Kiongozi wa Sudan Omar el Bashir
amempongeza rais mteule wa Marekani Donald
Trump akisema kuwa itakuwa rahisi kushirikiana
naye, kulingana na gazeti la Emirati al Khaljee.
''Bw Trump anaangazia maslahi ya raia wa
Marekani, ikilinganishwa na wale
wanaozungumzia kuhusu demokrasia ,haki za
kibinaadamu na uwazi'',alisema rais Bashir katika
mahojiano na gazeti hilo.
Aliongezea kwamba: Tunaweza kushirikina na
watu wenye sura mbili lakini huyu hapa mtu
mwenye uwazi wa anajua anacholenga.
''Nina hakika itakuwa rais kushirikiana na Trump
ikilinganishwa na wengine kwa sababu ni mtu
anayeangazia maswala moja kwa moja na
mfanyibiashara ambaye anaangazia maslahi ya
anaoshirikiana nao'',alisema Bashir.
Bashir ambaye anasakwa na mahakama ya ICC
kutokana na mashtaka ya mauaji ya kimbari
katika eneo la Drafur amekana mashtaka hayo.
Alichukua mamlaka mwaka 1989 kupitia
mapinduzi na ameshutumiwa kwa kuwa na
uongozi wa kiimla tangu wakati huo.

Shirika la Kijasusi Nchini Marekani CIA limeingiwa
na wasiwasi Juu ya Mipango ya Rais Mteule wa
Marekani Donald Trump, ya kusitisha
makubaliano ya mpango wa nyuklia na Iran na
kusema kuwa kufanya hivyo itahatarisha Usalama
wa Taifa hilo kubwa lenye nguvu duniani.
Hayo yamesemwa na Mkurugenzi wa Shirika hilo,
John Brennan alipokuwa akifanya mahojiano na
vyombo vya habari nchini humo, ambapo
amemshauri Rais huyo mpya kuwa na tahadhari
kubwa kuhusu ahadi na matamko yake ambayo
amekuwa akiyatoa kulingana na mustakabari wa
sera zake.
Aidha, Brennan amesema ahadi za Trump kuhusu
kuwa na mahusiano ya karibu na Urus, ni hatari
zaidi kwani nchi hiyo inahusika na upotevu wa
amani nchini Syria .
Brennan alitaja mambo machache ambapo
alisema kuwa utawala mpya unatakiwa
kuyazingatia kwa busara na hekima, ikiwemo
lugha inayotumiwa kuhusu Ugaidi, Uhusiano na
Urusi, mpango wa kinyuklia wa Iran na siri za
Shirika hilo hutekelezwa

Shughuli ya mazishi ya Alhaji
Abdulmalick Kabyemela imeongozwa na
Mkuu wa Mkoa wa Kagera Meja Jenerali
Mstaafu, Salum Kijuu pichani Kushoto
na kuhudhuria na mamia ya
waombolezaji kutoka maeneo
mbalimbali nchini.chanzo bukobawadau blog

Katibu Mkuu wa Chama cha Demokrasia na
Maendeleo(Chadema) ,Vincent Mashinji
amesema hawatakubali tena kudhulumiwa kwa
namna yoyote katika uchaguzi wa mwaka
2020.
Dk. Mashinji amesema hayo huku akimtolea
mfano wa Mwenyekiti wa Tume ya Uchaguzi
Zanzibar (ZEC), Jecha Salim Jecha, na
kuongeza kuwa kuna mambo hutokea bila
kutarajia lakini watapambana kwa kila hali,
“Huu ni uchaguzi kuna mtu alitarajia haya
yaliyofanywa na Jecha? hii inaonyesha kwenye
nchi yetu bado kuna tatizo la utendaji haki, wewe
umefanya mara ya kwanza tukanyamaza,ukafanya
tena mara ya pili kibabe,tukalalamika, badala ya
kutuita tuongee, unasema nendeni mkaseme
kokote kule” alisema Mashinji.
Aidha, akiongelea utawala wa Rais Magufuli
,Mashinji amesema kumekuwa na ukiukwaji
mkubwa wa utawala bora na matokeo yake
yeye ndio amekuwa kila kitu, ameongeza kuwa
wakati anaanza mapambano na rushwa aliamini
kwamba angeweza kuliondoa tatizo hilo lakini
imekuwa tofauti.
Hata hivyo, Mashinji ameongeza kuwa katika
mwaka mmoja wa Rais Magufuli, amesema
ameshindwa kusimamia utawala bora baada ya
kupiga marufuku mikutano ya hadhara pamoja
na shughuli zote za kisiasa nchini kwa kile
alichosema kuwa muda wa siasa umekwisha.chanzo mpekuzi blog

MAMIA ya watu walioajiriwa katika vituo
mbalimbali vya kuuzia mafuta maarufu kama
‘petrol stations’ wako katika hatari ya kupoteza
ajira zao , imefahamika.
Hali hiyo inatokana na kusuasua kwa mauzo ya
bidhaa hiyo, huku chanzo kimojawapo kikitajwa
kuwa ni matokeo ya hatua mbalimbali za
Serikali ya awamu ya tano katika kubana
matumizi.
Uchunguzi uliofanywa na Nipashe kwa siku
kadhaa umebaini kuwa tishio hilo ni kubwa zaidi
katika baadhi ya vituo baada ya wastani wa
mauzo yake kwa siku kuporomoka katika siku
za hivi karibuni hadi kwa kiwango cha takribani
asilimia hamsini.
Aidha, uchunguzi huo umebaini kuwa hadi sasa,
tayari baadhi ya kampuni zinazomiliki vituo vya
bidhaa hiyo zimeanza kuchukua uamuzi mgumu
wa kuviuza au kuvikodisha kwa watu wengine

Dar es Salaam. Waziri wa Ardhi, Nyumba na
Maendeleo ya Makazi, William Lukuvi amekabidhi
polisi majina ya watu 30 wanaodaiwa kuwa
matapeli wa ardhi ili washughulikiwe.
Waziri huyo amelidokeza gazeti hili kuwa
amekabidhi majina hayo kwa Kamanda wa Kanda
Maalumu ya Dar es Salaam, Simon Sirro ambaye
alithibitisha kupokea majina hayo na kwamba
tayari yameshafunguliwa majalada kwa ajili ya
upelelezi.
“Ni mapema mno kuzungumzia jambo hili, kwa
sababu lipo kwa wapelelezi. Ni kweli majina haya
tumeyapokea na tayari majalada yamefunguliwa,”
alisema.

MWANAMKE mkazi wa Unga-Limited jijini hapa,
Lightness Kivuyo ameripotiwa kufa wakati
akifanyiwa maombi nyumbani kwa mchungaji
aliyejulikana kama ‘Nabii Rajabu’ eneo la Kwa-
Mrombo pia jijini hapa.
Kwa mujibu wa dada wa marehemu, Juliana
Kivuyo, Lightness alikuwa amesindikizwa
nyumbani kwa nabii huyo nyakati za usiku na
mumewe aliyemtambulisha kama Shafii
Mohammed na kwamba wakati akifanyiwa ibada
ya maombi, alianguka na kufariki miguuni mwa
‘Mtume,’ huyo.
“Baadaye shemeji alikuja nyumbani akihema,
huku anadai kuwa dada alikuwa kwenye hali
mbaya kule kwenye maombi,” alisema Juliana na
kuongeza kuwa alitoka mbio kwenda Kwa-
Mrombo nyumbani kwa Nabii Rajab na kumkuta
dada yake amelazwa kwenye kochi, akiwa bila
nguo isipokuwa tu khanga alizofunikwa nazo.
Nabii huyo pia anadaiwa kumnyoa nywele zote
pamoja na nyusi za macho wakati akimfanyia
‘huduma,’ hiyo.
Polisi jijini hapa wamethibitisha tukio hilo
wakiongeza kuwa tayari watu wawili
wamekamatwa kutokana na kifo hicho cha
‘maombi tatanishi.’
Aidha, Kamanda wa Polisi wa Mkoa, Charles
Mkumbo ameongeza kuwa atatoa taarifa kamili
mara baada ya kikao chake na Mkuu wa Mkoa.
Mganga Mkuu katika Hospitali ya Mkoa wa
Arusha ya Mount Meru, Jacqueline Uriwo amekiri
kupokea mwili wa marehemu, lakini akasema,
“Kwanza walijaribu kutudanganya kuwa huyo
mama alikuwa hai na kwamba aliletwa kwa ajili
ya matibabu, lakini tukagundua kuwa
walichokileta ni mwili mfu, hivyo tukampeleka
kwenye chumba cha kuhifadhi maiti!.”
Mkurugenzi wa Huduma ya Mazishi katika
hospitali hiyo ya mkoa, Dk Francis Coster
alisema mwili ulipelekwa hapo na mume wa
marehemu ambaye alisisitiza kuwa mkewe
hajafa, bali kazimia tu na kwamba mara nyingi
huzimia kwa saa nyingi.
Dk Coster aliongeza kuwa ilibidi na wao
wasiweke mwili kwenye jokofu na kuulaza
kwenye machela kwa saa sita na ndipo
wakaamua kuuweka kwenye droo za maiti, kwani
ilikuwa wazi sasa kwamba asingeamka tena
asilani.
Waganga hospitalini hapo wamekiri kuwa mwili
wa marehemu uliletwa hospitalini hapo ukiwa
umenyolewa upara, lakini ukiwa na mikwaruzo
pamoja na uvimbe hususan maeneo ya mikono
na kifua.
Baba mkubwa wa marehemu, Ally Kivuyo ambaye
ndiye mlezi wa Lightness, alisema mume wa
marehemu alimtaarifu juu ya kifo hicho na
kuongeza; “Lakini baadaye nikaletewa taarifa
nyingine kuwa Lightness kumbe alikufa wakati
akifanyiwa maombi au vitu vingine, nyumbani kwa
mtu anayeitwa ‘Nabii Rajabu,’ hapo basi ikabidi
niwataarifu polisi ambao walikuja kumkamata
mumewe pamoja na huyo anayejiita nabii au
mtabiri.”chanzo habar leo

