Watumishi watano wa Halmashauri ya
Wilaya ya Mbozi mkoani Songwe waliohamishwa
na wengine kustaafu wanatakiwa kurejeshwa ili
kutoa maelezo ya matumizi ya Sh410 milioni
zilizopotea katika mazingira tata.
Vigogo wanaotakiwa kurudi Mbozi baada ya
kuhamishwa 2012/13 ni waliokuwa wakishikilia
nyadhifa za mkurugenzi mtendaji, mweka hazina,
ofisa elimu sekondari, ofisa mipango na mganga
mkuu wa wilaya.
Taarifa hiyo, ipo kwenye mapendekezo ya tume
iliyoundwa na Mkuu wa Mkoa wa Songwe, Luteni
Mstaafu Chiku Galawa kuchunguza upotevu wa
fedha hizo.

Wakenya waomba msaada kwa Dkt Magufuli
Rais Dkt John Magufuli yupo nchini Kenya kwa
ziara ya siku mbili kufuatia mualiko wa Rais wa
nchi hiyo, Uhuru Kenyatta.
Ziara hiyo yenye lengo la kuimarisha uhusiano
wa kisiasa na kibiashara baina ya Kenya na
Tanzania imeleta mjadala mkubwa kwenye
mitandao ya kijamii hasa kwa Wakenya.
Katika mjadala huo, wengi wameonyesha hisia
zao hasa katika kuchukizwa na tatizo la rushwa
nchini mwao hivyo kuomba msaada kwa Rais
Maguli kiwasaidia namna ya kuondokana nalo.
Wamekuwa wakitoa mawazo yao na kuomba
msaada wa kumpa Rais wao mbinu za
kupambana na rushwa huku wakitumia neno #
MagufuliInKenya.
Wengi wao wanaomba kabla hajaondoka nchini
humo amuachie Rais Uhuru Kenyatta muongozo
yakinifu wa namna ya kupambana na rushwa.
Haya hapa ni baadhi ya maoni ambayo waKenya
wameyatoa:
@musaomri ; #MagufuliInKenya can be consulted
by @UKenyatta on how to handle corrupt
officials in state offices #MinistryofHealthFacts.
@Gilbertich ; Welcome @MagufuliJP To our
beloved country, please advice our beloved heads
of state to stop corruption #MagufuliInKenya
@KiKimathi; KaribuKenya Magufuli. Hoping that
these leaders will take notes on how to fight this
corruption menace #MagufuliInKenya
@kaytrixx ; #MagufuliInKenya He should leave
our gov’t with his marking scheme for fighting
corruption.
@freddy_mckers ; The no nonsense president is
in Kenya, this is great hope he will advice jubilee
government on to deal with corruption #
MagufuliInKenya
Je, Una maoni gani kuhusu waKenya kutaka
wasaidiwe na Rais Dkt Magufuli katika
kupambana na Rushwa.

RAIS John Magufuli ametua Kenya na kumweleza
mwenyeji wake, Rais Uhuru Kenyatta na
wananchi wa Kenya kwamba Serikali ya Awamu
ya Tano inaendelea kufanya kazi kwa bidii ili
nchi isonge mbele huku akisisitiza ‘Hapa Kazi Tu’
katika ulipaji kodi na kukabiliana na ufisadi.
Aidha, alisema Kenya ni nchi inayoongoza kwa
uwekezaji nchini Tanzania ikilinganishwa na nchi
nyingine za Bara la Afrika. Rais Magufuli
aliyasema hayo jana katika mkutano na
waandishi wa habari, uliofanyika katika Ikulu ya
Nairobi nchini Kenya ambako ameanza ziara ya
kiserikali ya siku mbili kwa mwaliko wa Rais
Kenyatta.
“Tunaendelea kufanya kazi kwa bidii ili nchi
iende mbele. Tunasisitiza Watanzania walipe kodi
na tunakabiliana na ufisadi,” alisema Rais
Magufuli na kuitaka Tume ya Pamoja ya
Mawaziri wa Mambo ya Nje kukutana haraka ili
kukamilisha taratibu za ushirikiano kwa sababu
imechukua miaka minne sasa.
“Kule nchini nina msemo wangu kwamba ‘Hapa
Kazi Tu’, hivyo lazima tufanye hili kwa haraka ili
tusonge mbele kwa sababu tumekuwa
tukizungumza kwa miaka minne sasa,” alisema
Rais Magufuli mbele ya wenyeji wake, Rais
Kenyatta na maofisa wa nchi hizo mbili.
Akizungumzia uwekezaji, Rais Magufuli ambaye
kabla ya mkutano huo na waandishi wa habari,
alipokelewa rasmi kwa kupigiwa mizinga 21 na
kukagua gwaride rasmi lililoandaliwa kwa
heshima yake na baadaye kufanya mazungumzo
rasmi na mwenyeji wake, alisema takwimu za
Kituo cha Uwekezaji Tanzania (TIC) zinaonesha
kuwa Kenya ina jumla ya kampuni 529
zinazoendesha shughuli zake nchini Tanzania,
ambapo zimewekeza Dola za Marekani bilioni 1.7
na zimeajiri watu 56,260.
Pia, Rais Magufuli amebainisha kuwa biashara
kati ya Tanzania na Kenya imeongezeka kutoka
Sh za Kitanzania bilioni 652.9 hadi Sh trilioni
2.044.
"Naomba niwahakikishie kuwa uhusiano na
ushirikiano wetu ni mzuri na utaendelea kuwa
mzuri zaidi, na kwetu sisi Tanzania, Kenya ndio
nchi ya kwanza kwa uwekezaji kuliko nchi zote
za Afrika.
"Tunashirikiana vizuri katika uchumi, watu wetu
wanafanya kazi pamoja, yapo makabila yetu
ambayo yanaingiliana kwa shughuli zao za kila
siku na hata wanyamapori wetu wanazunguka
katika nchi zote mbili bila kujali mipaka,” alisema
Rais Magufuli ambaye pia ni Mwenyekiti wa
Jumuiya ya Afrika Mashariki (EAC).
Dk Magufuli alisisitiza kuwa serikali yake
itaendeleza na kuimarisha zaidi uhusiano na
Kenya, ulioasisiwa na Rais wa Kwanza wa
Tanzania, Mwalimu Julius Nyerere na Rais wa
Kwanza wa Kenya, Mzee Jomo Kenyatta na
aliwakaribisha wafanyabiashara wengi zaidi wa
Kenya kuwekeza nchini.
"Kabla ya kuja hapa nimekwenda kutoa heshima
katika kaburi la Mzee Jomo Kenyatta, kwa kweli
nimeguswa sana na kazi kubwa iliyofanywa na
wazee wetu, naomba niwahakikishie kuwa
tunawathamini sana ndugu zetu Wakenya na
tutaendelea kufanya hivyo,” alisisitiza Dk
Magufuli.
Kwa upande wake, Rais Kenyatta alimshukuru
Rais Magufuli kwa kukubali mwaliko wake na
alimhakikishia kuwa Kenya itaendeleza na
kuimarisha zaidi uhusiano na ushirikiano na
Tanzania.
"Kwetu sisi Tanzania ni ndugu zetu, ni kaka na
dada zetu tunao ushirikiano wa siku nyingi na wa
kidugu na tutahakikisha tunauendeleza
ushirikiano na uhusiano huu mzuri ulioasisiwa na
wazee wetu,” alisema Uhuru.
Rais Uhuru alisema Tanzania na Kenya ni nchi
zinazofanana kwa mambo mengi muhimu,
ikiwemo kubadilishana uongozi wa serikali kwa
njia ya amani na aliongeza kuwa katika
mazungumzo yao, wamekubaliana kuwa nchi hizi
zitaendelea kuzisaidia nchi nyingine za Afrika
Mashariki, zinazokabiliwa na matatizo
mbalimbali.
Aidha, alisema Kenya itaendelea kushirikiana na
Tanzania katika kutekeleza miradi ya ushirikiano,
ikiwemo ujenzi wa miundombinu kama vile
barabara ya Bagamoyo (Tanzania) hadi Malindi
(Kenya) pamoja na mambo mengine ambayo
Tume ya Pamoja ya Ushirikiano kati ya nchi hizi
mbili itayaainisha.
Jana jioni, Rais Magufuli alitarajiwa kuhudhuria
dhifa ya kitaifa katika Ikulu ya Nairobi,
aliyoandaliwa na mwenyeji wake na leo
anatarajiwa kutembelea kiwanda cha maziwa cha
Eldoville kilichopo Karen jijini Nairobi, na kuzindua
barabara mchepuko ya Southern By-pass iliyopo
jijini humo. Hii ni ziara ya tatu nje ya nchi kwa
Rais Magufuli tangu aingie madarakani mwaka
mmoja sasa. Ziara nyingine alikwenda Rwanda
na nyingine Uganda.

Katika hali ambayo sio ya kawaida kwa kiongozi
kama rais wa nchi, Rais John Magufuli ambaye
yupo nchini Kenya kwa ziara ya kiserikali ya
siku mbili amekutana na foleni wakati akielekea
katika eneo ambalo alizikwa Rais wa kwanza wa
Kenya, Jomo Kenyatta.
Kwa mujibu wa shuhuda wa tukio hilo, aliuambia
mtandao wa Star wa Kenya kuwa Rais Magufuli
alikutana na foleni hiyo wakati akitokea katika
hoteli ya Intercontinental na kuelekea eneo la
alilozikwa Jomo Kenyatta na baada ya kuona
kuna foleni kubwa alitaka kutembea ili aweze
kufika eneo ambalo anataka kwenda kuliona.
Aidha baada ya kutoka eneo hilo alikuta tayari
maafisa wa usalama wameshaweka magari
mengine pembeni ya barabara ya Uhuru na hivyo
aliweza kupita kwa urahisi kuelekea ikulu
kukutana na mwenyeji wake, Rais Uhuru
Kenyatta.
Baada ya kuwasili ikulu JPM alionana na Rais
Kenyatta na kufanya mazungumzo kisha
kulihutubia taifa la Kenya kuhusu mahusiano ya
Kenya na Tanzania na mipango ambayo
wameiweka baada ya kufanya mazungumzo.chanzo dewji blog

Thomas Mashali amekutwa amefariki
dunia usiku wa kuamkia leo na mwili
wake kukutwa maeneo ya Kimara, Jijini
Dar es salaam. akithibitisha kutokea kwa
kifo cha mwanamasumbwi huyo, Bondia
Abdallah Pazi (Dullah Mbabe) amesema
Mashali amefikwa na umauti huo usiku wa
kumkia leo kwa kudaiwa kupigwa mpaka
kuuawa na watu wasiojulikana kwa
tuhuma za wizi. tutaendelea kujuzana
taarifa zaidi za msiba huu wa
Mwanamasumbwi huyu nguli hapa nchini,

