Kamati ya Bunge yaibana Bodi ya Mikopo
ya Wanafunzi
Wabunge wameibana Bodi ya Mikopo kwa
Wanafunzi wa Elimu ya Juu (HELSB) kwa
kuongeza posho na kufikia jumla ya Sh1 bilioni
katika kipindi kifupi kiasi ambacho hakilingani na
kazi wanayoifanya.
Kwa kipindi kirefu, bodi hiyo imekuwa ikitupiwa
lawama kwa kuchelewesha mikopo, kushindwa
kukusanya fedha za wanafunzi waliokopa na
kutoa mikopo kwa wanafunzi hewa.
Hivi karibuni, Waziri wa Elimu, Sayansi na
Teknolojia, Profesa Joyce Ndalichako alisema
bodi hiyo imetoa fedha za kujikimu na mafunzo
kwa vitendo kwa zaidi ya wanafunzi hewa
1,000.
Hata hivyo, Mkurugenzi Mtendaji wa HELSB,
Abdul-Razaq Badru alijitetea mbele ya kamati
hiyo akisema ni mgeni katika bodi hiyo na
kwamba wanaweka mikakati mizuri ya
kurekebisha mambo hayo ili kuhakikisha
inafanya kazi kwa weledi zaidi.
Wakizungumza katika kikao cha Kamati ya
Bunge ya Hesabu za Serikali (PAC) cha
kukagua Ripoti ya Mthibiti na Mkaguzi Mkuu wa
Hesabu za Serikali (CAG) ya mwaka wa fedha
2014/15 ya bodi hiyo, wabunge hao
walisikitishwa na kitendo cha bodi hiyo
kushindwa kukusanya zaidi ya Sh3 trilioni
walizowakopesha wanafunzi mbalimbali tangu
ianze kutoa mikopo kwa wanafunzi wa elimu ya
juu.
Walisema isipobadilika katika utendaji wake,
kuna haja ya Serikali kuivunja na kuchagua
benki moja kusimamia shughuli hiyo.
“Mnatakiwa kuongeza juhudi na mikakati ili
kuhakikisha kwamba madeni yote yanakusanywa
kwa wakati la sivyo naona kuna haja ya Serikali
kuivunja bodi nakutafuta njia nyingine,” alisema
Mbunge wa Viti Maalumu (CCM) Raisa Mussa.
Mbunge wa Same Mashariki (Chadema),
Naghenjwa Kaboyoka alihoji kwa nini pamoja na
bodi hiyo kuwa na mameneja 18 na wafanyakazi
wa kudumu 144, bado utendaji wao umekuwa
siyo wakuridhisha.
“Kwa idadi yenu tulitegemea kupata ripoti
inayojitosheleza na hata utendaji wenu ulitakiwa
kuwa wa ufanisi zaidi,” alisema.
Akijitetea zaidi, Badru alisema kuna
changamoto nyingi zinazoikabili bodi yake lakini
kwa sasa wamepiga hatua kubwa katika
ukusanyaji wa madeni kutoka kwa wanufaika
wa mfuko huo.
“Kwa mfano Mei mwaka huu tulikusanya kiasi cha
Sh2 bilioni na Juni tulikusanya Sh6 bilioni,”
alisema.
Aliongeza kuwa ipo mikakati mingi ambayo
wamejiwekea katika kuhakikisha kwamba bodi
hiyo inakusanya madeni kikamilifu kutoka kwa
wadeni wake wote.
“Kwa kupitia mikakati yetu, tumeweza kuongeza
idadi ya wanafunzi ambao tunawapa mikopo
kutoka 42,729 hadi 123,783. Katika kipindi hicho
fedha za mikopo zimeongezeka kutoka Sh56
bilioni hadi kufikia Sh465.3 bilioni,” alisema.

Mkuu wa mkoa wa Arusha, Mheshimiwa
Mrisho Gambo(katikati)akizungumza na
Askofu wa Kanisa la Anglikan,Dayosisi ya
Mount Kilimanjaro,Stanley Hotay(kushoto)
alipomtembelea ofisini kwake na kufanya
mazungumzo nae akiwa ameambata na
Mbunge wa Tanzania kwenye Bunge la
Afrika Mashariki(Eala)Mheshimiwa
Angela Kizigha.
Askofu wa Kanisa la Anglikan,Dayosisi ya
Mount Kilimanjaro,Stanley Hotay(kushoto)
akizungumza na Mkuu wa mkoa wa
Arusha,Mh.Mrisho Gambo.
Mkuu wa mkoa wa Arusha,Mheshimiwa
Mrisho Gambo akiagana na Askofu wa
Kanisa la Anglikan Dayosisi ya Mount
Kilimanjaro,Stanley Hotay(kulia) baada
ya mazungumzo yao.
Na Nteghenjwa Hosseah – Arusha
Mkuu wa mkoa wa Arusha,Mrisho Gambo
ameendelea na ziara yake ya
kujitambulisha kwa viongozi wa dini
ukiwa ni utaratibu aliojiwekea wa
kukutana na viongozi baada ya kuteuliwa
kushika wadhifa huo hivi karibuni.
Mh.Gambo amekutana na Askofu wa
Kanisa la Kiinjili la Kilutheri Tanzania
(KKKT)Dayosisi ya Kaskazini
Kati,Mchungaji Solomon
Masangwa , Askofu wa Kanisa la
Evangelistic Assemblies of God(EAGT)
mkoa wa Arusha,Leonard Mwizarubi na
Askofu Stanley Hotay wa Kanisa la
Anglikana , Dayosisi ya Mount
Kilimanjaro.
Katika mazungumzo na viongozi hao kwa
nyakati tofauti mbali na kujitambulisha
aliwahakikisha dhamira ya serikali
kulinda na kuheshimu uhuru na haki ya
kuabudu ambayo imekuwepo nchini kwa
muda mrefu ikiwa ni njia ya kuwa na taifa
la watu wenye hofu ya Mungu.
Alisema kutokana na serikali ya awamu
ya tano inayoongozwa na Rais Dr. John
Joseph  Magufuli kutaka kuwainua
wananchi wa chini kupitia mapato ya
ndani halmashauri zimetenga asilimia 10
kutoka kwenye mapato hayo kwa ajili ya
mikopo yenye riba nafuu kwa Wanawake
na Vijana wajasiriamali
zitakazowawezesha kufanya shughuli za
uzalishaji mali.
Amewataka  wawajulishe waumini wa dini
zote na serikali iko tayari  kupanga
utaratibu wa
maafisa maendeleo ya Jamii na Vijana
kupita na kutoa  elimu kwa makundi
mbalimbali ikiwa ni pamoja na madhehebu
ya dini hili iwe inufaishe watu wote katika
mkoa huu bila kujali itikadi za kidini wala
kisiasa.
Askofu Stanley Hotay aliupongeza uongozi
wa mkoa kuimarisha hali ya utulivu na
kuomba vyombo vya ulinzi na usalama
ambavyo Mkuu wa mkoa ndiye Mwenyekiti
wake kukabiliana na changamoto za
kiusalama na viashiria vya uvunjifu wa
amani.
Aidha alishauri  kutokana na idadi ya
watu wanaotumia usafiri wa anga
kuongezeka kuna haja ya Serikali kufikiria
uwezekano wa kupanua zaidi uwanja wa
ndege wa Arusha uliopo Kisongo  ili uweze
kukidhi mahitaji ya sasa badala ya
kutegemea uwanja wa ndege wa kimataifa
wa Kilimanjaro(KIA) pekee.
Mh. Gambo amewahakikishia viongozi hao
kuwa serikali itakua ikiwashirikisha
mipango mbalimbali inayokusudia
kuitekeleza ili watoe mawazo yao katika
kuiboresha na kuifanya itekelezeke kwa
wepesi zaidi.

BARAZA la Habari Tanzania (MCT)
limeipongeza serikali ya Rais John Magufuli kwa
jitihada zake za kupambana na rushwa pamoja
na ubadhirifu na kusema inapaswa kuungwa
mkono na kila mmoja na pia vyombo vya habari.
Katibu Mtendaji wa MCT, Kajubi Mukajanga
alitoa pongezi hizo jana wakati wa Mkutano
Mkuu wa 18 wa Baraza hilo uliofanyika jijini Dar
es Salaam.
Mukajanga alisema kwa kuwa vyombo vya
habari ni namba moja katika kupambana na
rushwa, wanaiomba serikali itafute suluhu pale
vinapokosea badala ya kuvifungia.
“Midhali serikali inajua sheria zilizopo zinahitaji
marekebisho, tupunguze kuzitumia kwa sababu
hazitupeleki mbele, bali zinaturudisha nyuma,”
alisema Mukajanga.
Alisema hivi sasa Kamati ya Maadili ya Baraza
hilo ambayo Mwenyekiti wake ni Jaji Juxon Mlay
inaendelea kukusanya ushahidi wa kutosha ili
waende kuzungumza na Waziri wa Habari,
Utamaduni, Sanaa na Michezo, Nape Nnauye
kuhusu mgogoro huo wa kuvifungia vyombo vya
habari.
Vyombo vya habari vilivyofungiwa na serikali
hivi karibuni ni gazeti la Mseto na vituo vya
redio vya Magic FM na Radio Five. Naye Rais
wa baraza hilo, Jaji Thomas Mihayo alivitaka
vyombo vya habari pamoja na waandishi wa
habari visiogope kutumia haki yao ya msingi
pale inapotokea wanavunjiwa uhuru wao wa
kujieleza kwa sababu mahakama ni sehemu
sahihi ya kudai haki kamili.
“Watanzania wengi hawapendi kutumia vyanzo
sahihi vya kuweza kupata haki yao. Waandishi
wa habari mnapotaka kupata haki yenu nendeni
mahakamani kwa sababu ni chombo cha pekee
kinachoweza kutoa haki ya kweli," alisema Jaji
Mihayo.
Mbunge wa Ubungo kupitia Chama cha
Demokrasia na Maendeleo (Chadema) ambaye
ni Mkurugenzi Mtendaji wa gazeti la
MwanaHalisi, Said Kubenea alisema kuna tatizo
kwa waandishi wa habari kuwa wavivu katika
kutafuta haki mahakamani, pengine ni kutokana
na mchakato mrefu.
Aliiomba MCT kuwa mstari wa mbele katika
kuzisimamia kesi hizo mahakamani, kwa kuwa
kwa kufanya hivyo kutaipa kesi hizo nguvu.
“Ni rai yangu MCT, lisimame katika kutetea
waandishi na vyombo vya habari," alisema
Kubenea. Katika hilo, Mukajanga alisema hilo ni
jukumu lao wamelipokea hivyo watatenga fedha
kwa ajili ya kusaidia uhuru wa habari nchini.

Amaeongea kwa sasa ni mwenyekiti wa
CHADEMA taifa na anaongelea uamuzi wa
jeshi la wananchi kufanya usafi na
urushaji wa ndege siku ya leo ambayo
anasema haijawahi kufanya tangu uhuru.
Anasema anavyozungumza, katibu mkuu
(Salum Mwalimu) anaendelea kushikiliwa
na polisi mji wa Bariadi na ilikuwa leo
apelekwe mahakamani lakini polisi
wamesema wako bize.
Freeman Mbowe amesema maandamano
ya UKUTA yameahirishwa kwa mwezi
mmoja hadi tarehe Oktoba Mosi.
Mbowe: Tumepata wakati mgumu kufikia
uamuzi, sio kila wakati viongozi tutafanya
mambo yatayowapendeza wanachama
wetu. Viongozi wa dini awali walikuja na
ajenda moja, kuomba wabunge wa
UKAWA warejee bungeni. Kamati kuu ya
CHADEMA imepokea kwa heshima sana
wito wa viongozi wa dini.
Mbowe: Ni matumaini yangu wana
CHADEMA watatuelewa kamati kuu,
asanteni sana kwa kunisikiliza.