Mwenyekiti wa Bodi ya Parole Taifa, Augustino
Lyatonga Mrema amelilalamikia Jeshi la
Magereza mkoa wa Dodoma kwa kukwamisha
mikakati yake ya kunusuru na kupunguza
msongamano wa wafungwa Magerezani ili
kuepuka magonjwa ya mlipuko na kusaidia
wafungwa wagonjwa, wazee, na wanawake
ambao hawajiwezi kutoka Magerezani.
Amesema hayo mapema hii leo alipokuwa
akizungumza na waandishi wa habari jijini Dar es
salaam, Mrema amesema amezuiwa kuendelea
na mpango huo bila ya kupewa sababu za msingi
na kutanabaisha kuwa kuna wafungwa ambao
teyari wamesha lipiwa parole zao na wanatakiwa
watoke lakini bado wako gerezani.
“Nilipata wafadhili kama Mchungaji Getrude
Lwakatare kajitolea tuwasaidie wale wafungwa
waliokosa dhamana tuwasaidie kuwalipia ili
watoke magerezani, lakini kuna watu
wamejitokeza wanasema eti tunatetea wahalifu
hii sio kweli hata kidogo”alisema Mrema.
Aidha, amemuomba Waziri Mkuu, Kassim
Majaliwa kuliamuru Jeshi la Magereza mkoa wa
Dodoma liruhusu zoezi hilo liendelee ili kuisaidia
Serikali kuondokana na mzigo mkubwa wa
kuhudumia wafungwa wenye makosa madogo
madogo na wagonjwa pamoja na wazee.
Mrema ameongeza kuwa kuna watu
wanamzunguka ili kukwamisha jithada zake za
kuisaidia Serikali na kutoa ombi kwa Waziri Mkuu
kuwachukulia hatua kali za kinidhamu viongozi
wote wa Jeshi la Magereza Mkoa wa Dodoma
wanaokwamisha mpango huo.

Majambazi yanayosadikika kuwa na silaha
Za Moto (Nyingi)Wamevamia Duka Moja
Mtaa wa Nkurumah Na Kupora Kiasi cha
Pesa Hakijajulikana Bado.
Duka Hilo Linauza Bidhaa mchanyanyiko
Min Market pia hutoa Huduma za Miamala
ya njia ya Simu M pesa, Tigo Pesa na
Airtel Money.
Wakati wakiwa kwenye Harakati hizo
Aliingia Mama Mmoja Mwenye Asili ya
Kiasia kwa Ajili ya kwenda Kununua Dawa
za Kutuliza Maumivu, Panadol Ndio
Majambazi hayo Yalipomfyatulia Risasi
Tatu Papo Hapo na Kufariki Dunia kisha
yenyewe kutoweka kusipofahamika.
Tukio Hili Limetokea kwenye duka na
Matukio ya kuporwa kwa watoa huduma
za miamala ya pesa kwa njia ya simu
imekuwa Sugu kwenye Jiji hili Na Mara
nyingi hutumika Silaha za Moto kwenye
matukio hayo.chanzo jamii forums

Harakati za kumpatia dhamana mbunge wa
Arusha Mh Godbless Lema anayekabiliwa na kesi
ya uchochezi zimeendelea kugonga ukuta baada
mahakama kuu kanda ya Arusha kusikiliza hoja
za pande zote na kuahidi kuzitolea uamuzi baada
ya siku tano.
Hatua hiyo imekuja baada ya mawakili wa pande
zote kuwasilisha hoja zao kila upande ukitetea
hoja yake mbele ya jaji wa mahakama hiyo Mh
Sekela Moshi.
Jopo la mawakili wanaomtetea Mh Lema
wakiongozwa na wakili msomi Peter Kibatala,
John Malya, Adamu Jabiri, Sheki Mfinanga na
Charles Adirian Faraji Mangula walimweleza Mh
jaji Sekela Moshi kuwa taratibu za kuweka
pingamizi zilikiukwa hivyo shauri hilo litupiliwe
mbali na mteja wao apewe dhamana.
Kwa upande wa mawakili wa serikali
walioongozwa na wakili msomi Paul Kadushi na
Mosese Marandu nao waliendelea kushikilia na
kutetea hoja yao kuwa mtuhumiwa hastahili
kupewa dhamana kwa sababu ambazo
walishaziwasilisha na kwamba pingamizi
waliloweka linakubalika kisheria na kama
mtumiwa anaona kuwa lina mapungufu
anapashwa kukata rufaa na sio kuwasilisha barua
kama alivyofanya.
Baada ya mvutano wa mjadala mkali wa kisheria
wa mawakili hao wa pande mbili Mh jaji Sekela
Moshi akaiambia mahakama kuwa kulingana na
uzito wa hoja anahitaji muda wa kuzipitia na
kwamba atatoa maamuzi siku ya jumanne tarehe
22 .11.2016.
Kufuatia maamuzi hayo mtuhumiwa Lema
alirudishwa tena mahabusu kusubiri siku ya
tarehe 21.11.2016 atakapopandishwa kizimbani
tena kuendelea na kesi yake ya msingi ya
uchochezi na maneno ya kashifa kwa viongozi
wa serikali na pia siku ya tarehe 22 /11/2016
atakapofikishwa mahakamani hapo kujua hatma
yake ya dhamana.
Wakati wote kesi ilipokuwa inaendelea ulinzi
uliimarishwa ndani na nje ya mahakama na wote
waliochele walikatazwa kuingia wakati kesi
inaendelea wakiwemo viongozi waandammizi wa
Chadema kutoka makao makuu walioongozwa na
mjumbe wa halmashauri kuu vijana taifa Joseph
Kasambala.

AFISA WA FORODHA WILAYANI TARIME
AFIKISHWA MAHAKANI.

Taasisi ya kuzuia na kupambana na Rushwa
Takukuru mkoani Mara,imemfikisha
mahakamani Afisa forodha wa mamlaka ya
mapato Tanzania TRA,kituo cha Sirari EZEKIEL
GISUNTE kwa kosa la kudai na kupokea rushwa
ya shilingi milioni kumi na tano toka kwa
mfanya biashara wa vifaa vya ujenzi aliyekuwa
akipitisha bidhaa zake mpakani hapo.
Kamanda wa kikosi cha kuzuia na kupambana na
Rushwa mkoani Mara,Holle Makungu
ameyasema hayo muda mfupi baada ya afisa
huyo kupandishwa na kusomewa mashitaka
mbele ya hakimu mfawidhi wa mahakama ya
wilaya ya Tarime Mh. Martha Mpanze na
kisisitiza kuwa iwapo Gisunte angefanikiwa
angeitia hasara serilikali ya shilingi milioni 48.
Mpaka wa Sirari uliopo wilayani Tarime mkoani
Mara,umekuwa ukikusanya mapato zaidi ya
shilingi bilioni 75.5 kwa mwaka kutokana na
malipo ya kodi za bidhaa ziingiazo nchini
kupitia mpaka huo.
Kutokana na hali hiyo,taasisi ya kuzuia na
kupambana na rushwa mkoani humo,imeweza
kubaini na kumfikisha mahakamani afisa
forodha wa mamlaka ya mapato katika mpaka
huo, Ezekiel Gisunte,kwa tuhuma ya kudai na
kupokea rushwa ili kumpunguzia kodi
mfanyabiashara wa vifaa vya ujenzi.
Aidha kamanda Holle anasema kuwa Afisa huyo
akijua yeye ni mtumishi wa serikali kupitia
mamlaka hiyo,alidanganya kwa kutengeneza
account nyingine ili asibainike.
Awali mkuu wa wilaya ya Tarime,Grolius Luoga
na mkuu wa mamlaka ya mapato mkoani
Mara,wakizungumzia tatizo hilo walimtaja
Gisunte kwenda kinyume na maadili ya utumishi
wa umma.
Mamlaka ya mapato Tanzania TRA mkoani Mara
kupitia mpaka wa Sirari imedaiwa kupoteza
mapato mengi kutokana na watumishi wasio
waadilifu.

Waziri wa Mawasiliano, Uchukuzi na Ujenzi, Prof.
Makame Mbarawa leo amezindua bodi mpya ya
Shirika la Reli Tanzania (TRL) na kuitaka kufanya
kazi kwa ushirikiano mkubwa na wafanyakazi
wote wa shirika hilo.
Amsema hayo alipokuwa katika uzinduzi huo
makao makuu ya shirika hilo jijini Dar es salaam,
na kuisisitiza bodi hiyo kuwa waadilifu na
wazalendo, ameongeza kuwa kama mtu
akishindwa kusimamia uadilifu basi hana nafasi
ya kufanya kazi katika shirika hilo.
Aidha, Mbarawa amesema TRL inajukumu kubwa
la kukabiliana na soko la ushindani ambalo
linashikiliwa na malori makubwa ya usafirishaji,
amesema kuwa kazi kubwa ni kutoa huduma
nzuri ambazo zitawashawishi wateja kutumia
usafiri huo ambapo itasaidia kujipatia masoko
mengi zaidi.
Walioteuli katika bodi hiyo ya TRL ni pamoja na
aliyekuwa mkuu wa chuo mstaafu cha DIT, Prof.
John Wajanga Kandoro ambaye ndiye mwenyekiti
wa bodi hiyo, wengine ni Linford Mboma alikuwa
mwenyekiti TRC, Miriam Mwanilwa kutoka Ofisi
ya Rais bodi ya mishahara, Martha Maeda kutoka
TIB, Mhandisi Charles Mvungi kutoka TIB,na
Mashaka Mabuyu ambaye ametoka WFB.