CHADEMA na Chama cha ACT– Wazalendo,
vimejibu tuhuma zilizotolewa na Msemaji wa
Chama Cha Mapinduzi (CCM), Christopher ole
Sendeka.
Juzi Sendeka, alimtuhumu kwa kumshambulia
Kiongozi wa ACT-Wazalendo, Zitto Kabwe na
Waziri Mkuu wa zamani, Edward Lowassa,
kutokana na misimamo yao ya kukosoa
mwenendo wa utawala wa Rais Dk. John
Magufuli.
Kauli za kumjibu Sendeka zilitolewa kwa nyakati
tofauti jana na vyama hivyo, vilipozungumza na
waandishi wa habari katika ofisi zao zilizopo Dar
es Salaam.
Katibu wa Bunge na Serikali za Mitaa wa ACT-
Wazalendo, Habibu Mchange, akimjibu Sendeka,
aliviomba vyombo vya uchunguzi nchini
kuchunguza akaunti, mali na madeni ya Zitto
ambaye pia ni Mbunge wa Kigoma Mjini ili
kupima kama yanaendana na maisha anayoishi.
Alisema wanavitaka vyombo hivyo kuanza mara
moja kazi ya uchunguzi kwa kuwa wanaamini
Zitto ni mmoja wa viongozi ambaye mali, madeni,
masilahi na akaunti zake viko wazi.
“Ikumbukwe kuwa katiba na kanuni za chama
chetu huwataka viongozi wote wa chama kuweka
hadharani tamko la mali zao na madeni, Zitto
alitekeleza matakwa hayo kisheria, mali pamoja
na madeni yake yako hadharani na mtandaoni.
Tunatambua chama tawala kinaweweseka,
tunataka kiondokane na ugonjwa huo, badala
yake wachukue hatua za uchunguzi dhidi ya
Zitto,” alisema Mchange.
Pia alimgeuzia kibao Sendeka kwa kumtaka
kumkumbusha Rais Magufuli kuweka hadharani
nyaraka zake za mshahara.
“Ole Sendeka amuulize mwenyekiti wake wa
CCM ambaye ni Rais Magufuli kama bado yuko
likizo. Alipokuwa Chato likizo, alipiga simu redio
moja akasema akirudi ataweka ‘salary slips’ wazi,
sasa bado yuko likizo? Tunapiga marufuku
kumhusisha Zitto na siasa nyepesi,” alisema
Mchange.
Akizungumzia kauli kwamba Zitto alikuwa
akiwalinda maswahiba zake alipokuwa
Mwenyekiti wa Kamati ya Bunge ya Hesabu za
Serikali (PAC), Mchange alisema anashangazwa
na kauli hiyo kwa kuwa Rais Magufuli amekuwa
akipambana na ufisadi, lakini alishindwa
kumchukulia hatua aliyekuwa Mkurugenzi Mkuu
wa NSSF, Dk. Ramadhan Dau na badala yake
akamteua kuwa balozi nchini Malaysia.
Mchange alisema katika Ripoti ya Mdhibiti na
Mkaguzi Mkuu wa Hesabu za Serikali (CAG),
Profesa Mussa Assad, kupitia taarifa husika
alitoa hati safi kwa NSSF kwa hesabu za mwaka
wa fedha wa 2014/2015 na hata katika barua ya
mkaguzi kwenda kwa kiongozi wa NSSF,
inaonyesha kuwa halijanunua ardhi yoyote
Kigamboni bali liliingia ubia wa ardhi kwa hisa
(Land for Equity).
“Sijui msemaji wa CCM anatumia taarifa ipi ya
CAG kusema kuwa NSSF ilinunua ardhi kwa bei
ya shilingi milioni 800 aliyomhusisha nayo
kiongozi wetu. Sasa Mkurugenzi wa NSSF
anayesema kapewa ubalozi, ukiangalia
Mwenyekiti wa CCM anapambana na ufisadi,
anamshindwa nini huyo? Ina maana anateua
mafisadi kuwa balozi? Hivyo ni vizuri akieleza
kwa undani ufisadi anaousema kwa kunukuu
ripoti ya CAG kaitoa ukurasa namba ngapi,”
alisema Mchange.
CHADEMA
Naye Mkuu wa Idara ya Uenezi wa Chadema,
Hemed Ali, alimshambulia Sendeka akisema ni
sawa na mtumishi hewa kwa kuwa cheo chake
hakipo kikatiba kwa mujibu wa Katiba ya CCM na
wala hakipo katika ngazi za utawala Makao
Makuu ya chama hicho.
Hemed alisema hata taarifa aliyoitoa Sendeka
ilikosa mtiririko wa kiuandishi na kimantiki,
kuanzia utangulizi, ujumbe na hitimisho alivyodai
havina uwiano.
Alisema hatua hiyo inatokana na kuwapa nafasi
watu wasio na uwezo na kwamba hata kada
mwenzake, Profesa Sospeter Muhongo, aliwahi
kutahadharisha juu ya uongo wa Sendeka pamoja
na kufeli masomo yake ya kidato cha sita kwa
kupata daraja sifuri.
“Ole Sendeka anaendeleza mwendelezo wa Rais
Dk. Magufuli wa kutokutaka kukosolewa na
wataalamu, wanahabari na Watanzania kwa
ujumla, wakisahau Katiba ya Jamhuri inawapa
Watanzania uhuru wa kutoa maoni,” alisema
Hemed.
Pia alisema hawashangai Sendeka kushambulia
vyombo vya habari kwa kuwa CCM na Rais
Magufuli hawapendi Watanzania watoe maoni, na
ndio maana wanataka kusukuma Muswada wa
Habari.
Akizungumza kuhusu mashambulizi aliyoyatoa
dhidi ya Lowassa, Hemed alisema CCM inaugua
homa yake inayoitwa Lowassaphobia.
“Ndiyo maana kimeacha kuendelea na shughuli
zao na kumwandama Lowassa. Kimsingi
mchakato wa kumpata mgombea urais na
mgombea mwenza wa chama ulikuwa wa
kidemokrasia kwa mujibu wa katiba yetu ambapo
ibara (7.7.16 (a)), kamati kuu inapewa mamlaka
ya kuwafanyia utafiti wagombea urais na
kupeleka ripoti Baraza Kuu,” alisema Hemed.
Alisema kwa mujibu wa katiba ya chama hicho
( 7.7. 13 (a)), Baraza Kuu linapendekeza majina
ya wagombea au mgombea aliyejitokeza na
kupitia Ibara ya (7.7.10 (c)), Mkutano Mkuu wa
chama unachagua mgombea urais na mgombea
mwenza.
Alisema Lowassa alipitia hatua zote kama
mwanachama halali wa Chadema kwa mujibu wa
Katiba (5.1) na (5.2).
Pia alikumbushia mchakato wa kumpata
mgombea wa urais kupitia CCM mwaka 2015 kwa
kuuita kuwa haukufuata katiba na kanuni za
chama hicho.
“Nilitarajia Sendeka aeleze kile kiini macho cha
kumchagua Magufuli Dodoma kuwa mgombea
wao, huku wenyewe kwa wenyewe wakipinga
mchakato wa kumpata usiofuata katiba na kanuni
za chama hicho kama walivyojitenga na uamuzi
huo baadhi ya wajumbe wa Kamati Kuu kutokana
na kutoridhishwa na mwenendo wa uamuzi ndani
ya vikao. Kamati Kuu yao ilipasuka katikati baina
ya wajumbe,” alisema Hemed.
Alisema anakubaliana na Sendeka kuwa
mgombea ni taswira ya chama, lakini alidai kuwa
CCM kwa sasa inaonyesha ni wafinyaji na
wakandamizaji wa demokrasia.
Akijibu tuhuma za kiongozi mmoja wa chama
kupatiwa Dola milioni 15 za Marekani takriban Sh
bilioni 33 za kitanzania, alisema fedha hizo ni
nyingi na zingetosha kuchukua madaraka kamili
kuanzia ngazi ya mtaa hadi urais na si tu
kupanga safu ya ndani ya chama.
“Amesema kuwa yupo kiongozi ndani ya chama
chetu aliyepata dola milioni 15 apange safu ya
uongozi ndani ya chama. Kiuhalisia na kwa
hesabu ndogo tu ni kuwa pesa hiyo si tu
inatosha kupanga uongozi wa ndani, bali ushindi
wa mitaa, kata na halmashauri, ubunge na urais,
hivyo wakati anataja tarakimu hizo ajue na
michanganuo ya hesabu badala ya kuwa
mkurupukaji,” alisema Hemed.chanzo mtanzania

Aliyekuwa Waziri Mkuu wa Serikali ya Awamu ya
Tatu, Frederick Sumaye amesema kuwa baada
ya kutangazwa mchakato wa kunyang’anywa
shamba lake la Mwabwepande, amepata taarifa
ya kutaka kuondolewa anapoishi pia.
Sumaye ametoa kauli hiyo ikiwa ni siku chache
baada ya Waziri Wa Ardhi, Nyumba na
Maendeleo ya Makazi, William Lukuvi kueleza
kuhusu kuanza rasmi kwa mchakato wa
kumnyang’anya mwanasiasa huyo shamba la
Mwabwepande kwa madai ya kutoliendeleza kwa
muda mrefu.
“Hapa ninapoishi naambiwa kuna maelekezo
yametoka juu kuwa sijapaendeleza. Sasa kama
sijapaendeleza mbona ninaishi hapahapa,”
Sumaye amekaririwa na gazeti la Nipashe.
Aidha Sumaye amesema kuwa ingawa alimsikia
Waziri Lukuvi akieleza kuwa tayari wameshampa
notisi ya siku 90 kuhusu kunyang’anywa shamba
lake la Mwambwepande, hadi jana hajaipata
notisi hiyo licha ya kufanya jitihada za kuifuatilia.
Alisema kuwa anashangazwa na uamuzi huo wa
Waziri kwani kesi inayolihusu shamba hilo bado
inaendelea mahakamani kutokana na uvamizi wa
wananchi na kwamba Mahakama imezitaka
pande zote mbili kutofanya chochote kwenye
ardhi hiyo.
Mwanasiasa huyo ambaye pia ni Mjumbe wa
Halmashauri Kuu ya Chadema alisema kuwa
anachokifahamu ni kwamba alipokea notisi ya
kuondolewa katika shamba lake la Mvomelo kwa
madai ya kushindwa kuliendeleza kwa muda
mrefu.
“Ninachokijua ninaandamwa kisiasa. Shamba
langu la Mvumelo naambiwa sijaliendeleza.
Kwenye hilo shamba niemjenga nyumba ya
kuishi, ghala, kuna trekta na vifaa vingine.
Ninalima mazao na nimefuga zaidi ya ng’ombe
200, nina kondoo 300 na nimechimba visima
viwili vya maji halafu serikali inasema
sijaliendeleza,” alisema Sumaye.
Alisisitiza kuwa ingawa anaamini anaandamwa
kisiasa kwa kunyang’anywa mashamba yake,
hatarejea CCM hata akinyang’anywa mashamba
yote aliyoanayo.
Sumaye alihama CCM mwaka jana, miezi
michache kabla ya kufanyika kwa Uchaguzi Mkuu
na kujiunga na harakati za kumpigia kampeni
mgombea urais kwa tiketi ya Chadema, Edward
Lowassa. Baada ya uchaguzi huo alitangaza
kujiunga rasmi na Chadema.