NI mwendo wa doria. Ndivyo unavyoweza
kusema baada ya askari polisi kulazimika kupiga
kambi katika Ofisi za Makao Makuu ya Chama
cha Demokrasia na Maendeleo (Chadema),
zilizopo Mtaa wa Ufipa, Dar es Salaam.
Polisi hao tangu jana asubuhi walikuwa
wakifanya doria katika eneo hilo huku wengine
wakizingira ofisi za chama hicho wakiwa
wamevaa kiraia.
Kutokana na hali hiyo, MTANZANIA ilituma timu
ya waandishi ambao kutwa nzima ya jana
waliwashuhudia askari polisi wakiwa nje ya ofisi
za chama hicho na wengine wakiwa ndani ya
magari ya doria.
Hatua hiyo ilionekana kuzua taharuki kwa baadhi
ya wanachama na viongozi wa juu wa chama
hicho ambao walijikuta wakishindwa kufanya
kikao cha dharura cha Kamati Kuu kwa hofu ya
kuzuka vurugu.
Ilipotimu saa tano asubuhi, timu ya walinzi wa
Chadema ‘Red Brigade’ waliongezeka na
kusimama nje ya ofisi za makao makuu huku
wakionekana kuwa tayari kwa lolote, ikiwamo
kujihami kwa kuwalinda viongozi wao; mawaziri
wakuu wa zamani, Edward Lowassa na
Frederick Sumaye ambao waliwasili katika ofisi
hizo kwa ajili ya kikao.
Kikao hicho kilikuwa ni cha mwandelezo baada
ya kile cha juzi kushindwa kumalizika na baadhi
ya viongozi wa chama hicho kukamatwa na
polisi.
Pamoja na hali hiyo, ilipotimu saa 9 alasiri,
viongozi hao wakiongozwa na Lowassa walitoka
nje na kuelezwa kuwa kikao kimeshindwa
kufanyika kwa kuwa hali ya usalama si nzuri,
hasa baada ya kuonekana askari kanzu
wakiingia ndani ya ofisi hiyo na wengine
kujifanya ni wanachama wa chama hicho.
Mwenyekiti wa Chadema, Freeman Mbowe
pamoja na Katibu Mkuu, Dk. Vicent Mashinji,
walilazimika kuondoka mapema na kwenda
katika kikao cha pamoja kati yao na viongozi wa
dini ili kutafuta mwafaka, kuhusu Operesheni
Ukuta inayotarajiwa kufanyika kesho licha ya
kuzuiwa na Jeshi la Polisi.
Kikao hicho cha viongozi wa dini kilichofanyika
katika Hoteli ya Courtyard jijini Dar es Salaam,
pamoja na mambo mengine kilijadili kwa kina
mkwamo wa kutafuta suluhu kati ya viongozi wa
Chadema na Serikali kuhusu kuzuiwa
maandamano ya kesho.
MTANZANIA ilipomtafuta Katibu Mkuu wa
Chadema, Dk. Mashinji ili kupata ufafanuzi
kuhusu kuzingirwa kwa ofisi zao na maofisa wa
polisi, alikiri kutokea kwa hali hiyo.
“Ni kweli tumeahirisha mkutano wetu wa Kamati
Kuu mpaka hapo baadaye, Ofisi zetu za Makao
makuu zilizingirwa na askari wa kila aina,
wengine walivaa baraghashia, kanzu na kila aina
ya nguo kwa lengo la kuvunja na kutawanya
mkutano wetu wa ndani, tumeuahirisha mpaka
wakati mwingine, tutawajulisha.
“Askari hao wamekuwa wakipiga kambi katika
ofisi zetu kwa muda wa wiki sasa, lakini kadiri
siku zinavyokwenda idadi yao inazidi kuongezeka
kama ilivyokuwa leo (jana),” alisema Dk.
Mashinji.
Taarifa kutoka ndani ya kikao hicho zilieleza
kuwa wajumbe wa Kamati Kuu walikutana ili
kujadili mambo mbalimbali ikiwamo suala la
maandamano yanayotarajiwa kufanyika nchi
nzima kuanzia kesho.

Msanii mkongwe wa muziki kutoka Morogoro,
Afande Sele amedai anashikiliwa na jeshi la
polisi mkoani Morogoro kwa madai anagawa
pesa kwa watu ili kuwashawishi wajitokeze
katika maandamano ya UKUTA ambayo
yamepigwa marufuku.
Rapper huyo ambaye ni mwanasiasa na
aligombea ubunge kupitia cha ACT Wazalendo
katika uchaguzi uliyopita, amedai yupo mikononi
mwa polisi toka jana.
“Huku ni kushindwa kama sio kufeli, toka jana
nipo mikononi mwa polisi eti naambiwa
nimeratibu mkutano wa UKUTA , nimechapisha
T-shirt na kugawa fedha ili kesho watu
waandamane, pia kuaandaa mkutano maeneo ya
Msamvu.,” aliandika Afande Sele kupitia
facebook yake.
Aliongeza, “Nina zaidi ya mwezi sijakaa
maeeneo ya Msamvu zaidi ya kupita nikiwa
naelekea mikoani tena nikiwa kwenye gari
yangu. Ila hii aibu na fedheha kwa jeshi la polisi,
maamuzi ya kukurupuka . Tusubiri,”
Hata hivyo Bongo5 inaendelea kufuatilia taarifa
rasmi kutoka jeshi la polisi la Morogoro kuhusu
kukamatwa kwake.chanzo muungwana blog

Lowassa, Mbowe Watakiwa Kuripoti Polisi
Keshoi Septemba 1
Mwenyekiti wa Chadema, Freeman Mbowe,
Mjumbe wa Kamati Kuu ya Chama hicho, Edward
Lowassa na viongozi wengine waandamizi
wameitwa na Jeshi la Polisi Kanda Maalumu ya
Dar es Salaam kwenda kuripoti kesho Septemba
Mosi.
Hatua hiyo inatokana na viongozi hao kukamatwa
juzi, baada ya kufanya mkutano maalumu wa
ndani wa Kamati Kuu, na walipelekwa Kituo
Kikuu cha Polisi cha Kanda hiyo na kuhojiwa
kabla ya kuachiwa.
Mbali na Mbowe na Lowassa, viongozi wengine
wa Chadema waliokamatwa na kutakiwa kwenda
Polisi kesho ni Katibu Mkuu, Vincent Mashinji,
Naibu wake, John Mnyika na Makamu Mwenyekiti
wa Chama hicho, Said Issa Mohammed.
“Wameitwa Polisi waende Septemba mosi kuripoti
baada ya jana kukamatwa na kuhojiwa
wakituhumiwa kukiuka maagizo ya Polisi,” alisema
Msemaji wa Chadema, Tumaini Makene na
kufafanua:
“Lakini wanaweza kwenda au wakaanzia kwenye
maandamano kisha wakaenda Polisi kuripoti.”
Alisema maandamano hayo yatakuwapo kama
yalivyopangwa kwani maandalizi yake
yamekamilika.
Habari zaidi zilieleza, kwamba jana mchana
viongozi hao walikuwa wakifanya kikao Makao
Makuu ya chama hicho Kinondoni Dar es Salaam,
ambapo pia walikutana na wabunge wote wa
chama hicho kwa makundi tofauti.
Kwa mujibu wa mtoa habari ndani ya Chadema
makao makuu katika kikao hicho walijadili
mambo mengi ikiwa ni pamoja na suala la
utekelezaji wa Ukuta kesho.
Mmoja wa wabunge wa Chadema alisemai
kwamba walikuwa wakiwekana sawa kuhusu
maandamano yao.
Alibainisha kwamba katika mkutano huo ambao
Mbowe hakuwepo pia walijadili maombi ya
viongozi wa dini kuwataka kusitisha maandamano
hayo Septemba mosi.
“Viongozi wa dini wamekuwa wakituomba tusitishe
maandamano ya Ukuta Septemba mosi, tusubiri
hadi baada ya mkutano wa vyama vya siasa
Septemba tatu,” alisema Mbunge huyo wa Kanda
ya Ziwa.
Aliongeza: Katika mkutano huo, Lowassa na
viongozi wengine walijadili hayo na ikikubalika kwa
heshima ya viongozi wa dini maandamano ya Ukuta
yafanyike baada ya Septemba tatu.”
Hata hivyo, mwandishi alishuhudia wabunge
wengi wa chama hicho wakitoka katika mkutano
huo kimya kimya bila kutaka kuzungumza na
kabla muda uliopangwa kwisha, huku taarifa
zikieleza kwamba mkutano huo uliahirishwa
baada ya kuwepo taarifa za kutaka kuvamiwa na
Polisi.
“Tumeambiwa tusambaratike, tutajulishwa wapi
tutakutana tena, kama hapa au wapi,” alidokeza
mmoja wa wabunge hao.
Baada ya mkutano huo kuahirishwa, Lowassa
alitoka eneo hilo huku taarifa zikieleza alikuwa
akielekea kwenye moja ya hoteli jijini humo
kuungana na Mbowe ambapo walikuwa na
mazungumzo na baadhi ya viongozi wa dini.

Polisi mjini Los Angeles nchini Marekani
wanamshikilia saa wa muziki kutoka nchini
humo, Chris Brown kwa madai kutishia kumwua
mwanadada Baylee Curran kwa kumwekea
bunduki kichwani.
Polisi walifika katika nyumba ya Chris Brown
baada ya kupokea simu kutoka kwa Baylee
Curran kuwa Chris amemtishia bunduki kwa
kumwekea kichwani hivyo kufika katika nyumba
ya Chris Brown na kumkamata.
Taarifa zinasema kuwa, Chris alimwonyesha
mwanadada huyo bunduki baada ya kufika
nyumbani kwake akiwa na rafiki yake kwa ajili
ya kuzungumza mambo ya kibiashara na baadae
mwanadada huyo alionekana kuvutiwa na mtu
ambaye alikuwa amevalia cheni ya almasi
shingoni na baada ya Chris kugundua jambo hilo
alikasirika na kumwekea bunduki kichwani kisha
kumtaka aondoke.
Aidha inaelezwa kuwa Polisi wa LA kwa sasa
wanasubiri ruhusa ya mahakama ili kuwaruhusu
kuingia kufanya upekuzi kama ni kweli Chris
Brown ana bunduki katika nyumba yake ili hatua
zaidi zichukuliwa.