WANAFUNZI wa shule za sekondari mkoani
Kilimanjaro wanaongoza kukatishwa masomo
kwa kupata ujauzito, baada ya takwimu
kuonesha kuwa kuanzia Januari hadi Oktoba
mwaka huu, jumla ya wanafunzi 216 wamepewa
ujauzito.
Wakati hiyo ikitishia mustakabali wa maisha yao
ya baadaye, kwa wenzao wa shule za msingi ni
tisa tu waliopewa ujauzito katika kipindi hicho
kufanya jumla iwe 225.
Mkuu wa mkoa huo, Saidi Mecky Sadiki alisema
hayo wakati wa ufunguzi wa kikao cha Kamati
ya Ushauri cha Mkoa (RCC) ambacho kimelenga
kujadili masuala ya maendeleo ya mkoa katika
sekta mbalimbali ikiwemo elimu, afya,
miundombinu, uchumi na kilimo.
“Nimelileta kwenu hili suala la ubakaji na ulawiti
hususani kwa wanafunzi wetu wanaopewa
mimba za utotoni ili tujadiliane na tuweke
azimio madhubuti...hali ni mbaya na tukikaa
kimya tutasababisha balaa kubwa na kuathiri
hali ya taaluma,” alisema mkuu wa mkoa.
Pamoja na tatizo la mimba, lakini pia mkoa una
upungufu mkubwa wa vyumba vya madarasa
1,875 ambavyo kwa shule za msingi ni vyumba
1,531 na vyumba 344 kwa sekondari.
Mkuu wa Mkoa alisema takwimu zinaonesha
kuwa Wilaya ya Hai inaongoza kwa upungufu wa
vyumba 493, ikifuatiwa na Same vyumba 378,
Mwanga vyumba 337, Moshi vyumba 275, Siha
216, Manispaa 119 na Rombo ni vyumba 57.
Kuhusu tatizo la uharibifu wa mazingira, Sadiki
alisema mwezi uliopita kumekuwepo na tatizo la
wananchi kuwasha moto katika misitu ambapo
jumla ya hekta 3,500 ziliungua katika Msitu wa
Hifadhi ya mlima Kilimanjaro eneo la Shira,
Msitu wa Chome/Shengena na Msitu wa
Kindoroko.
Akizungumzia mpango wa matumizi bora ya
ardhi, mkuu wa mkoa alitaka halmashauri zote
kupunguza migogoro isiyo ya lazima baina ya
wafugaji na wakulima huku akitaka watendaji
kutoegemea upande mmoja. Alisema baadhi ya
migogoro inachochewa na tabia ya watendaji
kuegemea upande mmoja na hivyo kuchochea
migogoro.

Ashikiliwa Polisi kwa meno ya tembo
kilo 32
POLISI mkoani Simiyu, Oliver Paschal (39),
mkazi wa Kijiji cha Ipililo katika Kata ya
Mwagala wilayani Maswa, amekamatwa kwa tuhuma za
kukutwa na meno ya tembo yenye uzito wa kilo
32 akiwa ameyaficha uvunguni mwa kitanda
chake.
Akizungumza na waandishi wa habari ofisini
kwake jana, Kamanda wa Polisi wa Mkoa,
Onesmo Lyanga alisema  baada ya kupata
taarifa za kiintelenjinsia, walimkamata
mwanamke huyo akiwa na pembe mbili za
ndovu alizokuwa amezificha chini ya uvungu
katika chumba alichokuwa akiishi.
Kamanda Lyanga alisema mwanamke huyo
alikamatwa Novemba 11, mwaka huu saa tisa
alasiri na kueleza kuwa alikamatwa na meno
hayo yenye uzito wa kilo 32 katika chumba
alichokuwa amepanga kwenye nyumba ya
Edward Malanda.
Aidha, kamanda huyo amesema kesi zaidi ya 86
zinazohusu ujangili zimesharipotiwa kuanzia
Januari hadi Septemba 2015, wakati kesi 69
zimesharipotiwa Polisi kuanzia Januari hadi
Septemba mwaka huu.
Katika hatua nyingine, jeshi hilo linawashikilia
watu wanane kwa kosa la kujichukulia sheria
mkononi kwa kumpiga na kumuua kwa mawe na
marungu, Manoni Elisha (38), mkazi wa Kijiji cha
Ngasamo wakimtuhumu kuwa ni mwizi.
Lyanga alisema saa 3 usiku katika baa ya
Manchester iliyopo Ngasamo wilayani Busega,
watuhumiwa hao walimuua mtu huyo kwa
tuhuma za makosa mbalimbali, ikiwemo wizi wa
kondoo kwa kesi namba NGAS/IR/49/2016
ambayo alikuwa akitafutwa na Jeshi la Polisi.

Ashikiliwa Polisi kwa meno ya tembo
kilo 32
POLISI mkoani Simiyu, Oliver Paschal (39),
mkazi wa Kijiji cha Ipililo katika Kata ya
Mwagala wilayani Maswa, amekamatwa kwa tuhuma za
kukutwa na meno ya tembo yenye uzito wa kilo
32 akiwa ameyaficha uvunguni mwa kitanda
chake.
Akizungumza na waandishi wa habari ofisini
kwake jana, Kamanda wa Polisi wa Mkoa,
Onesmo Lyanga alisema  baada ya kupata
taarifa za kiintelenjinsia, walimkamata
mwanamke huyo akiwa na pembe mbili za
ndovu alizokuwa amezificha chini ya uvungu
katika chumba alichokuwa akiishi.
Kamanda Lyanga alisema mwanamke huyo
alikamatwa Novemba 11, mwaka huu saa tisa
alasiri na kueleza kuwa alikamatwa na meno
hayo yenye uzito wa kilo 32 katika chumba
alichokuwa amepanga kwenye nyumba ya
Edward Malanda.
Aidha, kamanda huyo amesema kesi zaidi ya 86
zinazohusu ujangili zimesharipotiwa kuanzia
Januari hadi Septemba 2015, wakati kesi 69
zimesharipotiwa Polisi kuanzia Januari hadi
Septemba mwaka huu.
Katika hatua nyingine, jeshi hilo linawashikilia
watu wanane kwa kosa la kujichukulia sheria
mkononi kwa kumpiga na kumuua kwa mawe na
marungu, Manoni Elisha (38), mkazi wa Kijiji cha
Ngasamo wakimtuhumu kuwa ni mwizi.
Lyanga alisema saa 3 usiku katika baa ya
Manchester iliyopo Ngasamo wilayani Busega,
watuhumiwa hao walimuua mtu huyo kwa
tuhuma za makosa mbalimbali, ikiwemo wizi wa
kondoo kwa kesi namba NGAS/IR/49/2016
ambayo alikuwa akitafutwa na Jeshi la Polisi.

Kiasi ya watu 600,000 wanakabiliwa na uhaba wa
chakula nchini Burundi kutokana na ukame na
mafuriko katika kipindi cha mwaka mmoja
uliopita na idadi hiyo inaweza kuongezeka hadi
kufikia 700,000 kwa mwaka ujao. Taarifa hiyo
imetolewa huku makundi ya kutetea haki za
binaadamu duniani, yakitoa wito wa kupelekwa
kikosi cha ulinzi wa raia kwa ajili ya kuzuia
uwezekano wa kutokea vita vya wenyewe kwa
wenyewe na mauaji ya kimbari.

Wakazi wa mtaa wa Area A manispaa ya
Dodoma wamekosa huduma ya maji kwa
zaidi ya wiki tatu baada ya kampuni ya
Selcom kutoka uchina inayojenga mitaro
ya barabarani katika eneo hilo kukata kwa
makusudi mabomba ya maji na
kujiunganishia kinyemela kwa ajili ya
matumizi ya ujenzi bila kufuata utaratibu.
Wakizungumza baada ya maofisa wa
mamlaka ya maji na usafi wa mazingira
mjini Dodoma DUWASA kwa kushirikiana
na jeshi la polisi kuvamia eneo la ujenzi
la wakandarasi hao baada ya kupata
taarifa kutoka kwa wasamaria wema
wakazi hao wanadai tangu kuanza kwa
ujenzi huo wamekosa huduma ya maji hali
iliyowasababishia usumbufu mkubwa na
kuongeza gharama za maisha.
Ester Galinoma ni kaimu afisa mapato wa
DUWASA ambaye anasema kitendo
kilichofanywa na wakandarasi hao
kimeisababishia mamlaka hiyo hasara
kubwa na hatua kali zitachukuliwa dhidi
yao huku mkuu wa kitengo cha
mawasiliano kwa umma akiwataka
wananchi kuwa mabalozi wazuri kwa
kuwafichua wezi wa maji ili huduma hiyo
iboreshwe mjini Dodoma.
Kwa upande wake msimamizi wa ujenzi
katika eneo hilo raia wa uchina hakuweza
kutoa ufafanuzi wowote kuhusu tukio hilo
kutokana na kutofahamu lugha ya
kiswahili wala kingereza.
Chanzo: ITV