Sakata la uuzwaji wa Shirika la Usafiri Dar es
Salaam (UDA) linazidi kuchukua sura mpya
baada ya Kamati ya Bunge ya Hesabu za Serikali
za Mitaa (LAAC) kuitaka serikali kuwasilisha
mkataba wa uuzwaji wa hisa za kampuni ya
Simon Group ndani ya wiki mbili.
Wiki iliyopita kamati hiyo iliutaka uongozi wa Jiji
la Dar es Salaam kueleza namna kampuni ya
Simon Group ilivyoingia na kuwa mmoja wa
wamiliki wakubwa wa hisa za UDA. Maelezo
yaliyotolewa hayakuiridhisha kamati ambapo jana
walirudi tena mbele ya kamati wakiambatana na
Mwansheria Mkuu, Waziri wa Nchi Ofisi ya Rais
Tawala la Mikoa na Serikali za Mitaa (TAMISEMI)
na Msajili wa Hazina ili kueleza ukweli juu ya
sakata hilo na wamiliki halali wa UDA.
Serikali kwa upande wake imekiri mbele ya
Kamati ya Bunge ya Hesabu za Serikali za Mitaa
(LAAC) kuwa inamiliki hisa nyingi zaidi katika
shirika hilo la usafiri.
Aidha, iliieleza kamati kuwa hisa zote ambazo
hazikuwa zimegawanjwa asilimia 52 za UDA
zilizouzwa kwa kampuni ya Simon Group bila
kufuata taratibu zimerejeshwa serikalini.
Ripoti ya Mkaguzi na Mdhibiti Mkuu wa Hesabu
wa Serikali (CAG) anaeleza kuwa UDA ina hisa
milioni 15 ambayo kila moja ina thamani ya
shilingia 100.
Asilimia 47.5 ya hisa hizo sawa na hisa milioni
7.1 ziligawanywa katika makundi mbalimbali
ambapo Jiji la Dar es Salaam lilipata hisa
asilimia 51 sawa na hisa milioni 3.6. Makundi
mengine yaliyogawiwa ni serikali iliyokuwa na
jumla ya hisa milioni 3.9 sawa na asilimia 49.
Hivyo hisa milioni 7.8 zilizobaki ambazo ni sawa
na asilimia 52 kuuzwa kinyemela na Bodi ya UDA
kwa kampuni ya Simon Group ambazo ndizo
zilizorejeshwa.
Wanahisa wengine wa kampuni ya Simon Group
ni pamoja na, Robert Simon Kisena (hisa 94,000),
Simon Robert Kisena (hisa 20,000), Gloria Kisena
(hisa 20,000). Wengine ni Kulwa Simon Kisena,
William Kisena, Modesta Pole na Juma Kapuya
kila mmoja akimiliki hisa 10,000, Gilbert Ngalula
(hisa 6,000) na George Simon (hisa 5,000).
Kamati ilihitimisha kwa kuitaka serikali
kuwasilisha nyaraka zinazothibitisha kuwa
inamiliki hisa nyingi zaidi katika Shirika la Usafiri
la Dar es Salaam (UDA) kama ilivyoeleza.chanzo swahili times

Waziri wa mambo ya ndani, Mwigulu
Nchemba ameshangazwa na wananchi
kukimbia na kujifungia wakiogopa vikundi
vya kihalifu kama Panya Road vinapofika
kwenye mitaa yao ilihali linaundwa na
watoto wadogo ambao wanatumia silaha
za jadi.
Mwigulu amesema silaha hizo za jadi
wananchi wote wanazo hivyo wanaweza
kuwakabili.

Leo hii karibu kila mtu aliyeajiriwa ukimuuliza je,
unafurahia maisha ya kuajiriwa? Atakwambia
hapana ila natamani kujiajiri, na endapo
utaendelea kumuuliza ni kwa nini unatamani
kujiajiri? Utamsikia anasema nataka kuwa huru
na muda na pia nahitaji uhuru wa kipesa.
Majibu hayo kwa mtazamo wa wengi ni sawa,
ila kuna kitu ambacho ni vyema ukakijua kabla
ya kuamua kuacha kazi na kwenda kujiajiri.
Kujiajiri kuna hitaji ujasiri wa hali ya juu sana
maana kuna changamoto zaidi ya kuajiriwa.
Hivyo nakusihi ufikirie kwa umakini sana suala
zima la kuacha kazi kabla kwenda kujiajiri.
Na endapo utaamua kuacha kazi ya kuajiriwa
bila ya kufikiria ipo siku utakuja kujutia uamuzi
wako. Hivyo ni vyema ukafikiria mara mbili
kabla ya kufanya maamuzi magumu.
Mambo ya msingi ya kuzingatia kabla ya
kuacha kazi.
1. Kuwa na nidhamu ya muda.
Kwa kuwa kwa sasa bado umeajiriwa, hivyo
huna jukumu la kufanya maamuzi ya matumizi
ya muda, Bali unafanya kazi kutokana na muda
ambao muajiri wako ameamua yeye kukupangia
kuweza kufanya kazi.
Na kwa kuwa umezoea kufanya kazi kutokana
na amri ya mwajiri wako, hata pale ambapo
utaamua kuacha kazi fahamu fika ya kwamba
suala la kuwa na nidhamu ya muda kwako ni
suala gumu, hivyo unatakiwa kufanya jitihada
zako binafsi kadri iwezekanavyo hasa katika
matumizi sahihi ya kufanya kazi hasa suala
zima la uzalishaji wa mali au huduma.
Nazungumza suala zima la matumizi ya muda
kwani hapa ndipo ambapo tunapata makundi
mawili ya watu waliofanikiwa na wasiofanikiwa.
Hivyo ni jambo jema kuhakikisha unazingatia
matumizi sahihi ya muda ili pindi utakapoacha
kazi wewe ndiye ambaye utakuwa na jukumu la
kupanga muda wa kufanya kazi na ni muda gani
utakuwa ni wa kupumzika. Pia ikiwezekana
ongeza matumizi sahihi ya muda mara mbili
zaidi ya ulivyokuwa umeajiriwa.
2. Kutokuahirisha kufanya mambo ya msingi.
Utakuwa shahidi ya kwamba wakati umeajiriwa
suala zima la uahirishaji wa kufanya mambo ya
msingi lilikuwa ni suala gumu sana labda awe
ameamua mwajiri wako. Kama ndivyo hivyo
basi pale ambapo utakuwa umeamua
mwenyewe kuacha kazi na kuamua kufanya
kazi mwenyewe hivyo huna budi kuhakikisha ya
kwamba suala zima la uhairishaji mambo
linakuwa ni suala ambalo halina nafasi katika
maisha yako.
Ukiwa ni mtu wa kufanya kazi kwa kuamua
kutenda bila kuahiirisha vitu vya msingi ama
hakika utafika kilele cha mafanikio yako ndani
ya muda mfupi. Ni vyema kulizingatia hili, kwani
hili ndilo ambalo limewafanya watu wengi
ambao waliacha kazi kuwa na maisha duni
zaidi, kwani wengi wao walikuwa ni waahirishaji
wazuri wa vitu vya msingi.

Polisi mkoani Rukwa inamshikilia Meya
wa Manispaa ya Sumbawanga, Justine
Maliwasa (CCM) akituhumiwa kuhusika na
kuteketezwa kwa moto msitu wa hifadhi
wa Mbizi na kusababishia serikali hasara
ya zaidi ya Sh milioni 226.
Kamanda wa Polisi wa Mkoa wa Rukwa,
George Kyando amethibitishwa kuwa
mwanasiasa huyo alikamatwa juzi na
kuhojiwa kwa saa kadhaa.
“Kweli (Maliwasa) amehojiwa lakini ni
mahojiano tu yanayoendelea, taarifa zaidi
itatolewa hadharani baadaye kwa sasa
bado anahojiwa.
“Anahojiwa baada ya watuhumiwa
tuliowakamata kwa kosa la kuteketeza
msitu huo wa hifadhi kwa moto walipodai
kuwa wametumwa na Meya huyo
(Maliwasa),“ alisisitiza.
Taarifa kutoka ndani ya jeshi hilo
zinaeleza kuwa mwanasiasa huyo ambaye
ni Diwani wa Kata ya Senga katika
Manispaa ya Sumbawanga, alihojiwa
katika Kituo Kikuu cha Polisi mjini hapa
kuanzia saa tano asubuhi hadi usiku.
Msitu huo ni chanzo kikubwa cha maji
cha wakazi wa mji wa Sumbawanga na
vitongoji vyake kwa asilimia 80.
Msitu huo wenye ukubwa wa ekari 1,260
ambao umepandwa miche ya miti mwaka
2014, unasimamiwa na Mamlaka ya
Huduma za Misitu (TFS).
Chanzo: Fahari News

Chama cha ACT-Wazalendo kimesema
kimeshtushwa na tuhuma dhidi ya
kiongozi wake wa chama, Zitto Kabwe
kwamba ana miliki mali za kifisadi pamoja
na kuhusishwa na ununuzi wa ardhi
maeneo ya Kigamboni uliofanywa na NSSF
kwa bei ya milioni 800 kwa ekari moja,
wakati bei halisi ni milioni 25 na kwamba
kitendo hicho kimeitia hasara serikali .
Tuhuma hizo zilitolewa jana na Msemaji
wa Chama cha Mapinduzi (CCM)
Christopher Ole Sendeka, ambapo
alivitaka vyombo vya uchunguzi kufanya
uchunguzi katika shirika hilo ili kubaini
waliohusika kwa ajili ya kuchukuliwa
hatua za kisheria, huku akimhusisha Zitto
katika uchunguzi huo.
Ole Sendeka alitaka akaunti za benki za
Zitto pamoja na maisha yake binafsi
kuchunguzwa kama yana uhalisia na
kipato chake halali.
Tuhuma hizo zimekiibua chama cha ACT,
ambapo leo Katibu wa Bunge na Serikali
za Mitaa ACT, Habibu Mchange amevitaka
vyombo vya uchunguzi haraka
iwezekanavyo kuchunguza mali, madeni,
akaunti zote za benki pamoja na mfumo
wa maisha ya Zitto.
“ACT imeshtushwa na tuhuma, kashfa,
porojo na matusi mbalimbali yaliyotolewa
jana na Ole sendeka dhidi ya kiongozi wa
chama chetu,” amesema.
Amesema kuwa, katiba ya chama hicho
huwataka viongozi wote kuweka
hadharani matamko ya mali zao na
madeni na kwamba Zitto alitekeleza
matakwa hayo ya kisheria hivyo mali na
madeni yake yako hadharani na
mtandaoni.
“Tunaamini kama kuna kiongozi ambaye
mali, madeni, maslahi, na akaunti zake
viko wazi basi ni ndugu Zitto,” amesema.
Aidha, Mchange amedai kuwa,
kilichomsukuma Sendeka kutoa tuhuma
hizo kwa Zitto ni harakati zake za
kuupinga muswada mpya wa habari.
“Tuhuma za olesendeka kuna kitu nyuma
yake, jitihada za zito za kupambana na
mswada wa habari ndizo zilizomuibua,
sababu wanataka upitishwe ili kuviua
vyombo vya habari,” amesema.
Amesema ACT itaendelea kuisimamia
serikali katika mambo ya bungeni kama
anavyofanya mbunge na kiongozi wao wa
chama.
Chanzo: Dewji Blog

Afande Selle anasema;
Nje ya uvyama kila Mtanzania Mzalendo anahitaji
majibu ktk hili kwani kulingana na tetesi za muda
mrefu kutoka kwa watu tofauti ni kwamba hata
uanzishwaji wa chama chetu cha ACT ni
matokeo ya matunda ya ufisadi huo mkubwa
uliotendeka ndani ya NSSF ikiwa ni malengo
maalum ya kuvuruga upinzani imara uliokuwepo
wkt wa uchaguz mkuu na si kujenga chama/
taasisi imara ya ACT....lengo kuu lilikuwa ni
kujipendekeza kwa serekali mpya ya chama
tawala kama ilivyokua ktk serikali iliyopita ya JK
ambayo kupitia serikali ile uswahiba wa kiongoz
wa chama chetu na mkurugenzi wa NSSF
ulishamiri kupita kawaida huku upigaji wa kutisha
ukitamalaki.
Lkn bahati mbaya malengo hayo hayakufanikiwa
wkt wa uchaguz kwa ACT kushindwa kwa aibu
ktk ngazi zote hali iliyopelekea serekali mpya
kuona haina sababu ya kuibeba ACT au viongozi
wake kwani haitovuna chochote na ndipo JPM
pamoja na kumsifu ZZK kipindi kile aliposalia
bungeni peke yake baada ya wapinzani wote
kutoka nje ya bunge lkn akamtosa kwa mambo
mengine tofaut JK aliyewabeba ZZK na Mr.Dau.
Hapo ndipo hasira za ZZK zikawaka na kuanza
kuwa mkosoaji mkubwa wa JPM binafsi na
serekali yake...anafanya hivyo si kwa sababu ya
uzalendo wake kwa nchi bali kwasababu maslahi
yake binafsi yameguswa....'kweli itatuweka
huru...wacha party ianze 🎻...niendele ama
nisiendeleeee...
Seleman Mshindi (Afande Sele)
Mwanachama wa ACT WAZALENDO na Mgombea
ubunge Morogoro Mjini 2015(ACT).