Waziri Mkuu Kassim Majaliwa amesema
wafanyabiashara wanaokwepa kulipa kodi
wanaiathiri Serikali katika juhudi zake za
kuboresha maisha ya Watanzania.
Waziri Mkuu Kassim Majaliwa akifanya
mazungumzo na Mohamed Dewji, Ofisini
Kwake Dar es Salaam leo.
Amesema Serikali haina mgogoro na
wafanyabiashara bali inawataka walipe kodi na
kama kuna wanaoonewa na watendaji wa chini
kwa kubambikiziwa kodi watoe taarifa juu ya
jambo hilo.
Waziri Mkuu ametoa kauli hiyo leo (Jumanne, 30
Agost, 2016) wakati akizungumza na Mkurugenzi
Mtendaji wa Makampuni ya Mohamed Enterprises
Tanzania Limited (MeTL), Mohamed Dewji, ofisini
kwake jijini Dar es Salaam.
Amesema Serikali imedhamiria kuwaunga mkono
wafanyabiashara katika shughuli zao ili waweze
kulipa kodi itakayoifanya imudu kuwahudumia
wananchi katika huduma mbalimbali za jamii.
“Sisi msisitizo wetu ni ulipaji kodi, wakwepa kodi
wanatuathiri. Sekta nyingine zinashindwa
kuendelea kwa sababu hazina mtaji na kodi
hazipatikani vizuri,” amesema.
Amesema “Ninyi timizeni wajibu wenu kwa kulipa
kodi stahiki, tutawasaidia katika kufanya biashara
zenu. Tutawasaidia katika kusimamia mambo
yenu ila mjue kwamba nchi hii bila viwanda
hatuwezi kwenda,”.
Pia amewataka wafanyabiashara kwenda kujenga
viwanda katika maeneo ambayo malighafi
zinazalishwa ili kuwahamasisha wakulima
kuzalisha zaidi na kuwapunguzia mzigo wa
kusafirisha malighali hizo.
Kwa upande wake Dewji amemuhakikishia Waziri
Mkuu kwamba wafanyabiashara wanaiunga
mkono Serikali ya Awamu ya Tano na hawana
mpango wowote wa kuhamishia mitaji yao nje ya
nchi kama inavyodaiwa na baadhi ya watu.
“Huu ni uongo na uzushi tu ambao watu
wameamua kuusambaza, mfano mimi mwenyewe
nimeanza kuongeza mitaji katika biashara zangu.
Nimefufua kiwanda cha kuchambua pamba cha
Chato. Nafungua biashara zingine mpya kubwa
ikiwemo ya kufufua kiwanda cha nguo cha
Musoma ambacho kitakuwa kinatengeneza jeans
za kuuza nje ya nchi,” amesema.
Amesema yuko tayari kuwekeza kwenye ujenzi
wa kiwanda cha sukari katika wilaya ya Rufiji
mkoani Pwani. Kiwanda hicho kitakuwa na uwezo
wa kununua miwa tani milioni 1.2 zitakazozalisha
tani 120,000 za sukari kwa mwaka.
Mkurugenzi huyo amesema amepanga kuwekeza
sh. bilioni 40 kwa ajili ya kukuza uzalishaji katika
mashamba yake ya mkonge kwenye mikoa ya
Pwani, Tanga na Morogoro.
Pia amewekeza sh. bilioni 70 katika viwanda vya
kusaga unga wa ngano na sembe na anatarajia
kununua tani laki moja za mahindi katika msimu
wa mwaka huu.
Mbali na kuwekeza katika viwanda hivyo Dewji
amesema anatarajia kujenga kiwanda kikubwa
cha kutengeneza sabuni ya unga ambacho
kitakuwa ni kikubwa kuliko vyote katika nchi za
Afrika Mashariki na Kati.
“Tumeamua kuongeza uwekezaji katika viwanda
ili kuunga mkono mkakati wa Serikali wa
kuifanya Tanzania kuwa nchi ya viwanda. Vile
vile nimefanikiwa kuishawishi kampuni kubwa na
maarufu ya kutengeneza sigara duniani ya
Marlboro kuingia nayo ubia na sasa tunajenga
kiwanda cha sigara hizo mjini Morogoro,”
amesema.
   

Akizungumza katika kipindi cha HOTMIX kinachorushwa na EATV, Mhandisi wa mawasiliano kutoka TCRA Victoria Rulakara amesema kuwa wanaotumia vibaya mitandao kwa kuposti picha za utupu, sheria imeweka wazi kwamba watafungwa kifungo cha miaka 20 au kwenda jela miaka 7 au vyote kwa pamoja. “Ni vyema wananchi wakatambua kwamba uchochezi kwenye mitandao kwa kusambaza ujumbe wenye viashiria vya uvunjifu wa amani au kuweka picha zisizofaa kwenye mitandao sheria ipo wazi na watu watajikuta wanaishia pabaya, hivyo ni vyema kuchukua tahadhari mapema” Amesema Victoria Kwa upande wake Mkuu wa itengo watumiaji wa mitandao Isack Mruma amesema TCRA wanaendelea na kampeni mpya ya kuelimisha wananchi kuhusu matumizi sahihi ya mitandao, kampeni ambayo itadumu kwa miezi mitatu. Aidha Mruma amewataka wananchi kuacha kuanzisha tovuti zenye majina ya uongo kwa lengo la kuchochea au kuchafua watu wengine kwani , TCRA ina uwezo wa kuwabaini wote na kufikishwa kwenye vyombo vya sheria. 3 Shares

:Mahakama ya mkoa wa Simiyu
yawanyima dhamana wanachama 18 wa
CHADEMA akiwemo Naibu Katibu Mkuu wa
CHADEMA Zanzibar Salum Mwalimu hadi siku 14
zipite.

Karagwe. Mkuu wa Wilaya ya Karagwe mkoani
Kagera, Godfrey Mheluka amewasimamisha kazi
walimu watatu wa Shule ya Sekondari Kituntu
kwa madai ya kuwa na uhusiano wa kimapenzi
na wanafunzi shuleni hapo.
Pia, ameunda kamati kuchunguza tukio hilo
ambayo ameipa siku 14 ikamilishe kazi hiyo.
Akitoa agizo hilo jana kwenye mkutano wa
hadhara uliofanyika katika viwanja vya shule
hiyo, Mheluka alisema zipo taarifa nyingi
zinazoripotiwa kwenye ofisi yake kuhusiana na
vitendo hivyo.
Alisema ili kudhibiti hali hiyo, ameamua
kuwasimamisha kazi walimu hao kupisha
uchunguzi.
“Hatuwezi kukubali kuona mwanafunzi
anageuzwa mke wakati mzazi kajinyima na
kumhudumia mwanaye ili asome kwa ajili ya
manufaa yake ya baadaye, na ikibainika kweli
wanafanya vitendo hivyo, hatua za kisheria dhidi
yao zitachukuliwa,” alisema Mheluka.
Hata hivyo, miongoni mwa walimu waliotajwa,
Deodatus Lusatu alikanusha kuhusika na
vitendo hivyo huku akidai kuwa anafanyiwa hila
na watu wenye nia mbaya na yeye.
Alimpongeza mkuu wa wilaya kwa kuunda
kamati ya uchunguzi, huku akitaka watu wote
wenye ushahidi dhidi yake, wajitokeze mbele ya
kamati hiyo ili ukweli ufahamike badala ya
kuendelea kumpaka matope.
“Siwezi kufanya matendo ya kishetani kama
haya, nina akili timami na kama ninafanya
vitendo hivyo sipaswa kuendelea kuwapo chini
ya jua,” alisema Lusatu.
Mkuu wa Wilaya Mheluka alisema utaratibu
wote wa kiutumishi utafuatwa bila kumuonea.
Katibu wa Tume ya Nidhamu na Maadili ya
Walimu (TSD) Wilaya ya Karagwe, Fredrick
Kabendwe alisema, atafanya kazi sanjari na
kamati atakayoiunda ili kubaini ukweli wa
tuhuma hizo.
Mkazi mmoja wa wilaya hiyo, Sadiki Juma
alisema tuhuma hizo zinapaswa kuchunguzwa
kwa makini kwani zinaweza kuwa ni chuki
binafsi.
Katika hatua nyingine, Mheluka aliwataka
wazazi, walezi na wananchi wa wilayani
Karagwe kutoa ushirikiano kwa Serikali ili
kuiwezesha sekta ya elimu kufikia malengo
wanayokusudia.
Pia, aliwataka kutunza na kuhifadhi mazingira
kwa kupanda miti na kuacha kutochoma moto
ovyo, yeyote atakayebainika sheria itachukua
mkondo wake.chanzo muungwana blog

Serikali Kutoa Ajira Mpya 71,496 Hivi
Karibuni
Serikali inatarajia kutoa ajira mpya
zipatazo71,496 kwa mwaka huu wa fedha baada
ya kukamilika kwa zoezi la kuwaondoa
wafanyakazi hewa ambapo hadi sasa watumishi
wapatao 839, tayari wapo katika hatua
mbalimbali wakiwepoo waliopelekwa katika
Taasisi ya Kuzuia na Kupambana na Rushwa
(TAKUKURU).
Waziri wa Nchi,Ofisi ya Rais,(Utumishi na
Utawala Bora),Angela Kairuki aliyasema hayo
wakati akizungumzia juu ya utekelezaji na
mikakati katika Wizara yake katika kipindi cha
“Utekelezaji” kinacho rushwa kupitia Shirika la
Utangazaji Tanzania(TBC1).
“Mpaka sasa kuna baadhi ya watumishi hewa
waliofanyiwa mahojiano na polisi na kama
upelelezi ukikamilika sheria kali zitachukuliwa
ikiwepo kufikishwa mahakani kwa mtumishi
atakaye bainika kukutwa na makosa “ Alisema
Kairuki
Alisema kuwa kuna baadhi ya Maofisa Utumishi
pamoja na Wahasibu ambao wameonekana
kuwa si waaminifu kwani baadhi yao
wameonekana kuelekeza fedha kwa ndugu zao
na miradi yao na wengine walishastaafu lakini
majina yao yameonekana bado kuendelea
kuwepo katika mfumo wa kupokea.
Kairuki aliongeza kuwa katika kipindi cha Machi
mosi mpaka kufikia Agosti 20 mwaka huu,
Watumishi hewa wapatao 16,127 walibainika
ambapo walikuwa wakisababishi hasara ya
mabilioni kwa serikali ambapo serikali kama
ingewalipa ingesababisha hasara ya zaidi ya
bilioni 16.
“Uhakiki huu ni endelevu kwani baadhi ya
Maofisa Utumishi pamoja na Wahasibu si
waaminifu hivyo tunawataka waajiri wao
kuweka mkazo katika swala hili, kwani tunajua
wahasibu wengi wamepewa madaraka lakini si
waamiifu”Alisema Kiruki.
Kairuki aliwatoa hofu baadhi ya Watanzani
ambao walikuwa wakisubiria ajira mpya kutoka
Serikali, alisema kuwa kilichokuwa kikisubiriwa
ni takwimu halisi ambazo zitasaidia kuonesha ni
watumishi wangapi wameweza kuondolewa.
“hii ni neema kwa wanafunzi waliomaliza vyuo
kwani kuna nafasi zipatazo 71,496 kwa mwaka
huu wa fedha hivyo napenda kuwahauri vijana
kuwa na subira kwa kuto kujiingiza katika
makundi yasiyo faa” Alisema kairuki.
Pia aliwataka Maofisa Utumishi kuwa hudumia
vizuri watumishi kwa kuwapa haki zao ikiwemo
kuwa pandisha madaraja kwa wakati stahili na
si vema kwa baadhi ya watu kughushi taarifa za
Utumishi wa umma na kusisitiza kuwa kufanya
hivyo ni kosa kuibwa sana.

MWENYEKITI wa Bodi ya Wadhamini wa
Shirika la Taifa la Hifadhi ya Jamii Prof
Samwel Mwita Wangwe amesema kuwa
uongozi wa Awamu ya Tano umefanya kazi
kubwa katika kuweka maslahi ya Taifa
mbele ikiwamo kuongezeka kwa bajeti ya
maendeleo na kupunguza matumizi ya
serikali.
Hatua hii imesaidia nchi kusonga mbele
kupitia uboreshaji wa utendaji kwa
watumishi wa umma na hivyo kujenga
imani kubwa kwa wananchi juu ya Serikali
yao.
Profesa Wangwe ametoa kauli hiyo leo
jijini Dar es salaam wakati akitoa tathmini
ya uongozi wa Awamu ya Tano.
Amesema kuwa Rais Magufuli katika
uongozi wake umesaidia kuokoa fedha
nyingi za walipa kodi ambazo zilikuwa
zikiishia mikononi mwa watu wachache na
kuzielekeza katika shughuli nyingine za
maendeleo.
Profesa Wangwe amewataka wananachi
kumuunga mkono Rais Magufuli kwenye
harakati zake za kupambana na matumizi
mabaya ya fedha za umma kwa kuwa
matokeo yake yatasaidia kuijenga Tanzania
mpya ambayo kila mwananchi atapata
fursa kunufaika na rasilimali za nchi.
“Kwa kweli Rais huyu amefanya
mabadiliko makubwa sana na kwa sasa
nchi imerudi katika hali nzuri, kwani
nchi ilikuwa imefika mahali pabaya na kwa
hiyo aliona ni budi kuhakikisha Rushwa na
Ufisadi vinakomeshwa na kwa hili
ameanza vizuri na nchi inakwenda katika
mwongozo mzuri kwani ameboresha
utendaji kazini serikalini na kubana
matumizi ambayo yamesaidia kuokoa pesa
nyingi ambayo inatumika katika maendeleo
ya nchi hii”aliongeza Profesa Wangwe.
Mbali na hayo Profesa Wangwe ameshauri
Serikali kuweka mfumo mzuri katika
ukusanyaji kodi kwa kurasimisha biashara
ili mfumo huu wa EFD utumike kirahisi na
pia kutengenezwe mazingira mazuri ya
biashara kwa kuweka mazingira rahisi ya
kuandikisha biashara kwani huchukua
muda mrefu kwani kwa kufanya hivyo kasi
ya kurahisisha utendaji na
wafanyabiashara watalipa kodi kwa wingi
na uchumi utakua.
Pia Profesa Wangwe ametoa ushauri kwa
vyama vya upinzani kuacha na na
maandamano yasiyo na tija na badala
yake wakae chini na kuzungumza na
serikali ilikupata mwafaka na hivyo amani
iendelee kuchanua katika nchi hii.