MAHITAJI ya wananchi kutaka matangazo ya
Bunge la Muungano kuonyeshwa moja kwa moja
katika vituo vya televisheni na redio yamezidi
kushika kasi, imebainika.
Utafiti uliofanywa na Baraza la Habari Tanzania
(MCT) umeonyesha asilimia 92 ya wananchi
wanaona kuna umuhimu wa matangazo hayo ya
Bunge kurushwa moja kwa moja huku asilimia
79 wakipinga uamuzi wa Serikali kuyafuta
matangazo hayo.
Akizindua ripoti kuhusu kusimamishwa kwa
matangazo ya moja kwa moja ya Bunge,
Mkurugenzi wa MCT, Pili Mtambalike, alisema
hatua hiyo inakandamiza uhuru wa habari na
haki ya kupata taarifa.
Katika ripoti hiyo ambayo pia imenukuu utafiti
uliowahi kufanywa na Taasisi ya Twaweza ya
Dar es Salaam, Mtambalike alisema utafiti huo
uligundua kuwa wananchi wengi walioulizwa
walilalamika na kusema kuwa baada ya
kufungiwa matangazo hayo hawajui kitu gani
kinaendelea ndani ya Bunge.
Alisema katika utafiti huo, watu wanane kati ya
10 hawajakubaliana na kufungwa matangazo
hayo huku tisa kati ya 10 wanaona kuna
umuhimu matangazo hayo yakarudishwa.
“Ripoti hii inapendekeza matangazo hayo
yarudishwe yaweze kuwasaidia wananchi wa
kawaida kufuatilia mijadala mbalimbali ya
bunge.
“Waandishi wa habari za bunge pia wajengewe
uwezo waweze kuandika habari hizo kwa weledi
mkubwa.
“Ripoti hii inapendekeza pia kuwa kanuni za
Bunge zitumike katika kukomesha tabia
zisizotakiwa bungeni badala ya kuvilaumu
vyombo vya habari vinapokuwa vikitoa habari
na kuonyesha kinachoendelea bungeni,”alisema
Mtambalike.
Ripoti hiyo imetoa mapendekezo kwa uongozi
wa Bunge hilo kutaja hadharani gharama halisi
za kurusha matangazo hayo ya moja kwa moja
ili wananchi waelewe.
“Tunapendekeza kuwapo mfuko maalum
utakaojulikana kama Fedha za Matangazo ya
Bunge (BBF) unaojitegemea, ambao utapata
fedha kutoka nje na ndani ya Bunge,” alisema
Mtambalike.
Ripoti hiyo pia imesema kuwa si kweli kwamba
utaratibu wa kurusha matangazo hayo
haufanywi na Nchi za Jumuiya ya Madola kama
ilivyoelezwa na Waziri wa Habari Utamaduni na
Michezo, Nape Nnauye wakati akielezea sababu
za kufunga matangazo hayo.
“Katika utafiti huu tumegundua kuna nchi sita
duniani ambazo zinaruhusu urushwaji wa moja
kwa moja wa redio na runinga kama Australia,
Uingereza, Canada, New Zeland na Samoa
ambako redio ya taifa inalazimishwa na sheria
kutangaza kila siku au kwa wiki, jinsi Bunge
linavyofanya kazi yake zake,” ilisema sehemu ya
ripoti hiyo.

JESHI la Polisi Mkoa wa Tanga linamsaka askari
wa jeshi hilo, Michael Komba kwa tuhuma za
kumpiga askari mwenzake wa kike hadi
kumsababishia kifo.
Taarifa zilizothibitishwa na Kaimu Kamanda wa
Polisi Mkoa wa Tanga, David Mngambugha,
zinamtaja marehemu kuwa ni polisi Elizabeth
Stefano wa Kituo cha Polisi Kati, Chumbageni,
jijini Tanga.
Tukio hilo lilitokea majira ya saa 9:00 usiku wa
kuamkia juzi, eneo la Sahare jijini Tanga ambako
ni nyumbani kwa marehemu.
Wakizungumza na Nipashe kwa sharti la
kutoandikwa majina yao gazetini, baadhi ya
majirani walidai kuwa chanzo cha ugomvi huo
kinadhaniwa kuwa ni wivu wa mapenzi, wakidai
kwamba Kombo alikuwa akimtuhumu Elizabeth
kutokuwa mwaminifu katika uhusiano wao.
Source: Nipashe

Rapper T.I ameamua kuwachana mashabiki
ambao wanapenda muziki wake lakini
wanamsapoti raisi mteule Donald Trump!
Akiongea na TMZ T.I amefunguka kuwa haoni
sababu ya kuwa na mashabiki ambao wanasapoti
sera za kibaguzi na hivyo kufikia maamuzi ya
kuwachana kuwa watemane na yeye kabisa na
wala wasijihusishe na harakati zozote kuhusiana
na muziki wake ikiwemo kununua kazi zake na
vitu kama hivyo!

Ripoti ya awali ya mahakama ya kimataifa ya
uhalifu wa kivita ICC, imebaini kwamba jeshi la
Marekani na shirika la ujasusi CIA, huenda
zilitekeleza makosa ya jinai dhidi ya binadamu
nchini Afghanistan.
Ripoti hiyo, iliyotolewa na mwendesha mshataka
wa mahakama hiyo Fatou Besouda, inasema
kwamba ushahidi wa wafungwa 100 umebaini
kwamba walinyanyaswa na kudhulumiwa, huku
wengine wakibakwa.
Ripoti hiyo inasema visa vingi vilitokea mwaka
2003 na 2004, japo kuna visa vimeripotiwa
miaka 2 ilopita.
Uhalifu sawa na huo unasemekana
umetekelezwa katika vizuizi vya siri
vinavyosiomamiwa na CIA nchini Poland,
Romania, na Lithuania.

Dar es Salaam. Shule ya Sekondari ya Tegeta
inayomilikiwa na Jumuiya ya Wazazi ya CCM,
inadaiwa kuuzwa kinyemela kwa Chuo Kikuu cha
Mzumbe.
Shule hiyo yenye kidato cha kwanza hadi cha
sita, ipo Tegeta, Manispaa ya Kinondoni jijini Dar
es Salaam. Inadaiwa wanafunzi watahamishiwa
kwingine.
Hata hivyo, Mwenyekiti wa Jumuiya hiyo,
Abdallah Bulembo alisema shule hiyo haijauzwa
kama watu wanavyodai, bali imefidiwa na Chuo
cha Mzumbe.
Chanzo cha Habari: Gazeti la Mwananchi

Shirika la kutetea haki za binadamu la human
right watch limemtaja kiongoz wa upinzan Mh
Freeman Mbowe kuwa ni mwenyekiti wa kwanza
Africa wa chama asiyepokea mshahara ndan ya
chama chake na pia ametajwa kuwa ni kiongozi
aliyeleta mageuzi makubwa ya kisiasa Tanzania
na anayeendesha shughuli za kisiasa pasipo
kuvunja haki za binadamu.
Chanzo: CNN

Weekend hii siku ya Jumamosi mkoani Arusha
wakati ndoa ikifungwa katika kanisa la Kiinjili la
Kilutheri ‘KKKT’, Usharika wa Usa River, wilayani
Arumeru ziliibuka vurugu baada ya pande mbili
zilizokuwa zikivutana upande mmoja ukidai
bwana harusi anafunga ndoa ya pili na Bibi
harusi aitwaye Agnes Kaaya.
Ndoa hiyo iliyokuwa ikifungwa majira ya mchana
iliingia dosari baada mwanamke aliyejulikana kwa
jina la Aneth Kimaro akiwa na kundi na watu
mbalimbali wakiwemo watoto wake kudai kuwa
Bwana Harusi ni mume wake wa ndoa.
Vurugu iliendelea kwa saa mbili zaidi kuanzia saa
nane hadi za kumi jioni huku waumini wa pande
zote mbili wakirushiana maneno makali mpaka
polisi wa kutuliza ghasia kituo cha usa river
kuingilia kati na kuwakamata kundi lililovamia
kanisani hapo akiwemo mke wa zamani, Aneth
Kimaro ambao kwa pamoja wanashikiliwa na
polisi wa kituo cha polisi Usa river.
Akizungumzia tukio hilo Bwana harusi, Ngarame
Meena alikiri kumtambua Aneth Kimaro kama
mke wake wa ndoa lakini alisema waliaachana
kutokana na ndoa yao kutawaliwa na migogoro
mikubwa na yeye kuamua kukimbilia mahakamani
kuiomba mahakama ivunje ndoa hiyo ambayo
ilifungwa mwaka 1993.
AAidha ameongeza kuwa ndoa yake ilikumbwa na
migogoro mingi tangu mwaka 1996 na
ameshasuluhisha maeneo mbalimbali ikiwemo
kwa mkuu wa wilaya ya Arusha, Meru na baraza
la kata la ndoa bila mafanikio baadaye aliamua
kwenda mahakamani kuomba ndoa hiyo ivujwe
na ilipofika November 27 2015 mahakama ilitoa
hati ya kuvunja ndoa hiyo na yeye kuwa huru
kufunga ndoa nyingine.

Weekend hii katika mitandao ya kijamii
kumesambaa video inayomuonyesha malkia wa
filamu nchini Wema Sepetu akiliwa denda na
model Calisah.
Wawili hao ambao walitumia nguvu nyingi
kufanya siri mahusiano yao, wameumbuka kupitia
video hiyo iliyosambaa katika mitandao ya
kijamii.
Akiongea na mwandish wetu Jumatatu hii, Calisah
amesema hajui ni nani ambaye amesambaza
video hiyo mtandaoni kwani walikuwa nayo yeye
pamoja na Wema.
“Nilikuwa nachati na Wema kawaida ghafla
nikaona notification, kufungua ndio nikakuta hiyo
video na mimi ndio nilikuwa mtu wa kwanza
kumuuliza Wema kwa sababu video nilikuwa nayo
mimi na Wema,” alisema Calisah.
Pia model huyo amedai video hiyo
imemsababishia matatizo katika familia yake
pamoja na kumpoteza bibi yake kwa presha.

Watazamaji wa anga wanajiandaa kuuona mwezi
mkubwa zaidi wakati ambapo utakaribia dunia
tangu 1948.
Uingereza itakuwa na fursa nzuri kuuona mwezi
huo siku ya Jumatatu jioni,licha ya kuwa
utakaribia dunia mwendo wa saa tano na dakika
21 muda wa GMT ambapo utakuwa umbali wa
kilomita 356,509.
Wachunguzi watauona mwezi huo kuwa mkubwa
zaidi kwa asilimia 7 ukilinganishwa na mwezi wa
kawaida na kung'aa zaidi ya asilimia 15, licha ya
kwamba macho ya binaadamu yanaweza
kupambanua tofauti hiyo.
Huku mwezi huo ukitarajiwa kutokaribia dunia
hadi tarehe 25 mwezi Novemva 2034, idara ya
maswala ya hewa nchini Uingereza imesema
kuwa kutakuwa na mawingu mazito wakati
mwezi huo utakapokaribia.
Huku mwezi ukizunguka dunia,kuna tofauti ya
mwangaza unaotolewa na jua.Ni wakati huo
ambapo mwezi wote humulikwa na mwangaza
huo na kutoa mwezi mkubwa zaidi.