MAOFISA watatu wa Benki ya Maendeleo (TIB)
wamepandishwa kizimbani, wakikabiliwa na
mashitaka ya kuomba na kupokea rushwa ya Sh
milioni tano ili kumsaidia mteja apate hati ya
nyumba, iliyokuwa inashikiliwa na benki hiyo,
kama dhamana ya mkopo.
Washitakiwa hao ambao ni maofisa Ufilisi wa
benki hiyo, Edward Sizya, Aloyce Lufungulo na
Karani, Salum Salum, walifikishwa katika
Mahakama ya Hakimu Mkazi Kisutu, Dar es
Salaam. Walisomewa mashtaka manne na Wakili
wa Taasisi ya Kuzuia na Kupambana na Rushwa
(Takukuru), Odessa Horombe mbele ya Hakimu
Mkazi Mkuu, Respicius Mwijage.
Odessa alidai Oktoba mwaka huu katika ofisi za
TIB Tawi la Upanga, zilizopo Ilala, Dar es
Salaam, wakiwa maofisa Ufilisi wa benki hiyo na
karani waliomba hongo ya Sh milioni tano kwa
manufaa yao binafsi.
Ilidaiwa waliomba fedha hizo kutoka kwa
Gosbert Matale, kama kishawishi kumsaidia
Evelina Mdecha kukomboa hati ya nyumba
inayoshikiliwa na benki hiyo, kama dhamana ya
mkopo.
Wakili huyo alidai kuwa Septemba mwaka huu
katika ofisi hizo, Sizya akiwa mwajiriwa wa benki
hiyo aliomba Sh milioni tano kutoka kwa Evelina,
kama kishawishi kumsaidia kukomboa hati yake
ya nyumba inayoshikiliwa na benki hiyo na
inadaiwa Oktoba 12, mwaka huu, katika ofisi
hizo, Sizya alikubali kupokea Sh milioni mbili
kutoka kwa Evelina ili amsaidie kupata hati hiyo.
Katika mashtaka mengine, Sizya anadaiwa
Oktoba 18, mwaka huu, katika ofisi hizo kwa
manufaa yake alipokea Sh 200,000 kutoka kwa
Evelina, kama kishawishi cha kumsaidia
kukomboa hati hiyo. Washtakiwa walikana
mashitaka na Wakili Odessa alidai upelelezi
haujakamilika. Kesi hiyo imeahirishwa hadi
Novemba 8 mwaka huu itakapotajwa tena.

SERIKALI imeahidi kuboresha na kuimarisha
maslahi kwa watumishi wote wa umma kupitia
Bodi ya Mishahara na motisha mara
watakapokamilisha uhakiki wa taarifa za
kiutumishi kwa wafanyakazi wa umma, ambao
utawezesha kupanga upya mishahara na motisha
kwa watumishi.
Aidha, imesema italipa madeni yote inayodaiwa
na watumishi wake wote mara itakapomaliza
kufanya uhakiki huo ili kubaini watumishi hewa.
Ahadi hiyo ilitolewa jana na Waziri Mkuu, Kassim
Majaliwa wakati wa kilele cha maadhimisho ya
miaka 55 ya Chuo Kikuu cha Dar es Salaam
(Udsm).
Katika hotuba yake, Majaliwa alisema Serikali ya
Awamu ya Tano imedhamiria kuhakikisha
inaondoa malimbikizo ya madai kwa watumishi
wote wa umma, na mojawapo ya mikakati hiyo ni
uhakiki, ambao unaendelea wa watumishi wa
umma. Alisema hadi Oktoba 20, mwaka huu
watumishi hewa, ambao wamebainika kutokana
na uhakiki huo walikuwa ni 16,500.
“Baada ya uhakiki huo tutarudia uhakiki wa
madeni yote yaliyowasilishwa serikalini na kisha
tutalipa madeni ya watumishi wote yakiwemo
madeni yanayodaiwa na wanataaluma,” alisema
Waziri Mkuu Majaliwa.
Kwa muda mrefu sasa, serikali inaendesha
uhakiki wa watumishi wa umma baada ya
kubainika kuwapo na watumishi hewa wengi
wanaolipwa fedha nyingi kila mwezi, hivyo
kuipotezea mapato serikali ambayo yangetumika
kwa kazi nyingine, zikiwamo za kuboresha
mishahara ya watumishi na huduma za kijamii.
Akizungumzia changamoto zinazokikabili Chuo
Kikuu cha Dar es Salam likiwemo suala la uhaba
wa wahadhiri waandamizi pamoja na tatizo la
mikopo kwa wanafunzi, Majaliwa alisema serikali
itaendelea kuweka kipaumbele cha upatikanaji
wa fedha za kutosha kwa ajili ya mafunzo.
Lakini, pia amevitaka vyuo vya umma,
kuhakikisha taratibu na mipango endelevu ya
kurithishana kwani bila kufanya hivyo wakati
wote kutakuwa na mapungufu katika utoaji wa
taaluma. Alisema serikali itaendelea kuwaajiri
wanataaluma na watumishi wengine wapya pale
wanapohitajika.
Alitoa ahadi hiyo baada ya kuelezwa na Makamu
Mkuu wa Chuo hicho, Profesa Rwekaza
Mukandala kuwa chuo hicho kwa sasa
kinakabiliwa na uhaba mkubwa wa wahadhiri
waandamizi kutokana na wengi wao kustaafu.
Kuhusu changamoto ya mikopo ya wanafunzi wa
elimu ya juu, Majaliwa alisema Wizara ya Elimu,
Sayansi, Teknolojia na Mafunzo ya Ufundi
inaendelea kufanya uhakiki wa taarifa za
waombaji wa mikopo na akasema kufikia kesho
asilimia 90 ya waombaji ambao wametimiza
masharti watakuwa wameshalipwa fedha zao.
Aliwataka watumishi wa Bodi ya Mikopo ya
Wanafunzi wa Elimu ya Juu kutimiza wajibu wao
kuhakikisha kwamba, kwa wale ambao uhakiki
wao umekamilika wapatiwe mikopo hiyo kwa
wakati. Alisema kamwe serikali haitawavumilia
watumishi ambao watachelewesha kwa makusudi
mikopo ya wanafunzi wa elimu ya juu.
“Kama kuna taarifa itolewe ndani ya serikali
haraka ili ifanyiwe kazi kuzuia mgogoro kati ya
wanafunzi na serikali yao,” alisema Majaliwa.
Awali, Profesa Mukanda alisema changamoto
kubwa inayokikabili chuo hicho kwa sasa ni
uhaba wa wanataaluma waandamizi katika fani
mbalimbali tatizo ambalo alisema linatokana na
serikali kusitisha ajira kwa miaka 10 na hivyo
kutoajiriwa wanataaluma chipukizi.
Alisema hali ilivyo kwa sasa katika vyuo vya
umma nchini ni mamia ya wanataaluma wazoefu
kustaafu kwa wakati mmoja na wanataaluma
walioajiriwa katika miaka ya hivi karibuni, bado
wako masomoni au wangali chipukizi katika
taaluma zao na hivyo kutokuwa na uwezo wa
kutosha kubeba majukumu ya kufundisha
shahada za umahiri na uzamivu.
Alisema licha ya serikali kuruhusu utoaji wa ajira
za mikataba kwa wanataaluma wanaostaafu,
lakini bado idara nyingi zinakabiliwa na uhaba
mkubwa wa wanataaluma waandamizi.
Alisema hali hiyo inatishia kukwamisha
utekelezaji wa azma na mpango mkakati wa
chuo hicho ambao ni kupanua programu za
mafunzo ya digrii katika ngazi za umahiri na
uzamivu.
Kwa hali hiyo aliiomba serikali kutoa mwongozo
utakaosaidia vyuo vikuu vya umma
vinavyokabiliwa na changamoto hiyo ili viweze
kuepuka hatari iliyopo ya kushuka kwa viwango
ya utoaji maarifa.
“Chuo Kikuu cha Dar es Salaam kiko tayari kutoa
mchango wa mawazo kuhusu namna ya kuruka
kizingiti hicho,” alieleza.chanzo habar leo

Waziri wa mambo ya nje na ushirikiano wa afrika
mashariki Balozi Dkt. Augustine Mahiga
amesema ushirikiano wa Tanzania na umoja wa
mataifa (UN) wataendeleza ulinzi wa amani
katika mataifa mbalimbali kama wanavofanya
kwa Sudan ya kusini.
Akizungumza katika hafla ya miaka 71 ya umoja
huo Dar es salaam , Balozi Mahiga amewataka
Vijana nchini kuchangamkie fursa za ajira
zinazopatikana umoja huo.hafla za miaka 71 za
umoja wa mataifa zimehudhuliwa na viongozi
mbalimbali wa kitaifa na kimataifa huku suala la
ulinzi ' pamoja na amani likiwa limepewa
kipaumbele kwa mataifa
Naye Mwakilishi wa Mashirika wa Umoja wa
Mataifa Alvaro Rodriguez amezitaja changamoto
zinazoikabili UN ni ongezeko la vijana ambapo
wengi huwa wanashindwa kuendana na
ulimwengu wa Sayansi na Teknolojia kutokana na
miundombinu ya Elimu kutokuwa Rafiki.
Rodriguez ameongeza kuwa Ili kuhakikisha UN
inakabiliana na Changamoto hiyo wameweka
nguvu zaidi katika kuboresha Miundombinu ya
Elimu barani Afrika ili vijana kuweza kuendana na
kasi ya utandawazi ili kuweza kujiajiri. Waziri wa
Mambo ya Nje na Ushirikiano wa Afrika
Mashariki,Balozi Augustine Mahiga akizungumza
kwenye hafla ya miaka 71 ya umoja wa mataifa
(UN) jana jinini Dar es Salaam.
Mratibu Mkazi wa Mashirika ya Umoja wa
Mataifa na Mwakilishi wa Shirika la Maendeleo
(UNDP) nchini, Alvaro Rodriguez akizungumza
kwenye hafla ya miaka 71 ya umoja mataifa
(UN) jana jinini Dar es Salaam. (P.T)
Chanzo mjengwa.