UPDATES:
A suicide car-bomb attack on an army
training camp in Yemen has killed several
people, according to security sources.
One official told AFP news agency the
attacker drove his vehicle into a gathering
of new recruits at the camp in northern
Aden on Monday.
At least 45 dead bodies were brought to
the hospital run by the Medicins Sans
Frontieres in the southern Yemen city of
Aden, a source at the hospital told the
Reuters news agency.
A spokesperson for the group said at
least 60 other were wounded in the
attack.
"Security services are still evacuating the
dead and wounded," an official said.
The port city, the temporary base of
Yemen's internationally recognised
government, has seen a wave of
bombings and shootings targeting
officials and security forces.
More than 6,600 people, mostly civilians,
have been killed in Yemen since March
2015 and over 80 percent of its
population has been left in need of
humanitarian aid, according to the UN.
Source: Al-Jazeera

Waziri wa Habari, Utamaduni, Sanaa na
Michezo, Mhe. Nape Nnauye amewataka
Watanzania kujifunza kuwatia moyo
Wanamichezo wanaposhiriki katika
michezo mbalimbali ndani na nje ya nchi.
Wito huo ameutoa jana Jijini Dar es
Salaam wakati wa Hafla ya kuwapongeza
na kupokea bendera ya Taifa toka kwa
Wanamichezo ambao walishiriki katika
Mashindano ya Olimpiki yaliyomalizika
hivi karibuni mjini Rio, nchini Brazil. Mhe.
Nnauye alisema kwamba, Watanzania ni
vizuri wakajifunza kusema maneno
mazuri kwa wanamichezo pindi
wanaporejea toka katika Mashindano
mbalimbali ili kuwapa moyo wa kuendelea
kufanya vizuri wanamichezo hao huku
akisisitiza kuwa, ni vema ukosoaji
ukaendana na ushauri mzuri wenye
kujenga badala ya kulaumu.
Waziri wa Habari, Utamaduni, Sanaa na
Michezo, Mhe. Nape Nnauye (Mb) (kulia)
akimkabidhi cheti Mwanariadha
Alphonce Simbu baada ya kuibuka
mshindi wa nafasi ya tano katika
Mashindano ya Olimpiki yaliyomalizika
hivi karibuni mjini Rio, Brazil.
Aliongeza kuwa, Wanahabari nchini
wanapaswa kuandika mazuri
yanayofanywa na wanamichezo kwani
yana manufaa kwa Taifa badala ya
kutafuta maneno yasiyo na tija ya kukosoa
mara kwa mara kwani kuna wavunja
moyo wanamichezo. “Tukijifunza kuandika
na kusema mabaya tu ya kuvunja moyo
kwa wanamichezo wetu hii sio sawa sawa,
tujifunze kuwatia moyo, na hii ni hatua ya
kwanza na wito wangu kwa Watanzania
wote”, alisema Mhe. Nnauye
Alisisitiza kwamba, Watanzania
wanapaswa kujifunza kujivunia vitu vya
kwao kwa njia hiyo itakuwa ikiongeza
hamasa kwa wanamichezo katika
kujituma kwa manufaa yao na ya Taifa.
Aidha, alisisitiza kuwepo na maandalizi
ya mapema kwa Wanamichezo nchini ili
waweze kufanya vizuri zaidi huku
akishauri uwekezaji wa kutosha katika
sekta hiyo na kuyataka Makampuni kuwa
na tabia ya kuwatumia Wanamichezo
nchini katika kutangaza utalii wa nchi.
Waziri wa Habari, Utamaduni, Sanaa na
Michezo, Mhe. Nape Nnauye (Mb) (kulia)
akimkabidhi King'amuzi cha Kampuni ya
DSTV Mwanariadha Alphonce Simbu
baada ya kuibuka mshindi wa nafasi ya
tano katika Mashindano ya Olimpiki
yaliyomalizika hivi karibuni mjini Rio,
Brazil.
Ametoa wito kwa Viongozi wazembe
ambao watashindwa kufikia malengo
mazuri katika tasnia hiyo ni bora
wakaachia ngazi zao ili kuwapa nafasi
watu wengine wenye uwezo kutekeleza
kazi hiyo.
“Nadhani sasa tuanze kukabana kwenye
Vyama, ukichaguliwa na kukawa na
mashindano kama haya, ukashindwa
kupeleka hata mchezaji mmoja, kazi yako
ya kwanza nadhani ni kijiuzulu”, alisema
Mhe. Nnauye.
Awali akitoa taarifa ya Wanamichezo
walioshiriki katika Mashindano hayo, Rais
wa Kamati ya Olimpiki Tanzania (TOC)
Bw. Gulam Rashid alisema kwamba,
Tanzania ilishiriki mashindano hayo ikiwa
na Wanamichezo saba, walimu wa tatu wa
michezO ya kuogelea, Judo na riadha
ambapo kati yao wachezaji wa nne
walipata nafasi ya upendeleo
(Universality).
Rais wa Shirikisho la Riadha Tanzania
(RT) Bw. Anthony Mataka akiongea na
baadhi ya Viongozi, wageni waalikwa
pamoja na Wanamichezo (hawapo
pichani) walioshiriki katika Mashindano
ya Michezo ya Olimpiki yaliyomalizika
hivi karibuni mjini Rio, Brazil.
Alifafanua kuwa, wachezaji wa nne
waliofanikiwa kupata nafasi ya upendeleo
ni wale ambao walishiriki katika michezo
mbalimbali katika kusaka viwango, lakini
kwa bahati mbaya hawakuweza kufikia
viwango vinavyowaruhusu wao kushiriki
katika mashindano hayo, hivyo kulingana
na Sera na itikadi za Olimpiki zilitaka kila
nchi Duniani ambayo ni Mwanachama wa
Mashindano hayo kutoa watu wake, hivyo
walitoa nafasi hiyo kwa wale waliokosa
kufikia viwango kuweza kushiriki.
“Nchi ambayo haikuwa na wachezaji
waliofikia viwango vya Olimpiki walipewa
nafasi ya upendeleo kwa wanamichezo
kuweza kushiriki na kwa Tanzania
tulikuwa na Waogeleaji wa tatu, mchezaji
wa Judo na mchezaji wa kike wa mbio
(Marathon) kwa hiyo, huo ndiyo upendeleo
ambao wengi hawauelewi ni upendeleo
upi”, alisema Bw. Gulam.
Mwenyekiti wa Kamati ya Olimpiki (TOC)
Bw. Filbert Bayi akiongea na baadhi ya
Viongozi, wageni waalikwa pamoja na
Wanamichezo (hawapo pichani)
walioshiriki katika Mashindano ya
Michezo ya Olimpiki yaliyomalizika hivi
karibuni mjini Rio, Brazil. PICHA ZOTE
NA BENEDICT LIWENGA-WHUSM.
Aidha, katika hafla hiyo, mbali na
kukabidhiwa Bendera ya Taifa toka kwa
kikosi hicho cha Wanamichezo walioshiriki
katika Olimpiki 2016mjini Rio-Brazil, Mhe.
Nnauye kwa niaba ya Makampuni ya TTCL
na DSTV-Multi Choice aliwapatia zawadi
mbalimbali washiriki hao zikiwemo fedha
taslimu ambapo kwa nafasi ya kipekee
Mwanariadha Alphonce Simbu ambaye
aliibuka katika nafasi ya tano katika
Mashindano hayo amepatiwa Mkataba wa
mwaka mmoja wa kuwa Balozi wa DSTV
ambapo kila mwezi atakuwa akilipwa kiasi
cha Shilingi milioni moja pamoja na
king’amuzi maalum, huku washiriki
wengine wakipewa ving’amuzi na fedha.

Waziri wa Nchi, Ofisi ya Rais, Menejimenti
ya Utumishi wa Umma na Utawala Bora
Mhe. Angela Kairuki amewasisitiza
watumishi wa Umma kufahamu kanuni za
kudumu za utumishi wa umma ili
kutambua haki zao na kuepuka
kunyanyaswa na waajiri wao.
Kauli hiyo imetolewa leo Jijini Dar es
Salaam na Waziri huyo alipokuwa
akiongea na mwandishi wa habari kuhusu
utekelezaji wa mipango na mikakati
iliyowekwa na wizara yake katika kipindi
cha uongozi wa awamu ya tano.
Waziri Kairuki amesema kuwa ni muhimu
kwa watumishi wa Umma kufahamu kwa
undani maadili yaliyowekwa na Serikali
kwa ajili yao kwa kuwa yatawasaidia
kufanya kazi kwa uadilifu wa hali ya juu.
“Inawezekana maafisa utumishi walikuwa
wakizishikilia kanuni za utumishi wa
umma na kuona kama ni za kwao kana
kwamba mtu mwingine hatakiwi
kuzifahamu lakini napenda kutoa rai kwa
watumishi wote kuwa kanuni hizi ni za
kwetu wote hivyo ni muhimu kuzifahamu”,
alisema Mhe. Kairuki.
Mhe. Kairuki ameongeza kuwa kanuni za
utumishi za mwaka 1994 zilirekebishwa na
kwa sasa kanuni zinazotumika ni za
mwaka 2009 ambazo zinapatikana katika
tovuti za wizara mbalimbali hivyo
upatikanaji wake umerahisishwa tofauti
na zamani.
Pia amewataka watumishi kufuatilia
waraka mbalimbali wa maendeleo ya
kiutumishi inayotolewa na wizara hiyo
kwa kuwa itawasaidia kufahamu miundo
mipya ya utumishi inayotolewa, endapo
mtumishi hatofahamu mabadiliko hayo
atakosa taarifa muhimu.
Aidha, Waziri huyo amewakumbusha
Maafisa Utumishi kuwa kazi hiyo
wamesomea na watumishi ndiyo wadau
wao wakubwa hivyo kwa namna moja ama
nyingine kazi yao kubwa ni kuwasimamia
na kuwahudumia vyema watumishi hao
katika maeneo yao ya kazi.
“Napenda kutoa agizo kwa Maafisa
Utumishi wote kufanya kazi zenu kwa
umakini kulingana na kanuni za utumishi,
kwa kuwa kazi hiyo mmeisomea basi ni
lazima muwahudumie vizuri watumishi ili
nao waweze kupata ufanisi zaidi wa
kutekeleza majukumu yao”, alimalizia
Mhe. Kairuki.