Dar es Salaam. Kampuni ya Simon Group
inayomiliki mabasi ya UDA na mradi wa mabasi
yaendayo haraka kwa ubia na Serikali
imekanusha vikali madai ya Mbunge wa Kawe,
Halima Mdee kuwa kuwa kampuni hiyo iliuzwa
kwake kinyemela.
Akichangia hoja hivi karibuni bungeni Dodoma,
Mdee alisema kampuni ya UDA haikuuzwa
kihalali kwa Simon Group Ltd, Waziri husika
hakuridhia kihalali uamuzi wa Baraza la jiji,
UDART iliuzwa kinyemela na SGL ilotumia
rasilimali za UDA kupata mkopo wa kuendesha
Udart.
Akizungumza na waandishi wa habari leo jijini
Dar es salaam, Msemaji wa SGL, Deus Bugaywa
alisema madai hayo siyo ya kweli.

NSSF walipana bil. 10/- posho za safari
SHIRIKA la Taifa la Hifadhi ya Jamii (NSSF)
lilitumia zaidi ya Sh. bilioni 10 kwa mwaka
kulipa posho za safari kwa wafanyakazi wake.
Kwa mujibu wa taarifa ya utedaji kazi wa NSSF
kwa mwaka wa fedha wa 2014/2015, ambayo
Nipashe inayo nakala yake, shirika hilo lilitumia
jumla ya Sh. bilioni 10.1 kulipa posho ya safari
kama moja ya vipengele vya gharama za
uendeshaji katika mwaka ulioishia Juni 2015.
Kiasi hicho kilikuwa ni ongezeko la Sh. bilioni
1.05 kulinganisha na mwaka uliotangulia.
Ripoti ya NSSF kwa mwaka wa fedha wa
2014/2015 iliwasilishwa kwa Kamati ya Kudumu
ya Bunge ya Hesabu za Serikali (PAC) mapema
mwaka huu na Mkurugenzi Mkuu wa NSSF,
Profesa Godius Kahyarara.
Chanzo: NIPASHE

MAREKANI: Mwalimu wa somo la Historia
katika Shule ya Mountain View, Calif
iliyopo Jijini California, aliyemfananisha
kwa mifano kadhaa Rais Mteule, Donald
Trump na aliyewahi kuwa Dikteta wa nchi
ya Ujerumani, Adolf Hitler
amesimamishwa kazi.
Hata hivyo uongozi wa shule utakutana
siku ya leo ili kuangalia kama kuna
uwezekano wa kumrudisha kazini
Mwalimu huyo.
Aidha Mwalimu huyo amesema kuwa
amepokea barua pepe kadhaa kutoka kwa
Wazazi wa Wanafunzi wake wakimuunga
mkono, huku yeye akidai kuwa alitoa kauli
hiyo ili kuweka uhalisia katika somo l
A Mountain View, Calif., history teacher
has been suspended for comparing
Republican President-elect Donald Trump
to Nazi leader Adolf Hitler in a post-
election history lesson.
Veteran teacher Frank Navarro, who has
taught at Mountain View High School for
40 years, said he was suspended
Thursday, after a student’s parent emailed
the school to complain about his lecture.
Navarro said the parent accused him of
saying, “Donald Trump grabs p---y.”
Navarro, a Holocaust scholar who has
three daughters, said he never would
have spoken that way. He argued that his
lesson was not biased, but fact-based.
“I had a short lesson paralleling Hitler
with Trump when Hitler was running from
1930 to 1933,” Navarro told the Daily
News.
“Hitler said he would make Germany great
again, and Donald Trump said he would
make America great again,” Navarro said.
He also noted that both leaders vowed to
deport foreigners.
“I told the principal as I told my students,
that these are all factually based and that
I am not making anything up,” he said.
Navarro hasn’t worked since Thursday —
his classes have temporarily been taken
over by a substitute teacher — but he
hopes to return to the classroom next
week.

Mdhibiti na Mkaguzi Mkuu wa Hesabu za Serikali
(CAG), Profesa Mussa Assad
By mwandish wetu
Ni tangu Novemba 5, 2014 alipoteuliwe kuwa
Mdhibiti na Mkaguzi Mkuu wa Hesabu za Serikali
(CAG), akichukua nafasi ya Ludovick Utouh.
Dar es Salaam. Profesa Mussa Assad ni mtu
anayependa kuchangamana na watu, kufanya
mazoezi na kutumia taaluma yake kujiongezea
kipato, lakini hawezi tena kufanya mambo hayo
kadri ya utashi wake.
Ni tangu Novemba 5, 2014 alipoteuliwe kuwa
Mdhibiti na Mkaguzi Mkuu wa Hesabu za Serikali
(CAG), akichukua nafasi ya Ludovick Utouh.
Katika mahojiano kwa njia ya barua pepe na
Mwananchi, Profesa Assad anasema mambo
hayo ni sehemu ya changamoto anazopambana
nazo tangu aanze kuongoza ofisi hiyo nyeti.
Mbali ya kushindwa kujichanganya na watu,
Profesa Assad amesema kazi aliyopewa
inamnyima fursa ya kutoa ushauri uliokuwa
unamwingizia kipato na amepoteza marafiki wa
zamani japokuwa amepata wapya.
“Nilipoteuliwa kushika nafasi ya CAG na kuwasili
ofisini, nikaambiwa CAG si mtu wa kawaida,
hivyo ilibidi niache baadhi ya mazoea yangu
binafsi suala ambalo si jepesi sana,” anasema
Profesa Assad akijibu swali la Mwananchi
lililotaka kujua changamoto anazokabiliana nazo
tangu alipochaguliwa miaka miwili iliyopita.
“Changamoto kubwa katika masuala binafsi ni
pale ninapotaka kuishi kama Assad na si kama
CAG, jambo ambalo baadaye nimekuja kujifunza
kuwa kwa sasa ni ngumu sana kutekelezeka,”
anasema Profesa Assad na kuongeza:
“Nilizoea kuwa mtu wa kawaida na mwenye
kujichanganya na kila mtu. Nilizoea kutembea
kwa miguu kama sehemu ya mazoezi, lakini sasa
mara nyingi nalazimika kutumia gari ambalo
limenifanya kuongeza uzito mwilini. Hata hivyo,
kuna wakati nakuwa mbishi kidogo. Kwa ajili ya
afya yangu, nalazimika kuliacha gari na
kutembea.”
Kuhusu kuongeza kipato kwa kutumia taaluma
yake, Profesa Assad anasema kimaadili hawezi
kufanya tena kazi za ushauri.
“Kabla sijateuliwa kuwa CAG nilikuwa mhadhiri
wa Chuo Kikuu cha Dar es Salaam. Kwa kawaida
wahadhiri hufanya pia kazi za kutoa ushauri wa
kitaalamu ambao una fedha nyingi tu. Kwa sasa,
kwa mujibu wa dhamana niliyonayo siwezi
kufanya hivyo tena.
“Suala jingine ni kuwa kuna watu wanaposikia
Assad ni CAG, wanakukimbia. Hii ina maana
kwamba unapoteza baadhi ya marafiki zako wa
zamani lakini pia unapata wapya na ndivyo
maisha yalivyo,” anasema.
Profesa Assad (pichani), amezungumzia pia
changamoto za kiofisi akitaja kuwa ni ugumu wa
binadamu kupokea mabadiliko. “Changamoto ya
kwanza niliteuliwa katika kipindi kifupi kabla ya
uchaguzi na kwa kawaida wakati wa uchaguzi
kunakuwa na vuguvugu la mabadiliko na baada
ya uchaguzi kunakuwa na mabadiliko ya uongozi.
“Utendaji wa kazi katika kipindi kama hicho siyo
mwepesi na ni muhimu kufahamu kuwa kazi za
CAG siku zote hutegemewa kuwa nyenzo ya
mabadiliko katika Serikali, taasisi, mashirika ya
umma na nchi kwa jumla,” anasema.
Profesa amebainisha kuwa, binadamu siyo
mwepesi katika kupokea na kukubali mabadiliko.
Anasema utendaji wake hauwezi kufanana na
CAG aliyemtangulia na kwamba, hayo peke yake
ni mabadiliko na hayawezi kupokewa kwa urahisi
ndani na nje ya ofisi.
“Hata hivyo, kwa sasa namshukuru sana
Mwenyezi Mungu kuwa yale mabadiliko ambayo
yalikuwa vigumu kupokewa/kukubalika
yanaendelea kupokewa ndani na nje ya ofisi na
yameanza kuonyesha matunda,” alisema.
Alisema baadhi ya masuala yaliyoanza kuonyesha
mabadiliko ni pamoja na hofu kuhusu utendaji
kazi na mahusiano ya kikazi na kiongozi mpya.
“Kwa sasa watu wameshanielewa na
ninamshukuru Mwenyezi Mungu kwamba
tunashirikiana vizuri.”
Alisema suala jingine ni mabadiliko katika
matumizi ya muda wa ofisi. Alisema Serikali ya
Awamu ya Tano imeanzisha mfumo wa utoaji
taarifa za kila siku na kila juma za utendaji wa
kila mtumishi, jambo ambalo halikuwapo.
Suala jingine ni kuhusu mawasiliano, akisema
ukiwa kiongozi lazima ujue kwamba watu
watahitaji kuwasiliana kiofisi na masuala binafsi.
“Siyo jambo jepesi kuwapa fursa hiyo watumishi
wako wote ambao wameenea mikoa yote ya
Tanzania Bara na hata nje ya nchi,” alisema na
kuongeza:
“Ilinilazimu kuanzisha anuani binafsi ya barua
pepe kwa watumishi wa ofisi yangu ili waweze
kunifikia kwa urahisi na mimi kuweza
kuwahudumia kwa wakati. Kwa hili, naweza
kusema ni hatua nzuri iliyotuweka karibu kwa ajili
ya ufanisi wa kazi zetu.”