Vigogo watatu wa Mamlaka ya Usimamizi wa
Bandari Tanzania (TPA) wakabiliwa na kesi ya
kuomba rushwa ya dola za Marekani milioni nne
sawa na zaidi ya shilingi bilioni nane za
Tanzania.
Hayo yamesemwa na Wakili Mkuu wa Serikali ,
Mutalemwa Kishenyi akiwa katika Mahakama ya
Hakimu Mkazi Kisutu Dar es Salaaamna. Na
kuwataja vigogo hao ni aliyekuwa Mkurugenzi
Mkuu wa Mamlaka ya Bandari Tanzania TPA,
Epharaim Mgawe, Mkurugenzi wa Uhandisi TPA,
Bakari Kilo, Meneja Manunuzi TPA Theophil
Kimaro, na Mkurugenzi Mkuu wa Kampuni ya DB
Shapriya Ltd Kishor Shapriya.
Aidha, Wakili Kishenyi amesema washtakiwa hao
wadaiwa kati ya mwaka 2009 na 2012 mahali
pasipojulikana wakiwa katika nyadhifa zao kupitia
Wakala wa Kampuni ya DB shapriya Ltd
waliomba rushwa ya dola za Marekani milioni nne
kama kishawishi cha kuiwezesha kampuni hiyo
kushinda zabuni yenye namba
AE/0116/2008-2009/10/59 kwa ajili ya ujenzi wa
bomba la mafuta TPA katika RAS ya Mji Mwema.
Baada ya kusomewa mashtaka hayo, washtakiwa
walikana kuhusika na kutenda makosa hayo.
Wakili Kishenyi alisema upelelezi wa kesi bado
unaendelea, pia hawana pingamizi la dhamana
endapo washtakiwa watatimiza masharti ya
dhamana yatakayotolewa na mahakama.
Vigogo hao waliachiwa kwa dhamana baada ya
kutimiza masharti ya dhamana yaliyowataka
kuwa na wadhamini wawili waaminifu
watakaosaini hati ya dhamana ya Sh milioni 500
kwa kila mmoja.

WALIMU wanne wa Shule ya Sekondari
Kitumbeine wilayani Longido Mkoa wa Arusha,
wamesimamishwa kazi kupisha uchunguzi baada
ya kutuhumiwa kujihusisha na mapenzi na
wanafunzi wao.
Akisoma risala kwa Mkuu wa Mkoa wa Arusha,
Mrisho Gambo ambaye yupo wilayani humo kwa
ziara ya siku tano ya kukagua maendeleo na
changamoto, Mkuu wa Wilaya ya Longido, Daniel
Chongolo alisema hivi sasa uchunguzi
unafanyika, kubaini jinsi walimu hao
walivyojihusisha na mahusiano ya kimapenzi na
wanafunzi wao.
Chongolo alisema uchunguzi utakapokamilika na
ikithibitika, watachukuliwa hatua za kinidhamu.
Alisema pia kuwa kuna changamoto ya mimba
ya utotoni, ambazo baadhi ya wazazi na walezi
wao wamekuwa wakiwaozesha kutokana na
mila.
Alisema serikali inafuatilia wazazi wenye tabia
hiyo ya kuwaozesha watoto kwenye umri mdogo
kwani tatizo hilo lipo kwa asilimia 13 katika jamii
ya wafugaji.
Hata hivyo, alisema mimba za utotoni
zimepungua kutoka sita mwaka 2013 na kufikia
nne ingawa bado kuna changamoto ya
wasichana kuozeshwa kwenye umri mdogo na
wazazi wao.
"Tupo kwenye uchaguzi ili kubaini kama kweli
walimu hao wamehusika na mahusiano ya
kimapenzi na wanafunzi wao au la na endapo
ikithibitika kuhusu hilo hatua kali za kinidhamu
zinafanyika," alisema bila kuwataja majina
wahusika hao.
Aidha, alisema wilaya hiyo pia ina upungufu wa
miundombinu ya madarasa 128, nyumba za
walimu 281, matundu ya vyoo 393 na madawati
1,320 ambapo katika mwaka huu wa fedha
2016/17 wilaya imejitahidi kujenga madarasa 60,
nyumba za walimu saba pamoja na kuongeza
shule za msingi sita ili kupunguza tatizo hilo.
Baada ya Gambo kupokea taarifa hiyo, alishiriki
kupaua bweni la Shule ya Sekondari Longido
lililoungua.
Alitoa rai kwa polisi kufanya doria za mara kwa
mara shuleni ili kudhibiti matatizo ya moto na
kuimarisha usalama wa wanafunzi, pia
wanafunzi kushirikiana kwa pamoja na walimu ili
kuimarisha ulinzi nyakati za masomo ya usiku.
Alisisitiza kuwa serikali inawasaka wale wote
waliohusika na kitendo cha uchomaji moto shule
mbalimbali mkoani humo ili kuwafikisha kwenye
vyombo vya dola.
Alitoa rai kwa viongozi wa vijiji, kuhakikisha
wanashiriki kupanga ulinzi kwenye maeneo yao
ili kudhibiti mambo mbalimbali ya uvunjifu wa
amani ikiwemo suala la moto.

Dar es Salaam. Baada ya kuibuka malumbano
katika uchaguzi wa meya Manispaa za
Kinondoni na Ubungo baina ya CCM na vyama
vinavyounda Ukawa, wasomi wameshauri kanuni
zibadilike ili wanaochagua meya wawe madiwani
wa kuchaguliwa pekee.
Katika utaratibu wa sasa, mameya na wenyeviti
wa halmashauri huchaguliwa na madiwani,
madiwani wa viti maalumu, wabunge wa
majimbo wa kuchaguliwa, wabunge wa viti
maalumu na wabunge wa kuteuliwa.
Juzi, madiwani wa Chadema na CUF katika
Halmashauri ya Manispaa ya Kinondoni
walisusia uchaguzi wa meya kupinga wabunge
walioteuliwa na Rais John Magufuli kushiriki
kupiga kura, kwa kuwa walihamishwa kutoka
Manispaa za Ilala na Ubungo kuiwezesha CCM
ishinde umeya wa Kinondoni.
Mhadhiri Mwandamizi wa Chuo Kikuu cha Dar
es Salaam (UDSM), Dk Benson Bana amesema
utaratibu unaotumika sasa ndiyo unachelewesha
maendeleo ya wananchi kwa sababu viongozi
wanatumia muda mwingi kulumbana ili vyama
vyao vishinde.
Profesa wa Chuo Kikuu Huria (OUT), Reuben
Niville amesema wananchi wanacheleweshewa
maendeleo kwa sababu ya malumbano ya kila
chama kutaka kuongoza halmashauri.

Raia wanne wameuawa na wengine 14
kujeruhiwa katika vurugu zilizotokea katika mji
wa Bangui ambapo mashirika ya kiraia nchini
Jamhuri ya Afrika ya Kati yalikua yalitoa wito wa
kusalia nyumbani kwa ajili ya kuomba kuondoka
kwa kikosi cha Umoja wa Mataifa nchini humo.
Kikosi cha Umoja wa Mataifa nchini Jamhuri ya
Afrika ya Kati kinashtumiwa kushindwa kuyazima
au kuyadhibiti makundi ya watu wenye silaha.
"Askari wa Umoja wa Mataifa nchini Jamhuri ya
Afrika ya Kati (Minusca) waliingilia kati mapema
Jumatatu hii katika mji wa Bangui ili kuondoa
vizuizi vilivyokua vimewekwa barabarani na
waandamanaji wanaowapinga," Minusca imebaini
katika taarifa yake iliyotolewa Jumatatu hii jioni.
"Minusca inalaani kabisa matukio ambayo
yaliathiri baadhi ya maeneo ya mji mkuu na
inasikitishwa kuona hali hiyo imesababisha vifo
vya raia wanne na kuwajeruhi wengine 14, ikiwa
ni pamoja na askari watano wa kikosi cha Umoja
wa Mataifa, " taarifa hiyo imeongeza. Vurugu hizi
"ni jaribio mpya la maadui wa amani kwa lengo la
kuvuruga kurejea kwa hali ya kawaida ya
kikatiba."
Minusca "pia inafutilia mbali kampeni ya
kupakwa matope dhidi askari wa Umoja wa
Mataifa wa kulinda amani na itaendelea na kazi
yake nchini Jamhuri ya Afrika ya Kati. Minusca
pia inakumbusha kwamba vurugu zozote zile
dhidi ya askari wa Umoja wa Mataifa wa kulinda
amani zitapelekea wahusika kufunguliwa
mashtaka katika mahakama za kimataifa," taarifa
hiyo imehitimisha. RFI

Mfumuko nchini Nigeria huenda umeathiri
kampuni ya Dangote Group inayomilikiwa na mtu
tajiri zaidi barani Afrika Aliko Dangote.
Kampuni hiyo imeripotiwa kuwafuta kazi
wafanyikazi 48 wakiwemo wataalam 36 wa
kigeni na raia 12 wa Nigeria.
Ripoti zinasema kuwa hatua hiyo inatokana na
gharama ya juu ya kufanya biashara katika taifa
hilo na kampuni hiyo imeshindwa kupata fedha
za kigeni kuwalipa wafanyikazi hao wa kigeni.
Lakini msemaji wa Dangote Group Tony Chiejina
aliambia BBC kwamba ufutaji huo hauna
uhusiano na mfumuko.
Kampuni hiyo inasema kuwa ilikuwa inaimarisha
biashara zake na kwamba kazi zengine
zimechukuliwa na kampuni tanzu.
Kampuni ya Dangote Group ni miongoni mwa
kampuni zilizo na wafanyikazi wengi katika
sekta hiyo.
Miezi miwili iliopita ,kitengo cha habari cha
Bloomberg kiliripoti kwamba bwana Dangote
alipoteza dola bilioni 5.4 mwaka huu kutokana
na kuanguka kwa thamani ya sarafu ya Nigeria
,Naira.

Makinda aliyasema hayo Jumapili hii wilayani
Same, Kilimanjaro alipokuwa akizungumza
wakati wa mahafali ya kwanza ya kidato cha
nne katika shule ya sekondari ya Mtakatifu
St.Joachim.
“Matumizi ya dawa za kulevya katika shule za
sekondari yamekuwa ya kawaida ingawa
madhara yake ni makubwa katika jamii. Madawa
hayo yanachangia maadili kumomonyoka kwani
kuna baadhi ya vijana wa kiume wanalawitiana
wenyewe kwa wenyewe,”alisema Makinda.
“Hali kwa sasa si nzuri, yaani matumizi ya dawa
hizo yameongezeka, ndiyo maana ninasema
kuna haja ya kuongeza nguvu za kupambana na
matumizi ya dawa hizo,” aliongeza.