Waziri wa Habari, Utamaduni, Sanaa na
Michezo, Nape Nnauye ametangaza
kuvifungia kwa muda usiojulikana vituo
vya Radio 5 ya Arusha na Magic FM ya
Dar es Salaam kwa sababu za uchochezi.
Akizungumza leo jijini Dar es Salaam,
Waziri Nape amesema kuwa vituo hivyo
kwa nyakati tofauti zilitangaza habari
ambazo ndani yake zina uchochezi.
“Adhabu hii ya kuvifungia kwa muda vituo
hivyo viwili inaanza leo (Agosti 29 2016)
hadi pale kamati itakapomaliza kazi yake,”
alisema Nape.
Aidha, amesema kuwa ameiagiza Kamati
ya Maudhui ya vyombo vya habari kuviita
vyombo hivyo na kuvihoji kwa kina kisha
kumshauri hatua zaidi ya kuchukua.
Waziri huyo ameeleza kuwa Serikali
inaendelea kutambua mchango mkubwa
wa vyombo vya habari katika kuleta amani
na ushirikiano nchini na sio vinginevyo.
Hivi karibuni, Nape alitahadharisha kuwa
vyombo vya habari vitakavyoripoti taarifa
ambazo ni za uchochezi vitakumbwa na
rungu la kuhusika kwa uchochezi pia.chanzo jamii forums

Tahadhari imetolewa kwa wakazi wa mikoa
ambayo itashuhudia kupatwa kwa jua kuwa
kutazama jua moja kwa moja bila kutumia kifaa
chochote kunadaiwa kuwa na madhara kwa
mtazamaji kutokana na mionzi ya jua hilo.
Tukio la kupatwa kwa jua
Kupatwa kwa jua kunatarajiwa kutokea katika
mikoa ya Nyanda za Juu Kusini ya Njombe
wilaya ya Wang'ing’ombe katika kijiji cha Litundu,
Mbeya wilayani Mbarali katika kijiji cha
Mpungarelini na mkoani Katavi ambako kupatwa
kwa jua kutaonekana vizuri kwa zaidi ya asilimia
97.
Tahadhari hiyo imetolewa na mkuu wa mkoa wa
Njombe Dkt. Rehema Nchimbi wakati akiongea
na waandishi wa habari mkoani humo ikiwa
zimebaki siku chache kutokea kwa tukio hilo la
kihistoria.
Mkuu wa Mkoa huyo amesema kuwa kuna
jitihada mbalimbali zinazofanywa na halmashauri
ya Waning'ombe kwa ajili ya kuweza kupata
vifaa mahususi kwa ajili ya kushuhudia tukio hilo
bila kuacha madhara yoyote.
Tukio hilo la kupatwa kwa jua lilizinduliwa Julai
10 mwaka huu katika kijiji cha Litundu kwa mkoa
wa Njombe ambapo macho ya dunia nzima kitalii
yatatazama katika eneo hilo.

Waumini waingia kanisani na mabango
kumpinga Askofu
Waumini wa Kanisa la Kiinjili la Kilutheri
Tanzania (KKKT) Dayosisi ya Kusini Mashariki
wakiwa na mabango walipohudhuria ibada
kwenye Kanisa Kuu la Mtwara jana. Picha na
Haika Kimaro
Mtwara. Waumimi wa Kanisa la Kiinjili la
Kilutheri (KKKT), Dayosisi ya Kusini Mashariki,
Kanisa Kuu la Mtwara wameingia katika ibada
na mabango yaliyokuwa na ujumbe mbalimbali
wa kumpinga Askofu Mkuu wa dayosisi hiyo,
Lucas Mbedule kwa tuhuma za kukiuka katiba,
unyanyasaji wa watumishi na ubadhirifu wa
fedha za ushirika na dayosisi.
Hata hivyo, Askofu Mbedule amesema
asingependa kuyazungumzia suala hilo kwa
sababu walikaa kikao.
Umoja wa wazee ulitoa tamko ndani ya kanisa
hilo kutokana na tuhuma zinazomkabili askofu
huyo na kumtaka asijihusishe na mambo
yanayohusu usharika na dayosisi, ili kupisha
uchunguzi na kumwomba Mkuu wa KKKT, Dk
Fredrick Shoo kuunda tume kuchunguza tuhuma
hizo.
Akisoma tamko la wazee wa kanisa hilo, Amon
Mkocha amesema wanapinga uamuzi
uliofanywa na kikao cha halmashauri kuu
kilichofanyika mwezi huu.

NAIBU Waziri Ofisi ya Rais, Tawala za
mikoa na serikali za mitaa(Tamisemi),
Selemani Jafo amefanya ziara ya Siku
mbili katika mikoa ya Shinyanga na Geita
na kukagua miradi mbalimbali.
Akiwa Mkoani Shinyanga, Jafo alitembelea
Hospitali ya Wilaya ya Kahama ambapo
alijionea changamoto mbali mbali ikiwepo
ya Jengo dogo linalotumiwa na kinamama
wakati wakujifungua kutokana na
hospitali hiyo kuzidiwa uwezo.
Kufuatia hali hiyo, Jafo amemuagiza
Injinia wa Wilaya kuhakikisha
wanaharakisha ujenzi wa Jengo kubwa la
kisasa la kinamama kwani fedha zipo za
Ujenzi huo ili wagonjwa wasiendelee
kupata mateso kwa michakato ya Ujenzi
mirefu isiyo na tija.
Kadhalika, akiwa wilayani Kahama, Naibu
Waziri Jafo ametembelea Mradi wa Soko
na kumuagiza Mkurugenzi wa Wilaya,
Andason Msumba, kuhakikisha anakaa na
timu yake ya Wataalamu ili kutatua
mgogoro wa Soko hilo kwa Maslahi
mapana ya wananchi wa Mji wa Kahama.
Amehitimisha Ziara yake mkoani
Shinyanga kwa kuzungumza na Watumishi
wa Halmashauri ya Mji wa Kahama na
Halmashauri ya Msalala ambapo
amewataka Watumishi kufanya kazi kwa
kujituma huku wakiepuka Uzembe
kazini,upendeleo, kupigana majungu, na
kuchukiana.

Mkurugenzi wa mji wa Kahama, Andason
Msumba akitoa maelezo kwa Naibu waziri
Ofisi ya rais, Tamisemi, Selemani Jafo
kuhusu mgogoro wa soko wanalolitaka
wananchi kutumika kwa maslahi ya
wananchi wa mji huo.

Kamanda wa Polisi Kanda Maalum ya
Dar es Salaam Simon Sirro amesema polisi zaidi
ya 80 wanatumwa kwenda kuongeza nguvu
katika oparasheni inayoendelea huko Vikindu
mkoani Pwani ambapo hadi sasa watu kadhaa
wameuawa na wengine kukamatwa.

RAIS John Magufuli ametoa ubani wa Sh milioni
10 kwa familia za askari wanne waliouawa
katika shambulio la ujambazi Mbande wilayani
Temeke mkoani Dar es Salaaam, huku
akiwataka askari kutokuvunjika moyo katika
utendaji wao wa kazi kutokana na mauaji ya
wenzao, bali walitumie kama kigezo cha
kufanya kazi kwa bidii.
Aidha, Rais Magufuli amemtumia salamu za
rambirambi Mkuu wa Jeshi la Polisi, Inspekta
Jenerali Ernest Mangu na wanafamilia wa
askari wote waliopoteza maisha.
Askari watatu kati ya wanne waliofariki katika
shambulio hilo la Jumanne usiku katika eneo la
benki ya CRDB Mbande, Dar es Salaam ambalo
watu wenye silaha waliwavamia wakiwa kazini
na kuwaua na kupora bunduki mbili aina ya
SMG na risasi 60, waliagwa jana katika Viwanja
vya Polisi Barabara ya Kilwa.
Akizungumza wakati wa kuaga miili hiyo katika
shughuli iliyoongozwa na Waziri wa Mambo ya
Ndani ya Nchi, Mwigulu Nchemba, IGP Mangu
alisema baada ya tukio hilo kutokea,
aliwasiliana na Rais Magufuli ambaye alionesha
kusikitishwa sana na tukio hilo na kumpa pole
yeye, askari pamoja na familia za marehemu.
Miili ya askari walioagwa jana ni Koplo Yahaya
Malima aliyesafirishwa kwenda kuzikwa kijiji cha
Kibuta, wilaya ya Kisarawe mkoani Pwani, Tito
Mapunda aliyesafirishwa kwenda kijiji cha
Migoli, wilaya ya Iringa Vijijini mkoani Iringa na
Gaston Lupanga aliyesafirishwa kwenda mjini
Songea mkoani Ruvuma kwa maziko.
Askari mwingine Koplo Khatib Ame Pandu
alisafirishwa Jumatano jioni kwenda kwao
Zanzibar ambako maziko yalifanyika siku hiyo
hiyo usiku.
Viongozi mbalimbali wa serikali walipata fursa
ya kutoa salamu za rambirambi katika msiba
huo, na Mkuu wa Mkoa wa Dar es Salaam, Paul
Makonda aliamuru wale wote waliofanya uhalifu
huo pamoja na wale wanaofanya vitendo vya
uhalifu jijini Dar es Salaam kushughulikiwa
ipasavyo.
“Katika hili ninaomba wale wa haki za binadamu
wanisamehe, kitendo hiki si cha kuvumilika hata
kidogo kwa kuona wale ambao wamekula kiapo
kutulinda sisi, leo sisi tunakwenda kuwaua wao
halafu tunyamaze, mimi nasema hapa hadharani …
Afande Sirro twanga tu yeyote mtakayekutana
naye msituni,” alisema Makonda.
Makonda alisema kazi ya amani ya vyombo vya
ulinzi ni kubwa hivyo ipo haja ya kuangaliwa
upya kwa taratibu na sheria kuona ni namna
gani askari kama hao wanaopoteza maisha
wakiwa bado vijana wadogo kuwajengea hata
nyumba ili kuwapa faraja wale wanaowaacha
nyuma yao.
Naye Kamanda wa Polisi Kanda Maalumu ya
Dar es Salaam, Kamishna wa Polisi Simon Sirro
alisema kitendo walichofanya wahalifu hao kuua
askari ni sawa na kuwasha moto hivyo na wao
watajibu mapigo na kuhakikisha wahalifu hao
wanapatikana.
“Wameuwasha moto na sisi tutauwasha moto
kwelikweli na katika hili tutaomba watu wa Tume
za Haki za Binadamu kutosimama upande
wowote,” alisema Sirro.
Aidha, Waziri Mwigulu aliagiza Jeshi la Polisi
kuendelea bila kukoma kuwasaka majambazi na
wahalifu wote na kuhakikisha wanakamata
waliofanya tukio hilo.
Mwigulu pia ameagiza viongozi wa Jeshi la
Polisi kwa kushirikiana na wizara yake kuangalia
upya sheria na kuona namna bora ya
kuwasaidia askari kuwa na bima za maisha,
huku akiwataka kuhakikisha wanaharakisha
mafao kwa familia za marehemu yanaandaliwa
mapema.
“Mara nyingi kumekuwa na tabia ya usumbufu
kwa ndugu na jamaa za wafiwa kusumbuliwa na
maandalizi ya mirathi kuchukua muda mrefu na
wakati mwingine tukio kama hili tumeshuhudia
wote lilivyotokea na askari wetu kufa wakiwa
kazini lakini bado itaundwa tume kuchunguza ili
mafao yalipwe kwa wafiwa,” alisema Mwigulu.
Naye Mwanasheria Mkuu wa Serikali, George
Masaju alisema kitendo cha kushambulia askari
na kuwaua ni kuichokoza mamlaka ya nchi na
kulaani wote walioshabikia mauaji hayo kwa
namna yeyote ile.
“Kitendo hiki si cha kushabikia na tuache kabisa
kushabikia vitendo vya uvunjifu wa sheria, lakini
pia tutambue kuwa sheria au Katiba ya Nchi haina
mjadala,” alieleza Masaju.
Mwenyekiti wa Tume ya Haki za Binadamu na
Utawala Bora (THBUB), Bahame Nyanduga
alilaani na kupinga mauaji ya kikatili na kusema
kuwa ni kinyume cha haki za binadamu na haki
ya kuishi ya kila mtu ipo ndani ya Katiba.
Mbali na Mwigulu, viongozi wengine wa serikali
waliotoa heshima za mwisho kwa miili ya
marehemu ni Waziri wa Katiba na Sheria, Dk
Harison Mwakyembe, Masaju, Naibu Waziri wa
Mambo ya Ndani ya Nchi, Hamad Yussuf
Masauni na Katibu Mkuu wa Wizara ya Mambo
ya Ndani ya Nchi, Meja Jenerali Projest
Rwegasira.
Pia IGP Mangu, Makonda, Mkuu wa Wilaya ya
Temeke, Felix Lyaniva, Meya wa Manispaa ya
Temeke, Abdallah Chaurembo, Mkurugenzi wa
Mashtaka (DPP) Biswalo Mganga, Mkuu wa
Makosa ya Jinai, DCI, Diwani Athuman pamoja
na makamishna mbalimbali wa Polisi, mahakimu
na wanasheria.
Katika hatua nyingine, mmoja wa majeruhi
katika tukio hilo, Said Ally (36) aliyelazwa katika
Hospitali ya Temeke, amefanyiwa upasuaji na
kutolewa risasi aliyopigwa.
Ally ambaye ni mfanyabiashara katika eneo la
Mbande Magengeni karibu na benki ya CRDB
ambako tukio hilo lilitokea, alijeruhiwa kwa risasi
hiyo wakati alipotoka nje ya duka lake kuangalia
kuna nini baada ya kusikia milio ya risasi.
Akizungumzia hali ya Ally, Ofisa Habari wa
Manispaa ya Temeke, Joyce Msumba alisema
kwa mujibu wa taarifa alizopewa na madaktari
ni kwamba majeruhi huyo alifanyiwa upasuaji
huo jana.
“Taarifa nilizopewa ni kwamba amefanyiwa
upasuaji leo (jana) na ametolewa risasi ambayo
ilikuwa mguuni kwake pamoja na ganda la risasi,
lakini anaendelea vizuri,” alisema Msumba.
Majeruhi mwingine ni Azizi Ally aliyekuwa akiuza
chipsi katika mgahawa jirani na benki hiyo,
alijeruhiwa na risasi mkono wake wa kushoto
wakati akikimbia kuokoa uhai wake.
Azizi ambaye alishonwa nyuzi sita katika mkono
huo, alisema anaendelea vizuri kwa kuwa
alipata matibabu muda mfupi baada ya tukio
hilo na aliruhusiwa kurejea nyumbani.