WIZARA ya Mambo ya Ndani ya Nchi kupitia
Idara ya Uhamiaji imekamilisha taratibu za
kuwapatia ajira askari na maofisa 297
waliohitimu mafunzo yao ya awali ya Uhamiaji
Juni mwaka huu.
Taarifa iliyotolewa jana na Katibu Mkuu wa
wizara hiyo, Meja Jenerali Projest Rwegasira
ilifafanua kuwa askari na maofisa 181 walianza
kupata mishahara yao Oktoba mwaka huu na
waliobaki 116 watapata mishahara yao mwezi
huu baada ya taratibu zote za ajira zao
kukamilika.
Alisema wameshaingiza taarifa zao za
kiutumishi ambazo ni vyeti vya taaluma, vyeti
vya kuzaliwa, barua za ajira na fomu za
kudhibiti ajira kwenye mfumo shirikishi wa
taarifa za kiutumishi na mishahara ambalo ni
hitaji la kisheria.
“Kukamilika kwa taratibu hizo kutawezesha
watumishi wengine ambao hawakupata
mshahara mwezi uliopita kupata mshahara wao
mwezi huu na hivyo kufanya watumishi wote
kupata mishahara yao,” ilisema taarifa hiyo ya
Rwegasira.
Alisema kukamilika kwa taratibu za ajira kwa
askari na maofisa 181 walioanza kulipwa
mishahara yao ya Oktoba kulienda sambamba
na kupatiwa barua zao za ajira.
Alifafanua kuwa taratibu za ajira kwa askari na
maofisa hao 297 zilianza kufanyika Agosti
mwaka huu baada ya vyombo vya ulinzi na
usalama vilivyoko ndani ya wizara hiyo kupata
idhini ya kuendelea na mchakato wa ajira kwa
askari na maofisa waliokuwa wamehitimu
mafunzo ya awali ya kijeshi kwenye vyuo
mbalimbali vya majeshi chini ya wizara hiyo.
Alisema baada ya kupata idhini ya kuendelea na
mchakato wa ajira, askari na maofisa hao 297
wote walipangiwa vituo vya kazi katika mikoa
mbalimbali nje ya mkoa wa Dar es Salaam
kulingana na mahitaji ya kila mkoa.

Donald J. Trump
✔ @realDonaldTrump
Just had a very open and successful
presidential election. Now professional
protesters, incited by the media, are
protesting. Very unfair!
5:19 AM - 11 Nov 2016

Michezo mitano ya kuwania tiketi ya kufuzu kwa
fainali za kombe la mwaka 2018, imecheza kwa
ukanda wa Marekani Kusini.
Brazil wakicheza katika dimba la Belo Horizonte,
wamewachapa Argentina kwa mabao 3-0, mabao
ya brazili yakifungwa na Philipe Couthino,
Neymer, na Paulinho.
Venezuela wakicheza nyumbani nao wameibuka
na ushindi wa kishindo kwa kuwachapa bolivia
kwa mabao 5-0.
Paraguay wamekubali kichapo nyumbani baada
ya kufungwa mabao 4-1 na Peru,Uruguay
wakashinda kwa mabao 2 - 1 dhidi ya Ecuador
Colombia wakashindwa kuutumia vyema uwanja
wa nyumbani baada ya kutoshana nguvu na Chile
kwa sare ya bila kufungana.

Baraza la Waislamu nchini Marekani
limemhimiza Donald Trump kuzingatia haki na
usawa wa wananchi wote bila ya ubaguzi wa
kidini kufuatia ushindi wake kwenye uchaguzi
wa rais.
Akizungumza na waandishi wa habari katika mji
mkuu wa Washington, mkuu wa baraza hilo
Nihad Awad alitoa wito kwa rais huyo mpya
kuzingatia haki za wananchi wa Marekani
wakiwemo Waislamu.
Akikumbushia matamshi ya chuki na ubaguzi
dhidi ya Waislamu aliyotoa Donald Trump wakati
wa kampeni, Awad alisema, ''Waislamu wa
Marekani wataendelea kuishi nchini. Hatutoenda
popote na wala hatutokaa kimya kuhusu suala
hili.''
Awad aliongezea kusema kuwa baraza hilo
litaendelea kupigania haki za Waislamu na
uhuru wao kama ilivyokuwa hapo awali ili
kumaliza unyanyasaji.
Awad pia alitoa wito kwa Waislamu wote
wanaoishi nchini humo kuondoa hofu huku
akiwakumbusha haki zao ambazo ni sawa na
wananchi wengi wa Marekani.
Wakati wa kampeni za uchaguzi, Donald Trump
alikuwa akikshifiwa kwa matamshi yake ya
ubaguzi na kutaka kuzuia Waislamu kuingia
Marekani huku akitoa wito wa kufungwa kwa
misikiti.

RAIS wa Zanzibar na Mwenyekiti wa Baraza la
Mapinduzi Mhe. Dk. Ali Mohamed Shein leo
amewaapisha Manaibu Waziri wapya ambao
aliwateuwa hivi karibuni kushika nyadhifa katika
Wizara mbali mbali za Serikali ya Mapinduzi ya
Zanzibar.
Walioapishwa ni Mihayo Juma Nhunga kuwa
Naibu Waziri wa Nchi, Ofisi ya Makamo wa Pili
wa Rais, Shamata Shaame Khamis, Naibu Waziri
Ofisi ya Rais, Tawala za Mikoa, Serikali za
Mitaa na Idara Maalum za SMZ na Shadya
Mohamed Suleiman, kuwa Naibu Waziri wa Kazi,
Uwezeshaji, Wazee, Vijana, Wanawake na
Watoto.
Hafla ya kuwaapisha viongozi hao ilifanyika
Ikulu Mjini Zanzibar na kuhudhuriwa na viongozi
mbali mbali wa Serikali ya Mapinduzi ya
Zanzibar.
Miongoni mwa viongozi hao ni Makamo wa Pili
wa Rais wa Zanzibar Balozi Seif Ali Iddi, Spika
wa Baraza la Wawakilishi Zubeir Ali Maulid,
Waziri wa Nchi Ofisi ya Rais na Mwenyekiti wa
Baraza la Mapinduzi Issa Haji Gavu, Waziri wa
Nchi Ofisi ya Makamo wa Pili wa Rais
Mohammed Aboud, Waziri wa Nchi, Ofisi ya
Rais, Tawala za Mikoa, Serikali za Mitaa na
Idara Maalum za SMZ, Haji Omar Kheri.
Wengine ni Waziri wa Kazi, Uwezeshaji, Wazee,
Vijana, Wanawake na Watoto Maudline Castico,
Mwanasheria Mkuu wa Zanzibar Said Hassan
Said, Katibu Mkuu Kiongozi na Katibu wa Baraza
la Mapinduzi Dk. Abdulhamid Yahya Mzee, Kadhi
Mkuu wa Zanzibar Sheikh Khamis Haji, Mkuu wa
Mkoa wa Mjini Magharibi Ayoub Mohammed
Mahmoud, Meya wa Manispaa ya Mji wa
Zanzibar Khatib Abrahman Khatib, Washauri wa
Rais wa Zanzibar, Wakuu wa Vikosi vya SMZ na
viongozi wengine wa Serikali.

Wanajeshi 100 wa Kenya kati ya 1,000 walioko
katika kikosi cha kulinda amani cha Umoja wa
Mataifa nchini Sudan Kusini UNMISS, wamerejea
nyumbani hapo jana kwa amri ya Rais Uhuru
Kenyatta, kufuatia uamuzi wa Katibu Mkuu wa
Umoja wa Mataifa Ban Ki-moon kumfuta kazi
aliyekuwa kamanda wa kikosi hicho cha UNMISS
Luteni Jenerali Johnson Kimani Ondieki, baada ya
uchunguzi wa Umoja wa Mataifa kusema kuwa
ombwe la uongozi lilipelekea kushindwa kwa
ujumbe huo kushindwa kuwalinda raia baada ya
kuzusha mapigano mjini Juba Julai mwaka huu.

Maeneo ya Mikocheni B, Baraka plaza, raia wa
China amechana noti ya Shillingi elfu moja akiita
Toilet Paper.
Huyu jamaa alichukua Bajaji kwenda sehemu
fulani. Maelewano ikawa ni Shilingi 4000. Lakini
akatoa shilingi 2000. Mwenye babaji alipouliza ni
kwa nini, akasema hiyo siyo sehemu ya 4000.
Kwa hiyo anampa 2000. Mwenye Babaji akakataa
kupokea.
Matokeo yake mchina huyo akachana hela na
kumtupia akisema take your toilet paper. Basi
raia waliokusanyika wakamzuia huyu mchina
kuondoka na kuita Polisi.
Mida hii Polisi wamemchukua na kuelekea naye
kituo cha Polisi Oysterbay

Watu kwa maelfu katika baadhi ya miji
mikubwa nchini Marekani ya Newyork na Calfonia wanaandamana
kupinga ushindi wa Rais mteule, Donald
Trump kuwa Rais wa 45 wa Taifa hilo.
Baadhi ya waandamanaji wamekusanyika
nje ya Ikulu ya Marekani wakiimba nyimbo
za kumpinga Mshindi Trump.
Wengine wamejichora mwilini maneno
"Not my President"

They chanted anti-Donald Trump slogans.
They flooded city streets. They gathered
near the White House, disheartened and
dismayed.
"Not my President, not today," many
across the nation yelled.
In cities from Boston to Los Angeles,
thousands of demonstrators gathered
Wednesday night in protest of election
results that mean the billionaire real
estate developer will be the next
president.