POLISI mkoani Tabora inamshikilia askari wa
Jeshi la Wananchi wa Tanzania (JWTZ),kwa
tuhuma za kuiba mtoto mchanga,Razack
Kombo, mwenye umri wa miezi miwili.
Habari za uhakika ambazo MTANZANIA ilizipata
jana na kudhibitishwa na Kamanda wa Polisi,
Mkoa wa Tabora,Khamis Issa, zinasema askari
huyo wa Kikosi cha Jeshi Mirambo, anashikiliwa
baada ya kichanga hicho kufariki dunia katika
mazingira ya kutatanisha.
“Tunamshikilia askari huyo tangu wiki iliyopita
kwa kosa la wizi wa mtoto mchanga ambaye
pia alifariki dunia katika hali iliyojaa utata
ingawa bado tunaendelea kufanya mahojiano
naye ili atueleze namna hali ilivyokuwa.
“Hivi ninavyoongea na wewe niko nje ya
ofisi,lakini wasaidizi wangu wamenijulisha
wamemkamata.Haiingii akilini mtu aibe
kichanga hiki alafu kipoteze uhai ndani ya muda
mfupi, tena mwili wake umekutwa kwenye moja
ya hospitali ya jeshi,japokuwa taarifa
zinaonyesha alikuwa haumwi.
“Kama ningekuwa ofisini, ningeweza kukutajia
namba za askari huyo pamoja na majina kamili
kwa sababu tunayo.
“Lakini, nakuomba univumilie kama nitawahi
kurudi ofisini, tutawasiliana zaidi.
“Katika mahojiano ya awali, askari huyo alisema
alikuwa anakwenda likizo ya uzazi nyumbani
kwao,japo hakuwa na ujauzito.
“Inaonekana mama wa mtoto aitwaye Daphina
Matwika, alikuwa anasafiri kutoka Morogoro
kwenda Mpanda kule Katavi akiwa na watoto
wengine wakubwa wawili.
“Kwa hiyo, baada ya kutokea wizi huo, mama
wa mtoto alikwenda kutoa taarifa kituo cha
polisi cha stendi kuu ya mabasi Tabora ambapo
polisi walianza kuweka mitego iliyosaidia
kumnasa askari huyo,” alisema Kamanda Issa.
Baada ya kumkamata askari huyo, Kamanda
Issa alisema waliwasiliana na mama wa
marehemu ambaye tayari aliyekuwa amefika
Mpanda na aliporudi, alimtambua mtoto huyo.
“Baada ya utambuzi wa mwanamke huyo,
uliibuka mvutano kati yake na askari huyo kwani
kila mmoja alikuwa akidai mtoto ni wake.
“Tulichokifanya ni kuwafanyia kipimo cha
kuwachukua damu na kutuma vipimo hivyo kwa
Mkemia Mkuu wa Serikali,” alisema.
Mama asimulia
Akizungumza na MTANZANIA jana kutoka
Mpanda, mama wa marehemu alisema
ameumizwa na tukio hilo na sasa yupo katika
wakati mgumu.
“Nakumbuka Jumatatu wiki iliyopita nilipanda
basi la Kampuni ya NBS pale Msamvu
Morogoro, nikiwa na watoto wangu watatu
akiwamo marehemu nikielekea Mpanda.
“Safari yetu ilianza kupata matatizo tulipofika
Dodoma kwa sababu basi lilikamatwa na dereva
aliwekwa ndani karibu saa nne hivi kwa sababu
alipishana lugha na trafiki.
“Baadaye tuliondoka Dodoma kwenda Tabora
ambako tulifika saa 3:30 usiku.
“Wenye basi walituteremshia ofisini kwao
badala ya stendi. Kwa hiyo, nilichukua teksi
hadi stendi kuu ambapo nilitafuta nyumba ya
kulala wageni nikakosa.
“Tuliamua tulale pale pale stendi na wakati
wote huo, yule dada alikuwa pembeni yangu
ananiangalia tu.
“Ilipofika majira ya saa saba usiku, alinifuata
nilipokuwa nimelala akaniambia niinuke niende
alipo lala yeye kwa sababu ameweka mkeka,
lakini nilimkamtalia.
“Cha ajabu ilipofika saa 10 alfajiri, alikuja tena
akaniomba anisaidie kubembeleza mtoto kwa
sababu alikuwa analia, lakini pia nilikataa kisha
aliniambia twende uani, pia nikakataa.
“Nilipomkatalia, aliondoka kisha
akarudi,akaniomba tena mtoto nikamkatalia na
wakati huo nikamkabidhi mwanangu mkubwa
yule mtoto mimi nikaenda uani.
“Inaonekana nilipokwenda uani tu, alimwambia
mwanangu mkubwa wasogee mbele, ghafla
akamwambia arudi aangalie mabegi yasiibiwe
huku akiwa na mtoto, sasa aliporudi ndiyo
akatoroka pale na yule mwanangu
mdogo,”alisema Daphina.
Baada ya tukio hilo, alisema alipiga kelele
kuomba msaada na baadaye akaambiwa akatoe
taarifa polisi kwa msaaad zaidi.
” Nashukuru kwa ushirikiano nilioupata kutoka
kwa askari kwani walinisaidia kumpata
mtuhumiwa pamoja na mwili wa marehemu
mwanangu uliokuwa umehifadhiwa katika
Hospitali ya Jeshi Mirambo,” alisema.
Source: Mtanzania

Chama cha Walimu Mkoa wa Mwanza
kimesema kuwa Mkurugenzi wa jiji la
Mwanza alipika takwimu za wanafunzi
hewa kwa makusudi kisha kufukuzisha
walimu wakuu 62 wilaya ya Nyamagana.
Mkuu wa mkoa wa Mwanza, John
Mongella amesema ameunda kamati ya
kuchunguza tuhuma hizo.chanzo jamii forums

Mwigizaji wa filamu na mtayarishaji,
Jacob Stephen ‘JB’ Ijumaa hii
amenusurika kifo katika ajali ya gari.
Mwigizaji huyo ambaye hivi karibuni
alikuwa mkoani Arusha katika
shindano la Mama Shujaa, amewataka
mashabiki wake kutambua kwamba
anaendelea vizuri pamoja na wanzake
ambao walikuwa kwenye gari hilo.
Asanteni wote mlionipa pole kwa ajali
ya jana,” aliandika JB instagram.
“Hakika Mungu ni Mwema, nipo poa
mimi na wenzangu wote. Namshukuru
sana Mungu.Thank you JESUS,”
Kwa sasa mwigizaji huyo anafanya
vizuri na filamu yake, ‘Kalambati Lobo’.
Ajali za barabarani nchini Tanzania
zinatajwa kuwa ni moja kati ya
matukio ambayo yanasababisha vifo
vingi nchini.

Katibu Mkuu wa Chama Cha wananchi (CUF),
Maalim Seif Sharif Hamad amedai kuwa anaona
dalili za Serikali kumkamata na kumfungulia
mashtaka kutokana na harakati zake za
kuendelea kuipinga Serikali ya Mapinduzi ya
Zanzibar.
Akizungumza jana katika Msikiti wa Biziredi
visiwani humo wakati wa ibada ya Ijumaa,
Maalim Seif alidai kuwa anaona dalili za
kukamatwa na kushtakiwa Mkoani Dar es
Salaam, jambo alilodai ni mpango wa kufifisha
juhudi zake visiwani humo.
”Kuna dalili za kutaka kunikamata wanipeleke Da
es Salaam kama walivyofanya kwa masheikh,
lakini nasema yote hayo ni kupoteza muda wa
kuchelewesha haki ya Wazanzibari,” Maalim Seif
amekaririwa. ”Ieleweke kuwa haki hiyo haiwezi
kuzuilika tena kwa sasa,” aliongeza.
Maalim Seif ambaye amekuwa akidai alishinda
katika uchaguzi huo wa Oktoba 25 mwaka jana
na kupokonywa ushindi wake na chama chake
ambacho baadae kiliususia uchaguzi wa marudio.
Amekuwa akizunguka ughaibuni na tayari
amefikisha malalamiko yao kwenye Jumuiya ya
Kimataifa.
Katika hatua nyingine, mwanasiasa huyo
mkongwe na Makamu wa Kwanza wa Rais wa
Serikali ya Mapinduzi ya Zanzibar mstaafu,
alizungumzia madai ya Baraza la Mawaziri la
Mapinduzi ya Zanzibar kutaka kujadili
kuondolewa kwa mfumo wa Serikali ya Umoja wa
Kitaifa (SUK) visiwani humo. Alisema kuwa
hakuna anayeweza kufuta SUK kwani ilianzishwa
kwa mujibu wa sheria baada ya wananchi kupiga
kura za maoni na maridhiano ya kisiasa.chanzo dewji blog

HALMASHAURI ya jiji la Mwanza, hupoteza Sh.
1.3 bilioni kila mwaka kutokana na kodi ya
maduka zaidi ya 1024 inayokusanywa kuishia
katika mifuko ya baadhi ya wafanyabiashara
wajanja na watumishi wa jiji hilo, anaandika
Moses Mseti.
Kiomoni Kibamba, Mkurugenzi wa jiji la Mwanza
ameyasema hayo katika ziara ya kukagua
maduka ambayo hayajalipa kodi ya pango
mpaka sasa.
Kibamba amesema kuwa baada ya kufika katika
jiji hilo miezi miwili iliyopita na kuanza ukaguzi
wa miradi pamoja na kupitia mikataba
mbalimbali ikiwemo ya maduka hayo, amebaini
kuwepo udanganyifu unaoisababishia serikali
hasara kubwa.
Amesema kuwa hasara ya zaidi ya Sh. 1.3
bilioni imetokana na watendaji wa serikali katika
jiji hilo kujihusisha na vitendo vya rushwa na
ufisadi huku akitolea mfano maduka yaliopo
katika shule ya Sekondari ya Pamba tangu
mwaka 2006 yaliyoisababishia serikali hasara ya
Sh. 350 milioni.
“Ni kitu ambacho hakiingii kwenye akilini tangu
mwaka 2006 kampuni ya Lewico inapangisha
maduka ya serikali kwa gharama kubwa lakini
sisi tunachokipata hakiendani na
kinachopatikana.
“Mkataba wa maduka ya serikali unafanyika kati
ya shule na kampuni ya Lewico, suala hili
haliwezekani na kuanzia sasa hivi mikataba
yote itafanywa na halmashauri ya jiji,” amesema
Kibamba.
Kibamba amesema kuwa hayupo tayari kuona
watu wachache wakijinufaisha kupitia mali za
umma na kudai kwamba wote waliohusika katika
kuingizia serikali hasara watafikishwa katika
vyombo vya dola.
“Sijaja Mwanza kucheza nimekuja kufanya kazi,
wanaofanya udalali kwenye mali za serikali
waache mara moja na hizo kampuni zao hewa
sitaki kuziona katika jiji hili,” amesema
Kibamba.
Hata hivyo baadhi ya wafanyabiashara katika
eneo la Pamba, akiwemo Mashimba Kulwa
amesema wanamshangaa mkurugenzi huyo
kuwadai mikataba wakati wao waliingia na
kampuni ya Lewico.
“Sisi unatuonea bure kwa sababu mkataba wetu
tuliingia na kampuni ya Lewico ambayo ndiyo
inasimamia maduka yote, kama ni suala la
utaratibu kubadilika sisi tutaufuata lakini si
kutufungia maduka yetu,” amesema Mashimba.
Hata hivyo MwanaHALISI Online imeona
tangazo la tarehe 24 Septemba lililotolewa na
uongozi wa kampuni ya Lewico Limited,
likiwafahamisha wapangaji wake kuwa jiji la
Mwanza halina mamlaka yeyote ya kiutendaji
katika mikataba ya maduka hayo.

Waasi wanaoungwa mkono na serikali ya Uturuki
nchini Syria wameuteka mji muhimu wa Dabiq
kutoka kwa wapiganaji wa Islamic
State,kulingana na makamanda wa waasi hao
na wachunguzi.
Waasi hao waliuteka mji wa Dabiq baada ya
wanachama wa kundi la Islamic State
kuuondoka kulingana na kundi la haki za
kibinaadamu lililo na makao yake huko
Uingereza.
Mji huo mdogo wa Kaskazini una thamani
kubwa kwa IS kwa sababu umekuwa ukitajwa
katika ubashiri mwingi wa vita vya kundi hilo
pamoja na propaganda zake.
Utekaji wa mji huo ni miongoni mwa vita vikali
vilivyoanzishwa na makundi ya waasi nchini
Syria dhidi ya kundi hilo.

