakuwa na matumaini ya kumwona Manjit tena!
*************
Taarifa za tajiri Abdulwakil kuanguka ghafla
nyumbani kwake baada ya kumwona mwanamke
mzee zilitapakaa kila sehemu ya mji wa
Baghdad! Watu wengi walifurika hospitali
kushuhudia kilichompata mtu waliyeamini alikuwa
tajiri kuliko wote nchini humo.
“Ni jini!”
“Kweli eh?”
“Hakuna kitu kingine! Si ajabu maadui zake
walimtuma bibi kizee nyumbani kwake wakiwa
wamemvalisha jini chinjachinja!”
“Lakini kweli inawezekana!”
Hayo ndiyo yalikuwa maneno ya kila mtu aliyefika
hospitali, hawakuruhusiwa kumwona mgonjwa
watu wote waliongea na Patrick na kumpa pole
na alivyowasimulia yaliyotokea wote waliamini
bibi alitumwa.
“Huyo bibi yuko wapi?” Aliuliza mmoja wa
wafanyakazi kwenye visima vilivyomilikiwa na
tajiri Abdulwakil.
“Tulimwacha nyumbani!”
“Kwa hiyo atakuwa bado yuko nyumbani kwenu?”
“Naamini hivyo!”
“Jamaniee!” Alipiga kelele mfanyakazi huyo na
wafanyakazi zaidi ya mia tatu waliokusanyika
walikaa kimya kumsikiliza yeye, alikuwa ni
kiongozi wao katika visima vya mafuta.
“Ni lazima huyu bibi tukamuue, hawezi
kumuumiza tajiri yetu na ushirikina au
mnasemaje?”
“Sawaaaaaaaaa!”Wafanyakazi wote waliitikia.
Kama walioamrishwa waliingia ndani ya magari
yaliyokuja nayo kutoka kwenye visima vya mafuta
na kwenda moja kwa moja hadi nyumbani kwa
tajiri Abdulwakil kwa lengo la kwenda kumkamata
Victoria na kumuulia mbali. Walipokelewa na
walinzi na walipomuulizia bibi walinzi hawakuwa
na jibu kwa sababu hawakutaarifiwa kuwa
kulikuwa na mtu aliyebaki ndani ya nyumba!
“Ingieni muangalie!”
Kiongozi wa wafanyakazi hao na wenzake wawili
waliingia hadi sebuleni na kuanza kumsaka
Victoria bila mafanikio, walinyanyua hadi viti na
meza na kumwangalia chini yake lakini bado
hakupatikana.
Walitoka nje na kuwataarifu wenzao juu ya
kutoonekana kwa mtu waliyekuwa wakimtafuta
ndani ya nyumba, waliamua kuacha ili wafanye
msako asubuhi iliyofuata, baadaye Patrick alirudi
kutoka hospitali na kuungana nao! Yeye ndiye
aliwajaza jazba zaidi wafanyakazi wake pale
alipowaeleza wazi kuwa mwanamke
aliyemsababisha baba yake matatizo alistahili
kufa.
Wafanyakazi walilala nje ya nyumba ya akina
Patrick na asubuhi ilipowadia, nyumba nzima kwa
msaada wa Patrick ilianza kupekuliwa lakini
mpaka hatua ya mwisho hawakuweza kumwona
ndipo ukatolewa uamuzi watafutwe nje ya
ngome.
“Hatakuwa mbali na hapa, si ajabu alifanikiwa
kutoka na yupo porini!” Patrick aliwaeleza
wafanyakazi wake, alikuwa amedhamiria kumuua
Victoria kabisa akiamini alimpiga baba yake na
jini! Hakuna mtu kati yao aliyeelewa kwanini
Abdulwakil alipoteza fahamu mara tu baada ya
kumwona mwanamke huyo na kilichowashangaza
zaidi ni kitendo cha Abdulwakil kumtaja
mwanamke huyo kwa jina kabla ya kupoteza
fahamu.
“Jamani hizi ni nyayo za nani? Lazima kuna kitu
kimepita hapa kikijivuta!” Alipiga kelele mmoja
wa wafanyakazi waliokuwa wakimsaka Victoria.
Mchana kabla Victoria hajapelekwa nyumbani
kwa tajiri Abdulwakil mvua kubwa sana ilinyesha
ni hiyo ndiyo iliyofanya nyayo na alama za
Victoria akitambaa ardhini zionekane.
“Ni yeye ndiye kapita hapa!”Patrick alisema na
kuwaongoza wafanyakazi wake kuzifuata nyayo
hizo porini,walitembea karibu masaa mawili
wakizifuata nyayo hizo porini, ghafla walimsikia
mtu aliyekuwa mbele yao akipiga kelele kwa
sauti.
“Huyu hapa! Huyu hapa!” Wafanyakazi wote
walikimbia kwenda mbele kila mtu na silaha
yake, mwenye rungu, mwenye jiwe, mwenye
panga, mwenye nondo tayari kwa kumuua
Victoria.
Alikuwa usingizini lakini kelele hizo zilimzindua
alishindwa kuelewa ni akina nani waliokuwa
wamemzunguka.
Je, nini kitaendelea?
Tukutane kesho hapahapa

ARUMERU, ARUSHA: Waandishi Bahati
Chume(Mwananchi) & Doreen Aloyce
(Sunrise Radio) wakamatwa kwa amri ya
DC - Wapo kituo cha Usa River.
Taarifa kwa hisani ya JamiiForums
Twitter;

Zaidi ya abiria 70 wa ndege ya Bombadier Q
dash 400,waliokuwa wakisafiri kutoka jijini
Mwanza kuelekea jijini Dar es salaam jana majira
ya saa moja usiku,wameshindwa kusafiri kwa
kutumia ndege hiyo kutokana na kupata hitilafu
kwenye moja ya injini zake.
Kaimu Meneja wa uwanja wa ndege Mwanza
David Matovolwa amesema kutokana na ndege
hiyo yenye namba za usajili 5H TCB, kupata
hitilafu ikiwa inataka kunyanyuka kwenye
barabara ya kutulia na kurukia ndege ( runway ),
ilibidi abiria kubadilishiwa ndege iliyotoka Dar es
salaam ambapo waliweza kuondoka majira ya saa
saba kasorobo usiku huo huo.
Akithibitisha ndege hiyo kupata hitilafu,
Mwenyekiti wa bodi ya Shirika la ndege Tanzania
( ATCL ), Mhandisi Emmanuel Koroso ameiambia
ITV kwa njia ya simu kwamba ndege hiyo
imeondoka uwanja hapo hii leo majira ya saa
4.30 asubuhi kuelekea jijini Dar es salaam ikiwa
haina abiria baada ya mafundi kuifanyia
matengenezo ya awali.
Shirika la ndege Tanzania lilizindua rasmi safari
za ndege zake aina ya Bombadier Q dashi 400
kati ya Dar es Salaam na Mwanza Oktoba mwaka
jana, ambapo ndege hiyo iliwasili mwanza kwa
mara ya kwanza saa 10.45 jioni ikiwa Katibu
mkuu wa Wizara ya ujenzi,uchukuzi na
mawasiliano Leonard Chamriho na kupokelewa na
mkuu wa mkoa wa Mwanza John Mongella.chanzo redio one.