CHAMA CHA DEMOKRASIA NA MAENDELEO
(CHADEMA)
TAARIFA KWA UMMA –UCHAGUZI MKUU WA
MAREKANI.
· Pongezi kwa Rais Mteule
· Ni ushindi wetu IDU
Chama cha Demokrasia na Maendeleo
(CHADEMA) kinawapongeza wananchi wa
Marekani kwa kufanya uchaguzi wao kwa njia ya
amani hapo tarehe 08.11.2016, na kukamilisha
kampeni za kumpata kiongozi wa Nchi hiyo.
Tunapenda kumpongeza Rais Mteule Mhe.Donald
Trump na Chama chake cha Republican ambao
ni wanachama wa IDU kwa ushindi wa kihistoria
walioupata , na zaidi tunampongeza rais mteule
Trump kwa hotuba yake ya awali ya
kuwashukuru wananchi wa Marekani na hasa
aliposema kuwa anaahidi kwa wananchi wote wa
Marekani kuwa anaenda kuwa rais wa wote, na
kuwa hilo ni jambo la umuhimu wa kipekee
kwake .
“I pledge to every citizen of our land that I will
be President for all Americans and this is so
Important to me”
Ushindi huu ni ushindi wetu sisi wanachama wa
Jumuiya ya Kimataifa ya Kidemokrasia
(International Democratic Union-IDU) na unatuma
salaam nzito kwa Madikteta popote pale walipo
kuwa utawala mpya wa Marekani hautavumilia
kuona Madikteta ambao wanaminya Demokrasia
na Haki za Binadamu, kama alivyoahidi wakati
wa Kampeni zake .
Tunaahidi kumpa ushirikiano wote kwenye vikao
vya IDU ambavyo sisi tunashiriki kama
wanachama wa umoja huu na tutampatia kila
aina ya taarifa sahihi kadiri ya uwezo wetu
kuhusu hali ya Haki za Binadamu na Demokrasia
nchini Tanzania na Barani Afrika.
Mwisho, tunampongeza Hillary Clinton kwa
kufanya kampeni za kihistoria na kukubali
matokeo ya kura .
Imetolewa leo tarehe 09.11.2016
John Mrema –Mkurugenzi wa Itikadi,
Mawasiliano na Mambo ya Nje

SERIKALI imesema si kweli kuwa posho kwa
watumishi wa taasisi za umma zimefutwa, bali
marekebisho ya Sheria ya Utumishi wa Umma
yamelenga kuipunguzia serikali gharama na
tayari hatua zimechukuliwa ambapo kuanzia
Julai mwaka huu, hakuna mkuu wa taasisi
anayelipwa zaidi ya Sh milioni 15.
Aidha, imesema hakuna Sheria ya Utumishi wa
Umma wala yoyote iliyovunjwa na Rais John
Magufuli, alipofanya uteuzi wa wakurugenzi
watendaji kwa kuwa Katiba ya nchi, inamruhusu
kufanya hivyo.
Wakizungumza kwa nyakati tofauti wakati
wakifafanua hoja za serikali wakati wa
majadiliano ya Muswada wa Sheria ya
Mabadiliko ya Sheria mbalimbali Namba 3 wa
mwaka 2016, mawaziri wa wizara mbalimbali
walisema Rais anaongoza nchi kwa misingi ya
sheria.
Mawaziri hao walikuwa wakijibu hoja za
wabunge, ikiwemo hoja ya Msemaji wa Kambi
Rasmi ya Upinzani Bungeni ya Katiba na Sheria,
Tundu Lissu kuhusu muswada huo baada ya
kueleza kuwa Rais amevunja sheria za utumishi
wa umma, za uchaguzi kuteua baadhi ya
makada wa CCM kuwa wakurugenzi watendaji,
akijua kuwa watahusika kusimamia uchaguzi na
hawatatenda haki kwa vyama vingine.
Akieleza kuhusu hoja hiyo, Waziri wa Habari,
Sanaa, Utamaduni na Michezo, Nape Nnauye,
alisema “Katika katika Ibara ya 36, inampa Rais
mamlaka ya kufuta, kuanzisha na kuteua.
Hakuvunja Katiba hata kidogo, amechagua watu
watakaomsaidia kufikia malengo na ahadi
alizotoa.”
Nape alitaka kauli hizo zipuuzwe, kwani zina
lengo la kupoteza ajenda na kuwataka
Watanzania kumuamini Rais katika kuwafikisha
katika Tanzania mpya kiuchumi.
Akijibu hoja hiyo, Nape alisema, “Ajenda ya
Serikali ya Awamu ya Tano ni kurejesha
nidhamu ya utumishi wa umma. Watanzania
walituamini katika hilo na tunalitekeleza,
wapinzani wanataka kuzuia tusitekeleze ajenda
yetu”.
Waziri wa Nchi, Ofisi ya Rais, Menejimenti ya
Utumishi wa Umma na Utawala Bora, Angella
Kairuki alisema nia ya serikali ni kuwianisha
mishahara na posho ni njema kupunguza
gharama na kuanzia Julai hakuna mkuu wa
taasisi anayelipwa zaidi ya Sh milioni 15.
Mwanasheria Mkuu wa Serikali (AG), George
Masaju katika majumuisho alisema kulikuwa na
malalamiko makubwa kuhusu tofauti ya
mishahara kati ya mtu wa chini na wa juu, hivyo
shera hiyo imelenga kuweka usawa bila
upendeleo.

Nkruzinza amempongeza Donald Trump kwa
ushindi, na akaongeza kusema kwamba hilo ni
chaguo la Wamarekani wote.
Museven naye hakuwa nyuma kupongeza ushindi
wa Trump, na akasema ataendelea kufanya kazi
na Trump kama alivyofanya kazi na Obama.
Sasa shida ipo kwa mzee Robert Mugabe, sijui
yeye atakuja na maoni gani: maana wenzake
wamejitoa ufahamu na kushangilia demokrasia
ya wenzao.

Mgombea urais wa chama cha Republican
Donald Trump amekejeliwa mtandaoni baada ya
kuonekana akiboronga akitamka Tanzania
wakati wa kutoa hotuba.
Bw Trump alikuwa akizungumzia mashambulio ya
kigaidi yaliyotekelezwa katika mabalozi ya
Marekani nchini Kenya na Tanzania mwaka 1998
wakati wa kuzungumzia sera yake ya kigeni.
Badala ya kutamka vyema ‘Tanzania’ anasikika
akitamka ‘Tan-zay-nia’.
Mashambulio hayo yalitekelezwa na mtandao wa
kigaidi wa al-Qaeda.
Msemaji wa ikulu ya White House pia alimcheka
Bw Trump alipoulizwa kuhusu vile
mfanyabiashara huyo tajiri kutoka New York
alivyotamka jina Tanzania.
“Kweli, yamkini jinsi ya kutamka huwa
haijaelezwa kwenye kifaa cha kuonesha
maandishi ya hotuba,” alieleza afisa wa habari
wa ikulu Bw Josh Earnest.
Video: Trump akitamka Tanzania
Trump atangaza sera zake za nje
Wakati wa hotuba hiyo, alizungumzia pia kuhusu
kundi la Islamic State ambalo kwa sasa limeanza
kunawiri nchini Libya. Kundi hilo hujulikana pia
kama Isis.
“Na sasa Isis wanapata mamilioni na mamilioni
ya dola kila wiki kwa kuuza mafuta ya Libya. Na
wajua? Huwa hatuwawekei vikwazo vya kutouza,
hatuwaangushiwi mabomu, hatufanyi lolote,”
alisema.
“Ni kana kwamba nchi yetu haifahamu
yanayofanyika, jambo ambalo huenda likawa
kweli.”
Kwenye hotuba yake, Bw Trump alikosoa sera za
kigeni za Rais Barack Obama.
Lakini Bw Earnest alipuuzilia mbali madai ya Bw
Trump ambaye kwa sasa anaongoza miongoni
mwa wagombea wanaotaka kupeperusha bendera
ya chama cha Republican.

1. Waarabu-Wamarekani jimbo la New Jersey
walishangilia shambulio la Septemba 11, 2001
liliotekelezwa. Hakuna habari za kuthibitisha
haya.
2. Kunafaa kuwa na mfumo wa kufuatilia misikiti
Marekani kama njia ya kukabiliana na ugaidi.
3. Marekani inafaa kutumia njia kali za kuhoji
washukiwa katika vita dhidi ya Islamic State.
4. Trump amesema akiwa rais anaweza
kuwaangamiza Islamic State kwa mabomu na pia
kuwazuia kupata mafuta.
5. Kuundwe mfumo rahisi wa ulipaji ushuru, watu
wanaolipwa chini ya $25,000 (£16,524) wasiwe
wakilipa ushuru wa mapato.
6. Watu wenye hazina za uwekezaji ng’ambo
hawalipi ushuru wa kutosha. Lakini baadaye
alibadilika na kusema watapunguziwa ushuru
sawa na watu wa pato la wastani.
7. Anataka kujenga ukuta mpaka wa Marekani na
Mexico kuzuia wahamiaji kutoka Mexico.
8. Anataka kuwafurusha wahamiaji wote 11
milioni ambao waliingia Marekani kwa njia
haramu.
9. Yeye na Vladmir Putin wanaweza “kusikizana
vyema”.
10. Ili kuzuia visa vya watu kupigwa risasi
Marekani, nchi hiyo inafaa kuwekeza katika afya
ya akili.
11. Uchina inafaa kuchukuliwa hatua kali katika
masuala kadha ili kuhakikisha usawa wa
kibiashara kati yake na Marekani.
12. Kundi la The Black Lives Matter ambalo
hutetea haki za watu Weusi Marekani ni hatari.
13. Takwimu za sasa za Marekani ni za
kupotosha. Anasema ukosefu wa ajira umefikia
20% kinyume na takwimu rasmi zinazoonyesha ni
5.1%.
14. Utajiri wake ni $10bn.
15. Mfumo wa kutoa huduma za afya kwa
wanajeshi wa zamani unafaa kufanyiwa
mabadiliko makubwa.
16. Mpango wa Obamacare ambao ulilenga
kuongeza idadi ya Wamarekani wanaopata bima
ya afya ni “mkasa”.
17. Mabadiliko ya tabia nchi ni hali ya kawaida tu
ya hewa.
18. Ulimwengu ungekuwa pahala pema pa kuishi
kama Saddam Hussein na Muammar Gaddhafi
wangekuwa bado madalakani.
19. Angewarejesha makwao wahamiaji kutoka
Syria wanaotafuta hifadhi Marekani
.
harusi ya wapenzi wa jinsia moja, hakufaa kazi
hiyo.
20. Yeye ni “mtu mzuri sana” na anataka sana
kurejesha hadhi ya Marekani.