MKAZI wa Kilindi mkoani Tanga, Angela
Basso, akiwa na watoto wake wawili
Happy(7) na Janeth Peter(9), amelazimika
kutembea kwa miguu kwa siku 21 hadi
mkoani Dodoma kwa lengo la kumuona
Waziri Mkuu Kassim Majaliwa ili amsaidie
kurudishiwa hekari 30 za mashamba yake
aliyozoporwa.
Basso alifika mjini Dodoma akiwa na
watoto wake hao, ambapo alisema aliona
ni vyema kwenda Dodoma kuonana na
Waziri Mkuu kutokana na kuporwa
mashamba na kuchomewa nyumba yake
katika kijiji cha Kwendigole wilayani
Kilindi na wanaume wawili ambao
waliojitokeza kwa nyakati tofauti wakidai
ni maeneo yao.
Alisema alipita hatua zote zinazotakiwa
kuomba mashamba, ambapo awali
alipatiwa hekari 10 na kijiji na
akazifanyia shughuli za kilimo na kujenga
nyumba yake ya kuishi, lakini baada ya
kwenda kujifungua alikuta mazao
yamefyekwa na yeye kutakiwa kuondoka
kwenye eneo hilo.
Mwanamke huyo alisema baada ya
kunyang’anywa alifikisha malalamiko
yake kuanzia uongozi wa kijiji hadi
wilayani na baadaye akapatiwa eneo
jingine la hekari 20, lakini alijitokeza mtu
mwingine na kudai eneo hilo ni mali ya
kanisa, licha ya kumiliki kihalali eneo la
Hembekali.
“Nilikwenda kushtaki kwa serikali ya kijiji,
kata na baadaye kwenda kwa mkuu wa
wilaya ambako iliamuliwa nirudishiwe
mashamba yangu, lakini hawakufanya
hivyo mwisho wa siku nikafukuzwa kabisa
kuishi kwenye eneo hilo,” alisema Basso
Mwanamke huyo alisema baada ya
kutimuliwa alianza kuishi maisha yake
kituo cha mabasi Muheza na baadaye
alifukuzwa kituoni hapo kwa madai watu
hawaruhusu kulala ama kuishi hapo na
ndipo akaamua kuanza safari ya Dodoma
baada ya kusikia Waziri Mkuu amehamia
Dodoma.
Akisimulia machungu ya safari yake,
Basso alisema akiwa njiani walikuwa
wakila mahindi ya kukaanga na maji ya
kunywa na kulala porini muda mwingine
giza linapowakuta katikati ya
pori.“Naomba kusaidiwa jamani nimeanza
kufuatilia tangu mwaka 2012 lakini bila
mafanikio jambo ambalo limechangia
familia yake kusambaratika kutokana na
kukosa pa kuishi huku watoto wangu hawa
wakikosa elimu kwa
kutangatanga,”alisema Mwanamke huyo
Basso aliomba Serikali itende haki ili yeye
aweze kupata haki yake ya kurejeshewa
mashamba yake na kurudi katika eneo
hilo ili watoto wake wawili wapate nafasi
ya kusoma. Mwanamke huyo alisema kwa
sasa amekuwa kama mkimbizi kutokana
na kukosa hana mahali pa kuishi huku
mumewe naye akiikimbia familia yake
baada ya kuporwa ardhi hiyo ambayo
ilikuwa kama kitega uchumi chao.

Hatimaye mbio za David Kafulila kupinga
mahakamani matokeo ya uchaguzi wa ubunge
wa Kigoma Kusini ya Oktoba mwaka jana
uliompa ushindi Husna Mwilima (CCM) zimefika
ukingongoni baada ya mahakama ya rufaa
kutupilia mbali maombi yake.
Jopo la Majaji watatu wa Mahakama ya Rufaa
waliokaa mjini Tabora, jana lilitoa maamuzi yake
kuhusu rufaa ya Kafulila na kueleza kuwa
wameyatupilia mbali maombi hayo kwakuwa
yamekosa nguvu yenye uhalali wa Kisheria.
Aidha, Mahakama hiyo ya Rufaa imemtaka
Kafulila ambaye hakuhudhuria mahakamani
hapo, kulipa gharama zote za shauri hilo la
madai namba 212 la mwaka 2016.
Akizungumza baada ya maamuzi hayo ya
Mahakama ya Rufaa, Mbunge wa Kigoma Kusini,
Mwilima alisema Kafulila alijua kuwa hakuwa na
madai yoyote mahakamani na kwamba
alicholenga ni kumsumbua ili akose muda wa
kuwatumikia wananchi wake.
“Kafulila alijua fika kuwa hakuna kesi ya yeye
kukata rufaa. Lakini alikata rufaa kunisumbua ili
nikose muda wa kuwatumikia wananchi
waliniingiza bungeni,” alisema Mwilima.
Kafulila alifungua shauri la madai namba 2 la
mwaka 2015 katika Mahakama Kuu Kanda ya
Tabora, akipinga ushindi wa Mwilima. Katika
shauri hilo, Kafulila aliwalalamikia Mwanasheria
Mkuu wa Serikali, Msimamizi wa uchaguzi na
Husna Mwilima.
Mahakama Kuu iliyatupilia mbali maombi ya
Kafulila ya kutaka kutengua ubunge wa Mwilima
ndipo Mbunge huyo wa zamani wa Kigoma
Kusini alipoamua kukata rufaa katika Mahakama
ya Rufaa ambayo ni Mahakama ya juu zaidi
nchini.
Kesi hiyo iliyovuta umakini wa wananchi wengi
jimboni humo na huenda ndio kesi ya uchaguzi
iliyovuta watu wengi zaidi tangu kumalizika kwa
uchaguzi wa mwaka jana, imefikia ukingoni kwa
kuhalalisha ubunge wa Mwilima.

Mkuu wa Wilaya Sengerema, Emmanuel
Kipole amewasweka ndani kwa saa 12
Kaimu Mkurugenzi wa Halmashauri ya
Sengerema, Oscar Kapinga na Kaimu
Mhasibu wa halimashauri hiyo, Paul
Sweya pamoja kwa kutokutii agizo lake
aliliowapa la kutafuta fedha za kuwalipa
wanaofanya usafi katika mji wa
Sengerema.
Amefikia maamuzi hayo baada ya
watumishi hao kukaidi agizo lake
alilowapa la kutafuta fedha kisha kuwalipa
wafanya usafi hao ambao wanaidai
Halmashauri hiyo kwa miezi 6 na
imekuwa kila mara wanapigwa danadana
na kuahidiwa kulipwa lakini suala hilo
halitekelezeki.

Uchaguzi Marekani 2016: Trump 'alipapasa
wanawake kama pweza'
Wanawake wawili wameambia gazeti la New York
Times kwamba mgombea urais wa chama cha
Republican nchini Marekani Donald Trump
aliwashika kimapenzi bila idhini yao.
Mwanamke mmoja amesema mgombea huyo
alimshika matiti na kujaribu kuingia mkono wake
chini ya sketi yake wakiwa kwenye ndege miongo
mitatu iliyopita.
Wa pili anasema Bw Trump alimpiga busu bila
yeye kutaka katika jumba la Trump Towers
mwaka 2005.
Maafisa wa kampeni wa Trump wamesema
"makala hii yote ni hadithi ya kubuni".
Gazeti la New York Times limeanzisha kampeni
"ya uongo, na iliyoratibiwa kumharibia jina
kabisa", taarifa ya maafisa wa Trump imesema.
Jessica Leeds, 74, kutoka Manhattan, ameambia
gazeti hilo kwamba alikuwa ameketi karibu na Bw
Trump sehemu ya abiria wa hadhi ya juu kwenye
ndege wakielekea New York pale alipoinua
sehemu ya kupumzishia mkono kitini na akaanza
kumshika.
Mwanamke huyo alikuwa na umri wa miaka 38
wakati huo.
"Alikuwa kama pweza .... mikono yake ilinishika
kila pahali," anasema. "Ulikuwa ni unyanyasaji."
Rachel Crooks alikuwa mpokezi wa wageni katika
kampuni ya kuuza ardhi ya nyumba katika jumba
la Trump Tower, wakati huo akiwa na miaka 22.
Anasema alipigwa busu la lazima na Bw Trump
nje ya lifti ya jengo hilo.
"Ilikuwa vibaya sana," Bi Crooks ameambia New
York Times.
"Niliudhika sana kwamba alidhani nilikuwa sina
maana kiasi kwamba angefanya hivyo (bila hiari
yangu)."
Wawili hao hata hivyo hawakuripoti visa hivyo
kwa maafisa wa serikali.
Hata hivyo, wanasema waliwaambia marafiki na
jamaa zao yaliyojiri.
Bi Leeds anasema alikasirika sana na alitatizika
kimawazo baada ya Bw Trump kumgusa.
Anasema mara moja aliondoka eneo la abiria wa
hadhi na kwenda kuketi eneo la abiria wa
kawaida.
Maafisa wa kampeni wa Clinton wamesema
simulizi hizo za kuogofya kwenye New York
Times zinatilia mkazo "kila kitu ambacho tunajua
kuhusu jinsi Donald Trump huwachukulia
wanawake".
'Kumshika makalio'
Hayo yakijiri, Mindy McGillivray naye ameambia
gazeti la Palm Beach Post kwamba akiwa na
miaka 23 , Bw Trump alimshika makalio katika
kilabu chake cha Mar-a-Lago club jimbo la
Florida mwaka 2003.
Anasema alikuwa amesimama karibu na
mchumba wake wa wakati huo Melania Knauss.
Bi McGillivray, ambaye kwa sasa ana miaka 36,
anasema hakuripoti kisa hicho kwa polisi.
Lakini mwenzake, mpiga picha Ken Davidoff,
aliambia gazeti hilo kwamba mwanamke huyo
alimwita kando siku hiyo na kumwambia: "Donald
amenishika makalio sasa hivi".
Maafisa wa Trump wanasema madai ya Bi
McGillivray hayana ukweli wowote.
Wanawake wote watatu wamesema wanaunga
mkono Bi Clinton.
Ijumaa wiki jana, video iliyopigwa mwaka 2005
ilitokea na kumuonyesha Bw Trump akinena
maneno ya kuwadhalilisha wanawake na kuongea
kuhusu kuwapapasa wanawake.
Aliomba radhi kuhusu matamshi hayo, lakini
akasema yalikuwa mazungumzo ya mzaha
faraghani.
Viongozi wengi wakuu wa Republican, akiwemo
Spika Paul Ryan, wameshutumu matamshi hayo.
Bw Ryan alisema hatamtetea tena Bw Trump.
# BBC

Wakamatwa kwa tuhuma za kuchakachua dawa
za kilimo
Jeshi la polisi mkoani MTWARA linamshikilia Raia
mmoja wa CHINA na watanzania wawili kwa
tuhuma za kubandika nembo bandia katika
makopo ya dawa za kilimo zilizokwisha muda
wake.
watu hao wamekamatwa Mjini MTWARA katika
ghala la kuhifadhia dawa za kilimo na tayari
wathibitishaji wa dawa TPRI wapo njiani kuelekea
mkoani humo kwa ajili ya ukaguzi zaidi.

‘’Siku moja kabla ya tukio nilikuwa nimekaa ofisini
kwangu mimi nina wafanyakazi wangu, nilitoka
kwenda Kariakoo kuchukua simu huwa nafanya
biashara ya simu pia, nikawapelekea wateja
wangu, niliingia ofisini saa nne usiku baadae
nikarrudi nyumbani kwangu Mabibo,siku ya pili
yake ya tukio nilishinda ofisini tangu asubuhi
maisha yangu yote huwa nategemea marafiki,
nikipata rafiki huwa nampeleleza kama ana
mwelekeo mzuri basi tunakuwa pamoja ili niweze
kufanikiwa, kuna rafiki yangu yupo China,
nilimpeleleza kuhusu kufungua ofisi ya kunyoa
(Saluni) nchini humo, nilitaka kuwaandalia familia
maisha mazuri ndio niende China’’ Said

Umoja wa Mataifa unasema kuendelea kuzorota
kwa hali ya usalama katika Jamhuri ya
Kidemokrasia ya Kongo kunauzidi uwezo wa
Kikosi chake cha Kulinda Amani nchini humo
(MONUSCO), huku ukosefu wa uhakika wa
endapo Rais Joseph Kabila (pichani) ataitisha
uchaguzi unaotakiwa kufanyika mwezi ujao
ukiiweka amani ya taifa hilo kubwa katikati ya
Afrika kwenye wasiwasi.