WIZARA ya Elimu, Sayansi, Teknolojia na
Mafunzo ya Ufundi imewaagiza wachapishaji wa
vitabu vya darasa la nne hadi la saba vyenye
Ithibati ya Vitabu na Vifaa vya Kielimu (EMAC),
kuvipeleka kwa Taasisi ya Elimu Tanzania (TET)
, ili vitathminiwe kabla ya Septemba 30, mwaka
huu.
Taarifa iliyotolewa Dar es Salaam jana na
Kitengo cha Mawasiliano ya Serikali cha wizara
hiyo ilisema kuwa Waraka Namba 4 wa mwaka
2014 umeipa TET mamlaka ya kufanya udhibiti
wa ubora wa vitabu na vifaa vya kufundishia na
kujifunzia.
Taarifa hiyo ilisema, tathmini hiyo inafanywa ili
kuhakiki vitabu hivyo kwa kuwa mitaala
imeongezewa vitu vipya ambavyo inataka
kuhakikisha kuwa vimo katika vitabu hivyo au la.
Ilisema pia kuwa tathmini hiyo imelenga
kuvifanya vitabu hivyo viendane na wakati
uliopo kwa kuwa aina inayotumika kwa vitabu
hivyo ni tofauti na havifanani.
Kwa mujibu wa taarifa hiyo, vitabu vingine vina
kasoro ya kiuandishi, ndio maana wizara
imeagiza vihakikiwe upya.
Ilisema, “Ili kufanikisha zoezi hilo, nakala nne za
kila chapisho ziwasilishwe kwa Mkurugenzi
Mkuu wa Taasisi ya Elimu Tanzania kabla ya
Septemba 30, mwaka huu. Ilisema baada ya
muda huo, vitabu vitakavyokuwa havijafikishwa
kwenye taasisi hiyo kuhakikiwa vitafutwa
kwenye orodha ya vitabu vyenye ithibati.

BODI ya Wakurugenzi ya Shirika la Maendeleo
ya Petroli Tanzania (TPDC) imemsimamisha
kazi Mkurugenzi Mtendaji wa Shirika hilo, Dk
James Mataragio.
Taarifa za uhakika kutoka ndani ya shirika hilo
na wadau mbalimbali wa masuala ya mafuta na
gesi, zimeeleza kuwa kusimamishwa kazi
kunatokana na ripoti ya Mdhibiti na Mkaguzi
Mkuu (CAG) ya mwaka jana iliyoeleza kuwa,
TPDC ilikiuka taratibu za manunuzi ya umma
kwa kuipa upendeleo kampuni ya Marekani
kutafiti mafuta na gesi katika maeneo ya
kaskazini na magharibi mwa Ziwa Tanganyika,
Songosongo, Mandawa na Eyasi.
“Shirika kwa sasa si salama, kwani mkurugenzi
amepewa barua kutoka kwa mwenyekiti wa bodi
kusimamishwa kazi kuanzia jana (Jumatano)
kutokana na ripoti ya ukaguzi,” alisema mmoja
wa watoa taarifa.
Hata hivyo, mpaka jana jioni hakukuwa na
taarifa rasmi kuhusu kusimamishwa kazi kwa
mkurugenzi huyo.
Katibu Mkuu wa Wizara ya Nishati na Madini,
Profesa Justin Ntalikwa alipoulizwa kuhusu
hatua hiyo, alisema anafahamu suala la
kusimamishwa kazi kwa Dk Mataragio, lakini
akaongeza kuwa, maelezo zaidi kuhusu
maamuzi hayo anayo Mwenyekiti wa Bodi ya
shirika hilo, Profesa Sufian Bukurura.
Hata hivyo, Mwenyekiti huyo alipotafutwa kwa
simu kutoa taarifa rasmi za kusimamishwa kazi
kwa mkurugenzi huyo, hakupatikana kwani mara
zote simu yake ilisema inatumika.

Habari zilizotufikia hivi punde ni kuwa
Askari Polisi walivamia nyumbani kwa
Mbunge wa Jimbo la Arusha Mjini Mh
Godbless Lema alfajiri ya leo na
kumkamata.
Hivi sasa yupo central police ya Arusha.
Sababu za kukamatwa kwake haijajulikana
bado....
Tutawajuza kila kitakachokuwa kinajiri.chanzo jamii forums

Nyota wa Real Madrid na timu ya Taifa ya Ureno
Cristiano Ronaldo ametwaa tuzo ya mwanasoka
bora wa Ulaya kwa msimu wa 2015/15 katika
sherehe zilizofanyika leo, mjini Monaco nchini
Ufaransa.
Cristiano Ronaldo akiwa na tuzo yake
Ronaldo ametwaa tuzo hiyo akiwabwaga
wenzake Gareth Bale wa Real Madrid pia na
Antoine Griezmann w Atletico Madrid waliofikia
hatua ya tatu bora.
Kwa mujibu wa kura 55 zilizopigwa, Ronaldo
amepata kura 40, akifuatiwa na mfaransa
Antoine Griezmann aliyepata kura 8, huku Gareth
Bale raia wa Wales akiambulia kura 7 pekee.
Zoezi la upigaji kura liliwashirikisha waandishi 55
wa habari za michezo kutoka nchi wanachama
wa UEFA.
Baadhi ya mambo yalichongia Ronaldo kupata
tuzo hii ni pamoja na ubingwa wa michuano ya
Ulaya kwa ngazi ya vilabu ambapo aliiongoza
Real Madrid kutwaa kombe la Mabingwa Ulaya
(UEFA Champions League) kwa msimu huo,
kabla ya kuiongoza timu yake ya Taifa ya Ureno
kutwaa kombe la Mataifa ya Ulaya UEFA EURO
2016.
Katika msimu huo, Ronaldo amecheza mechi 36
za ligi ya Hispania (La Liga), na kufunga magoli
35 huku akisaidia (assist) magoli 11.
Katika michuano ya Mabingwa Ulaya amecheza
mechi 12, akifunga magoli 16 na kusaidia magoli
4.
Katika michuano ya Mataifa Ulaya (UEFA EURO
2016) amecheza mechi 7 na kufunga magoli
matatu huku akisaidia magoli matatu.
Hii ni mara ya pili kwa Ronaldo mwenye umri wa
miaka 31 kutwaa tuzo hiyo baada ya kufanya
hivyo katika msimu wa 2013/14.


LHRC yaitaka serikali kuheshimu haki za
binadamu
THURSDAY , 25TH AUG , 2016
Kituo cha sheria na haki za binadamu nchini
LHRC kimeishauri serikali kulinda na kuheshimu
haki za binadamu kama zilivyoainishwa kwenye
Katiba ya Tanzania na sheria za nchi kama
walivyoapa kuzilinda kwenye kiapo chao cha utii
na uongozi.
Mkurugenzi Mtendaji wa LHRC Dkt. Hellen
Kijo-Bisimba
Kauli hiyo imetolewa leo Jijini Dar es salaam na
Mkurugenzi Mtendaji wa LHRC Dkt. Hellen Kijo-
Bisimba wakati akitoa taarifa kwa vyombo vya
habari kuhusu hali ya haki za kiraia na kisiasa
zilivyo kwa sasa nchini.
Dkt. Kijo-Bisimba amesema vyombo vya dola na
viongozi wa serikali hususani Jeshi la Polisi
kufanya kazi kwa weledi, kufuata sheria na
taratibu zake bila kuwatisha na kuwajengea hofu
wananchi.
Amesema vyama vya siasa nchini vishindane kwa
hoja na kuacha kutumia vyombo vya dola katika
kushinikiza hoja au matakwa yao, na kwamba hali
hiyo itasaidia kukuza na kuimarisha haki za
binadamu na democrasia nchini na kuleta usawa
na ushindi wa kweli.
Amesema kushindana kwa hoja pia ni fursa kwa
wananchi na watanzania kusikia, kuelewa na
kupambanua hoja na kujenga jamii yenye uelewa
na upeo mpana kuhusu masuala yanayowahusu
ya ndani na nje ya nchi.
Amesema Msajili wa vyama vya siasa asimamie
katika nafasi yake ya mratibu, msimamizi na
mbeba bendera ya maendeleo ya vyama vya
siasa na ukuaji wa democrasia na kutojiingiza
katika kuonekana kuegemea upande au chama
chochote ili kusaidia kujenga mshikamano wa
taifa na uimarishaji wa democrasia na vyama vya
siasa.
Kwa upande wa tume wa haki za binadamu na
utawala bora Dkt Bisimba ameishauri iendelee
kusimamia haki za binadamu na kuishauri serikali
na mamlaka zake kila mara kuhusu heshima na
ulinzi wa haki za binadamu nchini.
Pia ametaka mchakato wa upatikanaji wa katiba
mpya urudishwe na kuendelezwa ili kupata katiba
bora itakayoanzisha vyombo huru na mifano
imara ya uwajibikaji ili kusaidia ulinzi wa haki za
binadamu, demokrasia na uwepo wa maendeleo
endelevu.chanzo eatv.

MKURUGENZI Mtendaji wa Halmashauri
ya mji wa Bunda mkoani Mara, Bibi.
Janeth Mayanja amemsimamisha kazi
mtumishi wa Idara ya Ardhi na Mipango
Miji kwa kosa la kujipatia fedha kinyume
na taratibu za utumishi wa umma.
Akizungumza leo mjini Bunda wakati wa
tukio hilo, Bibi. Mayanja alisema kuwa
ameamua kumsimamisha kazi kwa muda,
Bw.Eliudi Haonga ambaye ni mtumishi wa
Idara ya Ardhi na Mipango Miji pia ni
Mthamini wa Halmashauri hiyo ili
kupisha uchunguzi kwa kosa la kujipatia
fedha kinyume na taratibu za utumishi wa
umma.
“Tarehe 28 mwezi Juni mwaka huu
Bw.Eliudi Haonga alipokea fedha kiasi
cha shilingi milioni saba kutoka kiwanda
cha Olam ikiwa ni kodi ya pango kwa
mwaka kodi 2015/2016, lakini mtumishi
huyo alihifadhi kwenye akaunti ya
Halmashauri ya mji yaani ‘own source’
fedha kiasi cha shilingi milioni mbili tu,
na kiasi kilichobaki yaani milioni tano
alizitumia kwa masuala binafsi kinyume
na taratibu za utumishi wa umma”
alisema Bibi Mayanja
Aliongeza kuwa Bw. Haonga aligushi risiti
ya Halmashauri ya Mji na ambayo
aliikabidhi katika kiwanda cha Olam
baada ya kupokea fedha hizo.
Alisisitiza kuwa mtumishi huyo
amesimamishwa kazi kwa mujibu wa
kifungu namba 38 (1) cha kanuni za
utumishi wa umma za mwaka 2003.
Aidha, Bibi Mayanja amewaasa
watumishi wa umma wanaofanyakazi
katika Halmashauri hiyo kuwa waadilifu
kwa kufuata sheria, kanuni na taratibu za
nchi. Vile vile ameonya kuwa hatua kali
za kisheria zitachukuliwa kwa yeyote
atakayekiuka.

Rais wa Zimbabwe Robert Mugabe amemwagiza
mkuu wa Polisi wan chi hiyo Augustine Chihuri
kuwakamata wachezaji wote wa timu iliyokwenda
inchini Brazil kwenye mashindano ya Olympic
mara tu watakapokanyaga kwenye ardhi ya
uwanja wa ndege wa Harare.
Zimbabwe ni miongoni mwa mataifa ambayo
wanamichezo wake hawakufanikiwa kushinda
medali ikiwa inawakilishwa na wanamichezo 31.
Mchezaji ambaye alionekana kufanya vizuri ni
yule aliyekamata nafasi ya nane
Mugabe amemwambia mkuu huyo wa polisi
kuwakamata wanamichezo hao: Tumepoteza
pesa za taifa kwa ajili ya hao panya tunaowaita
wanamichezo. Kama hauko tayari kujitoa na
kushinda japo medali ya shaba kama wenzetu wa
Botswana walivyofanya, sasa kwanini ulienda
kupoteza pesa zetu” alisema.
Kama tulihitaji watu kwenda Brazil kuimba wimbo
wetu wa taifa na kupeperusha bendera,
tungewaagiza warembo na vijana watanashati
kutoka Chuo Kikuu cha Zimbabwe
wakatuwakilishe.
Akaongeza kwamba, pesa iliyowekezwa kwenye
timu ili kuiwakilisha inchi ingeweza kutumiwa
kununulia dawa na kujenga shule. Jambo hili ni
sawa na mwanaume asiyelijali kuoa wanawake
watano, maana yake nini? Nitahakikisha
tunagawana hasara, wote watailipa serikali bila
kujali hata kama itachukua miaka 10, sasa pesa
hizo zinabadilika na kuwa mkopo tuliowapa
kwenda Brazil kama watalii, hawana faida”
akamaliza.

Mkurugenzi Mkuu wa Mamlaka ya Elimu
Tanzania Joel Laurent (wa kwanza
kushoto) akijadiliana suala na viongozi
wa Halmashauri ya Kilosa, Mamlaka ya
Elimu Tanzania inatarajia kutekeleza na
kufadhili mradi wa kujenga nyumba za
walimu kupitia Watumishi Housing Ltd
katika Ujenzi katika maeneo yasio rahisi
kufikika, katika shule ya Sekondari
Uleling'ombe iliyopo Wilaya ya Kilosa.
Mkurugenzi Mkuu wa Mamlaka ya Elimu
Tanzania,Joel Laurent akiongea na
viongozi wa Halmashauri ya Wilaya ya
Kilosa, kamati ya shule ya
Uleling'ombe,uongozi wa kijiji cha
Uleling'ombe wakijadilana utekelezaji wa
Mradi wa kujenga nyumba za walimu
katika maeneo yasio rahisi kufikika,

Dar es Salaam. Mwenyekiti wa Kampuni za IPP,
Reginald Mengi ameiomba Mahakama Kuu
Kitengo cha Biashara kuwasilisha utetezi kwa
njia ya kiapo ya kwa nini asifungwe jela kwa
kushindwa kutekeleza hukumu ya Mahakama
hiyo katika kesi ya ununuzi wa hisa.
Mengi alitoa maombi hayo jana kupitia kwa
wakili wake, Deogratius Ringia baada ya amri ya
Mahakama hiyo iliyotolewa na Jaji Mfawidhi,
Amir Mrumi, Agosti 9, mwaka huu, ikimtaka
afike mahakamani hapo jana kujieleza kwa nini
asifungwe kwa kushindwa kutekeleza hukumu
hiyo.
Mahakama hiyo katika hukumu yake iliyotolewa
na Jaji Aghaton Nchini na kusomwa katika kesi
ya msingi ya madai iliyofunguliwa na
wafanyabiashara watatu, ilimwamuru Mengi
kuwalipa jumla ya Sh1.2 bilioni.
Licha ya Wakili Ringia kukanusha kwenye
vyombo vya habari kuwa Mengi hahusiki katika
kesi hiyo aliyotakiwa kufika mahakamani
kujitetea kwa nini asifungwe, jana wakili wake
huyo alifika mahakamani hapo na kudai mteja
wake ameshindwa kufika kwa sababu anaumwa.
Pamoja na kuiarifu Mahakama kuwa Mengi
ameshindwa kufika mahakamani kwa kuwa
anaumwa na yuko kwenye mapumziko, aliiomba
Mahakama impe siku 14 ili aweze kuwasilisha
kiapo chake cha utetezi, madai ambayo
yalipingwa na wakili wa wadai, Mafuru Mafuru.

Zimebaki wiki tatu kabla Shirika la Nyumba la
Taifa (NHC) kuchukua jengo la Bilicanas
lililokodiwa na Mwenyekiti wa Chama cha
Demokrasia na Maendeleo (Chadema), Freeman
Mbowe, kuendesha biashara ya ukumbi wa
starehe.
Jengo hilo lipo eneo la Posta jijini Dar es
Salaam.Awali, NHC ilikuwa imetoa notisi ya siku
60 kwa wadaiwa sugu ambao wamepanga
katika majengo yake akiwamo Mbowe.
Akizungumza na waandishi wa habari jana,
Mkurugenzi Mkuu wa NHC, Nehemia Mchechu,
alisema pamoja na Bilicanas, shirika linazidai
taasisi za umma, binafsi na watu binafsi jumla
ya Sh. bilioni 15.
Notisi ya siku 60 ya kuondoka Bilicanas pamoja
na majengo ya wadaiwa wengine ilishatolewa,
Mchechu alisema na kwamba sasa zimesalia
wiki tatu.
Alisema baada ya muda huo kumalizika,
utekelezaji wa kuondolewa katika majengo hayo
utaanza ukiambatana na uchukuaji wa hatua za
kisheria.
Mchechu alisema mbali ya Bilicanas, wadaiwa
wengine ni Wizara ya Mawasiliano na Uchukuzi
inayodaiwa Sh. bilioni mbili, Benki ya Azania
(Sh. milioni 161) na Wizara ya Mambo ya Nje,
Ushirikiano wa Afrika Mashariki, Kikanda na
Kimataifa (Sh. milioni 631).
Wadaiwa wengine walitajwa kuwa ni Wizara ya
Afya na Maendeleo ya Jamii, Jinsia, Wazee na
Watoto (Sh. bilioni 1.3), Wizara ya Ujenzi,
Uchukuzi na Mawasiliano (Sh. bilioni mbili),
Tume ya Utumishi (Sh. milioni 109) na Wizara
ya Habari, Utamaduni, Sanaa na Michezo Sh.
bilioni moja.
Mchechu alisema ukusanyaji wa madeni hayo
kwa nguvu ni mkakati wa shirika hilo kukusanya
fedha ili kusaidia ujenzi wa nyumba za
watumishi wanaohamia Dodoma.
Alipoulizwa iwapo mkakati huo una uhusiano
wowote na masuala ya kisiasa kutokana na
kumtaja Mbowe kuwa ni kati ya wadaiwa sugu,
Mchechu alisisitiza hakuna uhusiano wa siasa
na zoezi hilo kwani wateja wote wanachukuliwa
sawa.
“Mwaka huu ujenzi unaanza Dodoma," alisema
Mchechu, hivyo fedha tunazodai zitatusaidia
kukamilisha uwekezaji mjini humo."
“Ndiyo maana tumetoa kwa tunaowadai notisi
ya miezi miwili, vinginevyo wataondolewa katika
majengo ya shirika kama kanuni zinavyotaka.
“Hakuna uhusiano wowote kati ya shirika
kukusanya fedha linazodai na watu binafsi
akiwamo Mbowe, taasisi za umma na binafsi.
“Lengo ni kukusanya madeni ambayo baadhi
yake yalisimama kutokana na mengine kuwa na
kesi mahakamani.”
Alisema kuwa fedha hizo zitatumika kwa ujenzi
wa nyumba za watumishi 300 hadi 500 mkoani
Dodoma.
Alisema ujenzi huo unatarajia kuanza mara moja
na utachukua miezi 12.
Kwa mujibu wa Mchechu, Sh. bilioni 60 za
ujenzi wa nyumba hizo zitatokana na fedha za
ndani.
Alisema shirika hilo limenunua ekari 240 eneo la
Iyumbu, ekari saba Chamwino, nne Bahi na
Chemba ekari nne pia ikiwa ni kuunga mkono
azma ya Serikali ya Awamu ya Tano kuhamia
Dodoma.
Alisema fedha nyingine zitapatikana baada ya
nyumba 97 za shirika hilo zilizopo Medeli mjini
Dodoma kuuzwa.
Aidha, Mchechu alisema kitendo cha Serikali
kuhamia Dodoma kitatoa fursa kwa Jiji la Dar
es Salaam kujiimarisha kibiashara tofauti na
ilivyo sasa ambapo linakwamishwa na foleni
kubwa za magari kutokana na shughuli nyingi
za serikali kufanyika.
“Dar es Salaam kuna bandari, uwanja wa
ndege," alisema na kuongeza: “Hivyo suala la
kiuchumi litaimarika zaidi kutokana na shughuli
nyingi za Serikali kuhamia Dodoma. Hii itasaidia
uchumi wa nchi kusambaa katika maeneo
tofauti nchini.”
Uwekezaji wa NHC jijini Dar es Salaam upo kwa
asilimia 70, alisema na kwamba ufanisi wa Jiji
utaongezeka hususani katika usafiri na sekta
nyingine kiuchumi.