Waziri wa Ujenzi, Uchukuzi na Mawasiliano
Profesa Makame Mbarawa ameipa miezi minne
Kampuni ya ujenzi ya Nyanza Road Works
kuongeza kasi ya ujenzi wa barabara ya
Kibondo-Nyakanazi yenye urefu wa KM 50
kukamilika kwa wakati na wananchi wa Kibondo
na maeneo ya jirani kuweza kuitumia.
Waziri Prof. Mbarawa ametoa kauli hiyo wilayani
Kakonko mkoani Kigoma mara baada ya
kukagua barabara hiyo na kutoridhishwa na kasi
ya ujenzi wake.
“Mwezi wa pili mwakani nitarudi hapa kukagua
tena maendeleo ya ujenzi wa barabara hii
sababu bado kasi mnayokwenda nayo
hainiridhishi na kampuni hii ni ya kizalendo
ambayo ilitakiwa kuwa ya mfano”, amesema
Prof. Mbarawa.
Waziri Mbarawa amemsisitiza mkandarasi huyo
kuzingatia viwango bora vya ujenzi wa barabara
kama ilivyosainiwa kwenye mkataba na kumtaka
kuzingatia thamani ya fedha katika ujenzi
anaoufanya.

Meya wa zamani wa Jiji la Dar es Salaam, Dk.
Didas Masaburi amefikwa na umauti jana majira
ya saa tatu na nusu usiku katika Hospitali ya
Taifa ya Muhimbili alipokuwa amelazwa.
Taarifa za kifo chake zimethibitishwa na ndugu
yake, Dk. Makongoro Mahanga ambaye alieleza
kuwa familia ipo katika taratibu za awali za
msiba huo na kwamba leo watatoa taarifa rasmi
na taratibu nyingine.
“Taarifa za kifo cha Dk. Masaburi ni za kweli
ingawa jioni hii sijaenda hospitali, ninafanya
mawasiliano na familia lakini taarifa kamili
kuhusu msiba zitakuwa zikitolewa na msemaji wa
familia ambaye tutamteua usiku huu, na kesho
(leo) tutaeleza kiundani,” Dk. Mahanga
anakaririwa na Mtanzania.
Marehemu pia aliwahi kuwa Mbunge wa Bunge la
Afrika Mashariki (EALA).
Dar24 inatoa pole kwa Taifa kwa ujumla kwa
msiba huu wa aliyekuwa kiongozi wa ngazi
mbalimbali akiutumikia umma. Apumzike kwa
Amani. Amina!

Diamond Ndiye Msanii Tajiri zaidi Kwa
Sasa Africa Mashariki, huu ndio mtonyo
anaomiliki
Jarida la Forbes la nchini marekani limetoa
wasanii matajiri zaidi duniani ,Africa na kanda
mbali mbali ambapo kwa upande wa Africa
mashariki.
Diamond platinum ameongoza kwa kuwa na
utajiri wa dollar million 4.5 ambazo ni zaidi ya
bilioni 10 za kitanzania hasa baada ya kununua
Nyumba yake ya south Africa.
Vitu vingine anavyomiliki ni Majumba ya
kifahari Dar,Magari ya kifahari , Berber shop,
Maduka ya nguo za mitindo ya kisasa na
vingine Vingi.
Amefatiwa na Dr Jose Kamilioni wa Uganda
ambaye anakadiliwa kuwa na utajiri wa dollar
milioni 3.9 ... Wanafatia Akothee na Jaguar
anashika nafasi ya 4
Wanachokiangalia zaidi sio pesa kwenye
account Bali thamani ya vitu anavyomiliki.....
Katika jarida hilo linaonyesha diamond akiwa
anafanya wastani wa show 2 kwa wiki show 8
kwa mwezi na show 100 kwa mwaka ambapo
show yake ya chini anakadiriwa kulipwa
wastani wa dollar elfu 20,000 na show ya juu
analipwa wastani wa dollar elfu 75,000 .
Mikataba yake na makampuni kama
Cocacola,Vodacom na DSTV
Jarida ilo linaonyesha pia diamond anaweza
vaa vitu vyenye thamani ya dollar laki 150,000
ambazo ni zaidi ya milioni 350,000,000 za
tanzania mwilini mwake kwenye shoo moja
ambavyo ni Pete,cheni,viatu kofia,shati na
suruali na vingine.

Rais wa Marekani Barak Obama amewataka
wanasiasa wa Republican kujiondoa rasmi
kumuunga mkono Donald Trump kama mgombea
wao,kwa madai kuwa hafai.
Katika mkutano wa hadhara na wafuasi wa
Hillary Clinton, Obama amesema kuwa haina
maana kukemea hotuba tata ya Trump kuhusu
wanawake, huku wakiendelea kumuunga mkono
katika nafasi ya Urais, na kudai kuwa hiyo haina
maana kwake.
Viongozi wakubwa wa Republican akiwemo
msemaji wa chama hicho, Paul Ryan
wamejiweka mbali na Donald Trump baada ya
kuwekwa hadharani video inayomuonesha Trump
akiwakashifu wanawake.Hatua hiyo imekuja huku
asilimia 10 ya viongozi wa chama cha
Republican wakimtaka Trump kujiondoa katika
kinyang'anyiro hicho .
Trump alimjibu Ryan,kuwa kwa matammshi hayo
ameonyesha kuwa yeye ni kiongozi dhaifu
,amesisitiza kwamba amejipanga kuipigania
Marekani kwa njia anayoona inafaa.

WAFUASI 22 wa Kundi la ‘Blue Guard’ la Chama
cha Wananchi (CUF) wamepandishwa kizimbani
katika Mahakama ya Hakimu Mkazi Kisutu jijini
Dar es Salaam wakikabiliwa na mashitaka manne
likiwemo la kukutwa na silaha za Jeshi la Polisi.
Washitakiwa hao ambao ni wakazi wa Zanzibar
walifikishwa mahakamani hapo jana na
kusomewa mashitaka na Wakili wa Serikali,
Patrick Mwita mbele ya Hakimu Mkazi, Godfrey
Mwambapa.
Mwita alidai, washitakiwa hao wanakabiliwa na
mashitaka manne ya kula njama, kuingilia
majukumu ya kipolisi kupitia genge la uhalifu
pamoja na kukutwa na silaha pamoja na zana za
Jeshi la Polisi.
Akisoma mashitaka, Wakili Mwita alidai, kati ya
Septemba 20 na 25, mwaka huu kati ya Zanzibar
na Dar es Salaam, kupitia kikundi cha Blue
Guard, washitakiwa na wenzao ambao
hawakufikishwa mahakamani walikula njama za
kuajiri watu, wafanye kazi za kipolisi kinyume cha
Sheria ya Makosa ya Jinai.
Aliendelea kudai kuwa, washitakiwa wakiwa
wanachama wa kundi la Blue Guard waliwaajiri
watu kwa ajili ya kufanya kazi za Kipolisi
kinyume na sheria.
Wakili Mwita alidai, Septemba 25, mwaka huu
katika eneo la Mwananyamala, Dar es Salaam,
wakiwa na lengo la kutenda kosa, washitakiwa
walikutwa wakiwa na silaha kinyume cha sheria ,
ikiwemo visu vitano pamoja na mabomu ya
machozi 10 kwa ajili ya kuyatumia katika
uvamizi.
Aidha, inadaiwa siku hiyo hiyo, Dar es Salaam,
washtakiwa walikutwa wakiwa na zana za Jeshi
la Polisi ambazo ni mabomu ya machozi
yanayotumiwa na jeshi hilo katika majukumu yao.
Baada ya kusomewa mashitaka washitakiwa hao
walikana kutenda makosa hayo, hata hivyo Wakili
Mwita alidai upelelezi wa kesi hiyo bado
haujakamilika na kuomba wapangiwe tarehe
nyingine ya kutajwa.
Upande wa utetezi kupitia Wakili Hekima
Mwesigwa uliiomba Mahakama kuliondoa shitaka
la tatu katika makosa hayo kwa sababu lina
upungufu wa kisheria kwa kutumia baadhi ya
maneno kupotosha.
Hata hivyo, Wakili Mwita aliiomba Mahakama
kutupilia mbali maombi hayo kwa kuwa shitaka
hilo halina upungufu wowote badala yake
wametumia lugha ya mkato.
Hakimu Mwambapa alisema baada ya kupitia
vifungu vya sheria, amebaini kuwa shitaka halina
mapungufu kisheria hivyo ametupilia mbali
maombi.
Aidha, alisema washtakiwa hao watapata
dhamana endapo watatimiza masharti ya kuwa
na wadhamini wawili wa kuaminika watakaosaini
hati ya Sh milioni mbili kila mmoja, pia
wawasilishe vitambulisho vyao mahakamani. Kesi
itatajwa tena Oktoba 20 mwaka huu.
Washtakiwa ni Hamis Omary Said (49), Said
Mohamed Zaharan (57), Hamid Nassor Hemed
(44), Nassor humud Ally (25), Othman Humud
Abdlaah (34), Swalehe Ally Swalehe (30), Hamis
Hamis Haji (46), Majid Hamis Juma (58),
Mohamed Hamis Ally (34), Ramadhan Rashid
Juma (30), Juma Hamad Seif (21) na Masoud
Iliyasa Fumu (29).
Wengine ni Jecha Faki Juma (40), Mbaruku
Hamis Bakari (31, Mohamed Alli Zuberi (43),
Muhsin Ally Juma (27), Mohamed Amir Mohamed
(30), Ally Juma Salum (35), Juma Hajji Mmanga
(26), Ally Nassoro Ally (46), Haji Rashid Juma
(32) na Juma Omary Hamis (28).
Kufikishwa mahakamani kwa washtakiwa hao
kunatokana na mgogoro unaoendelea ndani ya
chama hicho. Septemba 28, mwaka huu,
Kamanda wa Polisi Kanda Maalumu ya Dar es
Salaam, Simon Sirro alitoa taarifa za kukamatwa
kwa wafuasi hao kwa tuhuma za kupanga njama
za kufanya fujo na kuchoma ofisi za CUF zilizopo
Buguruni Ilala jijini Dar es Salaam.

DC Hapi aamuru kuchunguzwa
mfanyabiashara anayedaiwa kusema
‘serikali iko mfukoni mwake’
Mkuu wa wilaya ya Kinondoni Ally Salum
Hapileo asubuhi amewatembelea wananchi wa
Tegeta kwa ndevu eneo ambalo baadhi ya
wananchi walionekana kwenye vyombo vya
habari wakilalamika kuhusu kufanyiwa hila na
mfanyabiashara mmoja ajulikanae kwa jina la
Emily Reshea aliyechimba shimo mbele ya
nyumba za watu na kuziba njia za wananchi
kupita kama mbinu ya kuwalazimisha wamuuzie
maeneo yao.
Hapi akiwa katika eneo hilo akiambatana na
wataalamu wa mipango miji, mhandisi wa
manispaa na askari wa jeshi la polisi ameagiza
kuvunjwa kwa ukuta ulioziba njia za wananchi
kupita, kufukiwa kwa shimo lililochimbwa kabla
ya saa 12 jioni leo october 10 2016 na kumtaka
OCD Kawe kuchunguza tuhuma za
mfanyabiashara huyo kudaiwa kusema kuwa
“serikali iko mfukoni mwake” na ikibainika kuwa
ni kweli akamatwe mara moja na kuhojiwa na
vyombo vya dola.