Mahabusu aliyekuwa akishikiliwa katika kituo
kikuu cha polisi jijini Arusha aliyetambulika kwa
jina la Victoria Wenga (51) mkazi wa Lemara
jijini Arusha amejinyonga hadi kufa usiku wa
kuamkia jana kwa kutumia shuka lake bila
kuacha ujumbe wowote.
Marehemu alikamatwa Agosti 21 mwaka huu
majira ya Alfajiri kwa tuhuma za kuchoma moto
nyumba yake na maduka yake mawili kutokana
na ugomvi wa kifamilia.
Kamanda wa Polisi Mkoa wa Arusha, Charles
Mkumbo alikiri kutokea kwa tukio hilo katika
Kituo cha Kikuu cha Polisi saa 6:20 usiku jana
wakati wenzake wakiwa wamelala.
“Polisi wa zamu alisikia kelele kutoka kwenye
chumba cha mahabusu wa kike ambapo polisi
walijitahidi kuokoa maisha ya mahabusu huyo,
lakini ilishindikanika,” alisema Kamanda
Mkumbo.
Mahabusu huyo, ambaye ni mkazi wa Lemara
jijini Arusha, alijinyonga kwa kutumia shuka lake
alilokuwa anatumia kujifunikia wakati yuko
mahabusi. Mtuhumiwa huyo, alijinyonga kabla
ya kufikishwa mahakamani kujibu mashitaka
yake.
“Jana ilikuwa afikishwe mahakamani kujibu kosa
lililokuwa linamkabili,” alisema Kamanda
Mkumbo na kuwahakikishia kuwa hali ya
usalama kituoni hapo na tukio hilo, havihusiani
na sababu zozote za kiusalama.
Marehemu Victoria anadaiwa kuwa na ugomvi
wa kifamilia na mume wake aliyetambulika kwa
jina la Edward Wenga akimtuhumu kuzaa nje ya
ndoa kinyume na utaratibu.
Imeelezwa kuwa hicho ndo chanzo cha
marehemu kufikia hatua ya kuteketeza mali
walizochuma na mume wake ambazo ni maduka
mawili na nyumba ya kuishi.
Mwili wa marehemu umehifadhiwa katika
chumba cha kuifadhia mahiti Hospitali ya Mount
Meru.

CHAMA cha Tanzania Labour(TLP)
kimemuandikia barua Rais wa Mapinduzi wa
Zanzibar, Dk Mohamed Ali Shein na kumtaka
kuanzia sasa wamtenge Katibu Mkuu wa CUF ,
Maalim Seif Sharif Hamad (pichani), kwa
kutomualika kwenye shughuli zozote za kitaifa
mpaka atakapojirekebisha na kuitambua rasmi
serikali iliyopo madarakani.
Aidha, kwa kuwa CUF inadai kwamba haiitambui
serikali hiyo basi ruzuku kwa chama hicho
isitishwe kuanzia sasa hadi hapo chama hicho
kitakapoitambua rasmi serikali hiyo na kuacha
kuhamasisha wananchi wasilipe kodi.
Katika barua ya chama hicho iliyosainiwa na
Mwenyekiti wake, Augustine Mrema ilisema
chama hicho kimesikitishwa na wanalaani
kitendo kilichofanywa Hamad ambaye pia
alikuwa Makamu wa kwanza wa Rais kwenye
serikali ya Umoja wa kitaifa wa Zanzibar (SUK)
wakati wa maziko ya aliyekuwa Makamu wa
Rais wa serikali ya Muungano wa Tanzania na
Rais wa Zanzibar, marehemu Mzee Aboud
Jumbe cha kukataa kumpa Rais Shein mkono
wa kusalimiana.
Alisema kuleta tofauti za kisiasa msibani kwa
makusudi, Maalim Seif ameendelea kuwagawa
Wazanzibari kisiasa na kushindwa kumuenzi
marehemu Aboud Jumbe, ambaye pamoja na
kuiongoza Zanzibar kwa amani na utulivu pia
ndiye aliyemlea Maalim Seif kisiasa.
Alisema tangu kumalizika kwa uchaguzi mkuu
wa marudio uliosusiwa na CUF, Maalim Seif
amekuwa akileta chokochoko na uchochezi
dhidi ya serikali ya Zanzibar akidai kwamba
haitambui na kuwataka wananchi wa Zanzibar
kugoma na kuwataka wasilipe ko

Pengine umekuwa ukiwaza sana nini ufanye ili
uweze kufanikiwa na kuondokana na adha za
umaskini. Yako mambo mengi ya kufanya mimi
nataka kukufungua macho kwa jambo moja tu
tena kwa uchache. Jambo hili anaweza
kulifanya mwenye mtaji mkubwa au mdogo.Viko
vitabu vingi na tena siku hizi zinatolewa DVD za
jinsi ya kufanikiwa katika maisha. Utashangaa
mpaka unamaliza kusoma au kutazama DVD
hizo hujapata njia ya wazi sana sana utajilaumu
tu kwa kuendelea kupoteza fedha kwa
kuchangia miradi ya wajanja hao.
Wengine wanakuambia "amini tu kuwa wewe ni
tajiri na utafanikiwa" mh! INAWEZEKANA?
Afadhali hao, balaa zaidi ni wale ambao
wanayanadi mafanikikio na utajiri kwa mizizi,
hirizi na hata roho za binadamu wenzao!
Somo langu ni dogo lakini naamini wapo
watakaopata mafanikio makubwa sana. Sasas
kuwa makini zaidi. Unaweza kuanza kwa mtaji
wa Mil.1 mpaka laki tano au hata chini ya hapo.
Mfano. Unaweza kutumia Tsh 250,000 kununua
kuku 25 kwa bei ya Tsh 10,000 kwa kuku
mmoja (kadirio la juu) Majogoo watakuwa 5 kwa
uwiano wa 1:4 . Hii ina maana kuwa
wakishaanza kutaga utakuwa na vifaranga 20 x
10 = 200 Watunze vizuri. Wale vifaranga
tunakadiria kuwa makoo(majike) watakuwa 150
ambao ndani ya miezi 3 au zaidi nao wataanza
kutaga. Utakuwa na kuku 200 + 25 =225 ndani
ya miezi 6. Miezi 6 inayofuata 225 - (majogoo
55) = 170 Hii ina maana kuwa 170 x 10= 1,700.
Ndugu mwanajamvi hayo niliyotoa ni makadirio
ya chini sana hivyo mpaka mwisho wa mwaka
utakuwa na kuku zaidi ya 2000. Mwaka
utakaofuata utakuwa na kuku wangapi baada ya
kuuza kuku 1,000. Mwaka 2. 750(majike) x 10 =
7500 (uza wengine) 3000 x 10 = 30,000.
Kutegemea na uwezo wako mpaka mwisho wa
mwaka wa pili utakuwa umefanikiwa sana.
Kumbuka huu ni mwongozo tu, fanya utafiti na
ufuatilie zaidi huku ukiacha kando uzushi wa
vitabu vya wasanii na DVD zao pia. NB.
Kumbuka kuku ninao wazungumzia hapa ni wale
wa kawaida sio wale mataahira (wa kisasa)
.Fuatilia zaidi kuhusu matibabu na matunzo
mengineyo..

Mwenyekiti wa Chadema, Freeman Mbowe jana
alitangaza mkakati wa chama hicho kufanikisha
mikutano na maandamano ya walichokiita
Umoja wa Kupinga Udikteta Tanzania (Ukuta),
huku jeshi la polisi nao wakijiandaa kukabiliana
nao.
Mbowe aliitaja mikakati hiyo ikiwamo kamati za
kuhamasisha Ukuta ambapo aliyekuwa
mgombea urais kupitia Ukawa Edward Lowassa
amepangiwa Mbeya, Katibu Mkuu wa Chadema,
Dk Vincent Mashinji atakuwa Mwanza, Makamu
Mwenyekiti Profesa Abdallah Safari atakuwa
Tabora huku Mwenyekiti wa Bawacha Taifa,
Halima Mdee na Mjumbe wa Kamati Kuu ya
Chadema Mabere Marando wakipangiwa Dar es
Salaam.
Alisema yeye (Mbowe) ataongoza Kanda ya
Kaskazini wakati Profesa Mwesiga Baregu
amepewa jukumu la kufafanua Ukuta kwa
taasisi za kimataifa, viongozi wa dini na
wastaafu.
Mwanasheria Mkuu wa chama hicho Tundu
Lissu na mawakili 12 wao watajifungia Dar es
Salaam kufungua kesi 21 kutetea mikutano.
Lakini, Jeshi la Polisi limesema litatoa taarifa
rasmi baadaye huku CCM wakisisitiza msimamo
wao wa kupinga maandamano hayo.
Msemaji wa Jeshi la Polisi nchini, Advera
Bulimba alisema jeshi hilo litatoa taarifa siku
chache zijazo. “Tutawaita na tutazungumza,
naomba tujaribu tu kuvuta subira,”alijibu kwa
ufupi msemaji huyo wa polisi.
Hata hivyo kikosi cha Askari wa Kikosi cha
Kutuliza Ghasia (FFU) katika mikoa mbalimbali
ikiwamo Dar es Salaam na Kilimanjaro
walionekana wakifanya mazoezi wakiwa na
silaha na magari ya maji ya kuwasha kwa siku
tofauti.
CCM watoa ushauri
Msemaji wa CCM, Christopher ole Sendeka
alisema licha ya chama kuzungumza mara
kadhaa, wanatarajia kutoa tamko kwa lengo la
kuwaeleza Watanzania tahadhari juu ya mchezo
unaojaribiwa na Chadema.
Sendeka alisema viongozi wa dini na makundi
mbalimbali yameshauri juu ya mipango yao,
lakini hawataki kusikia.
“Jambo hilo limezungumzwa mara nyingi sana,
viongozi wa dini wameshasema, watu wenye
mapenzi na nchi yao wakishauri waache huo
mchezo wao ambao sidhani kama watafanikiwa,
kwa hivyo tunatarajia kutoa tamko letu siku
yoyote kuanzia kesho (leo),”alisema.
Mbowe na safu yake
Akizungumza wakati akifungua mkutano wa
viongozi wa Chadema Kanda ya Kaskazini jana
katika Hoteli ya Coridol Springs jijini hapa,
Mbowe alisema chama hicho kimejipanga
kufanya mikutano na maandamano ya amani
nchi nzima Septemba Mosi ili kutetea utawala
wa sheria na Katiba.
Mbowe alisema Rais Magufuli aliapa kuilinda
Katiba, Wabunge waliapa kuilinda Katiba,
madiwani waliapa kuilinda Katiba ili nchi
iongozwe katika misingi ya sheria na utawala
bora.
Alisema haiwezekani nchi kuongozwa kwa
matamko ambayo yanakiuka katiba na Chadema
kama chama kikuu cha upinzani kina wajibu wa
kuishauri na kuikosoa serikali na hawawezi
kukaa kimya.
Alisema matamko ya Rais kuwa hakuna ruhusa
ya kufanya mikutano ya kisiasa kwa vyama
vingine na kuacha chama chake kufanya
mikutano na pia kuzuia mikutano hadi mwaka
2020 haikubaliki.
“Sisi tunataka nchi iongozwe kwa kufuata sheria
na siyo matakwa ya viongozi ambayo yanakinzana
na sheria na Katiba ya nchi,” alisema Mbowe.
Alisema wanafanya mikutano na maandamano
kama sehemu ya kueleza malalamiko yao, hasa
kutokana na kauli za viongozi ambazo zinakiuka
sheria.
Mbowe alisema vyama vyote vikiamua kukaa
kimya na kuacha mambo yaliyotokea Zanzibar,
yaliyotokea Dodoma na yanayotokea sasa
kutokana na kauli za viongozi, ni wazi nchi
haitakuwa salama.
“Tukiamua sote kujifanya wanafiki kusema hewala
nchi haitakuwa salama itazaa taifa la watu wenye
hofu na ndiyo sababu tumeamua kamati kuu
kuanzia sasa kufanya kazi kila siku kuisaidia
sekretarieti,” alisema.
Mbowe alisema kutokana na unyeti wa Ukuta,
Kamati Kuu ya Chadema imeunda kamati ndogo
tano, ambazo zitasaidia kufikiwa malengo
yaliyokusudiwa kwa kuhusisha taasisi na
vyombo vingine.
Alisema pia kuna kamati ya maandalizi ya Ukuta
ambayo tayari imeanza kazi ya kufafanua
maamuzi ya kamati kuu, ambayo sasa
imesambaa katika kanda zote kutoa elimu kwa
viongozi wa Chadema.
“Katika kanda zote nchi nzima viongozi
watakwenda kuzungumza na wanachama wa kada
zote na kuwaelimisha kwanini Kamati Kuu imefikia
maamuzi ya kuanzisha Ukuta kabla ya kushiriki
mikutano na maandamano Septemba Mosi,”
alisema.chanzo mpekuzi blog