Obama ampongeza Trump, amwalika White
House
Imepakiwa mnamo 12:27
Rais Obama amempigia simu Donald Trump
kumpongeza kwa ushindi uchaguzi wa urais
ambapo pia amemwalika ikulu ya White House
mnamo Alhamisi wajadiliane kuhusu shughuli ya
mpito.
Obama pia amempigia Hillary Clinton na
kumpongeza kutokana na alivyofanya kampeni.
Rais Obama atatoa taarifa zaidi Jumatano kutoka
White House kujadili matokeo ya uchaguzi na
hatua ambazo tunaweza kuchukua kama taifa
kuungana tena pamoja baada ya kipindi cha
uchaguzi huu uliokuwa na ushindani mkali",
katibu wa ikulu amesema kupitia taarifa.

awamu ya tatu, Joseph Mungai afariki
dunia
Aliyewahi kuwa Waziri mwandamizi katika
wizara mbalimbali, ikiwemo Wizara ya
Elimu, Ndg.Joseph Mungai, amefariki dunia jioni
ya leo, katika hospitali ya taifa ya Muhimbili
alipokua akipatiwa matibabu. Mungu
ampumzishe kwa amani.!

Mkurugenzi wa FBI,James Comey ameliambia
bunge la Marekani kuwa baada ya kupitia barua
pepe zilizogundulika kutoka kwa Hillary Clinton,
wakati alipokua waziri wa mambo ya nje
wamegundua kuwa hana hatia yoyote na
hawatamfungulia mashtaka.
Kampeni za Clinton ziliingia doa wiki iliyopita
baada ya mkurugenzi huyo wa FBI kusema kuwa
watazipitia barua pepe zake zilizopatikana katika
kompyuta ya msidizi wa zamani wa mume wake.
Kauli hiyo imeonekana kumfurahisha mkuu wa
mawasiliano wa kampeni za Clinton Jennifer
Palmieri
Donald Trump,mgombea urais nchini Marekani
Wakati upande wa Bi Clinton wakifurahia hatua
hiyo kwa upande wake Donald Trump amesema
Hillary Clinton analindwa na mfumo wa wizi wa
kura, amesema Bi Clinton angetakiwa
kuchunguzwa kwa muda mrefu.
Na hivi sasa tunaunana moja kwa moja na
Zuhura ebu tuambie baada ya FBI kusema
hawatamshtaki Hilary Clinton, hali ikoje kwa sasa
ikiwa ndio imebaki takribani siku moja uchaguzi
ufanyike. BBC

Kelele hizo ziliripotiwa na watu wa eneo hilo
kwamba zimewatisha wanyama na kuwafanya
wakimbie mbali katika kipindi cha miezi
michache iliyopita.
Jeshi la Canada limechunguza kelele za ajabu
zenye mlio mkali zinazotoka kwenye sakafu ya
bahari katika eneo lisiloweza kufikiwa kwa
urahisi la kanda ya Arctic, maafisa wameiambia
BBC
Kelele hizo za ajabu ziliripotiwa na watu wa
eneo hilo kwamba zimewatisha wanyama na
kuwafanya wakimbie mbali katika kipindi cha
miezi michache iliyopita.
Ndege ya kijeshi imefanya msako wa aina mbali
mbali wa kunasa sauti hizo, wamesema maafisa
siku ya Ijumaa.
Hata hivyo jeshi hilo la Canada limesema hadi
sasa haliwezi kuelezea sababu ya "sauti hizo za
ajabu".
" Mhudumu wa ndege hiyo amesema
hawakuweza kubaini kitu chochote cha ajabu
kwenye uso wa bahari ama chini ya uso wa
bahari ," imesema taarifa ya jeshi iliyotolewa
kwa BBC.
" Kile ambacho alikiona ni makundi mawili ya
nyangumi na sili wa bahari wenye pembe sita
katika eneo lililochunguzwa''
Msemaji wizara ya usalama wa taifa mjini
Ottawa amesema kuwa sababu ya kelele hizo -
amazo wakazi wanasema zinaweza kusikika
hata kupitia kuta za maboti zimesalia kuwa
vigumu kutambuliwa.
Eneo ambalo llimekumbwa na kelele za ajabu
Sauti hizo ambazo zimekuwa zikisika katika
kipindi chote cha majira ya joto katika maeneo
ya baridi, mbunge Paul Quassa ameiambia CBC,
yapata kilomita 120 kaskazini-magharibi mwa
kijiji kidogo cha Igloolik.
Eneo hilo ni njia ya vijito vya maji katika
Nunavut, eneo ambalo ni makazi mapya ,
makubwa na yenye kukaliwa na idadi ndogo ya
watu nchini Canada, karibu na Greenland.
" Ni moja ya maeneo maarufu zaidi kwa
shughuli za uwindaji nyakati za majira ya joto
na baridi kwasababu ni eneo pana zaidi la maji
lililozingirwa na barafu ambayo ina wanyama
wengi wa baharini ," Amesema Bwana Quassa.
" Na wakati huu, majira haya ya joto, kulikuwa
hakuna mnyama yoyote. Na hili likawa suala la
kushangaza."
Maelezo mbali mbali kuhusu sauti hizo za
kushangaza yamekuwa yakiwasilishwa katika
vyombo vya habari nchini Canada.

Asasi za Kiraia nchini jana ziliazimia kuanzisha
mchakato wa kudai katika mpya huku zikiahidi
kutowahusisha wanasiasa katika harakati hizo,
tofauti na ilivyokuwa awali.
Akizungumza na waandishi wa habari baada ya
kumalizika kwa mkutano wao uliofanyika jijini Dar
es Salaam, Mratibu wa Mtandao wa Watetezi wa
Haki za Binadamu, Onesmo Ole Nguruma alisema
kuwa wameazimia hayo ili mchakato huo uwe wa
wananchi na sio wa wanasiasa.
“Mwaka jana mchakato ulikuwa wa kisiasa zaidi,
sasa hivi tunataka kuanzisha mchakato
utakaokuwa wa wananchi,” alisema Ole
Nguruma.
Alisema kuwa baadhi ya wanasiasa walichangia
kukwamishwa kwa mchakato huo kwakuwa
baadhi yao mwishoni walijikuta wakitofautiana na
wengine kuzila kuendelea na harakati hizo.
Katika hatua nyingine, Rais John Magufuli jana
aliwaambia wahariri wa vyombo vya habari katika
mahojiano ya ana kwa ana Ikulu jijini Dar es
Salaam, Rais Magufuli alipoulizwa kuhusu
mpango wa kuanzisha upya mchakato wa Katiba
Mpya alisema “niacheni ninyooshe nchi kwanza.”
Rais Magufuli alisema kuwa yeye
hakulizungumzia suala hilo kwenye kampeni zake
zote.
Mchakato wa kupata katiba mpya ulianzishwa na
Rais wa Serikali ya Awamu ya Nne, Dkt. Jakaya
Kikwete na kuunda Tume iliyokuwa chini ya
uenyekiti wa Jaji Joseph Warioba ambaye
alitengeneza rasimu iliyowagawanya wabunge wa
bunge la katiba, wanaharakati pamoja na Serikali.
Wanaharakati wanadai rasimu ya Jaji Warioba
iliyowasilishwa kwenye Bunge la Katiba na
mapendekezo ya wananchi ndiyo ipewe
kipaumbele, huku Serikali ikiwa imebadili baadhi
ya maeneo hali iliyoleta mkanganyiko wa
mawazo.

Ukerewe. Hofu ya vitendo vya ushirikina
imewafanya baadhi ya walimu wa Shule ya
Msingi Uhuru wilayani Ukerewe, Mkoa wa
Mwanza kushinikiza kuhamishwa.
Hali hiyo inatokana na mwalimu mwenzao,
Charles Bwatwa kuanguka ghafla na kupoteza
maisha akiwa njiani kurejea nyumbani.
Kabla ya kifo cha mwalimu Bwatwa kilichotokea
Oktoba 23, inadaiwa na walimu hao wamekuwa
wakifanyiwa ushirikina na hasa usiku wakiwa
wamelala.
Mwalimu Mkuu wa shule hiyo, Godwin Laurent
amesema tangu kifo cha mwenzao, walimu
wamekuwa wakiishi kwa hofu kiasi cha
kushindwa kutekeleza majukumu yao ya kazi.
Ofisa Mtendaji wa Kata ya Kagera, Alfaxad
Kapole amelazimika kuitisha kikao cha pamoja
kati ya walimu na wakazi wa eneo hilo kujadili
madai ya kuwapo vitendo vya kishirikina.
Ofisa Elimu Msingi wa Halmashauri ya Wilaya ya
Sengerema, Reginald Richard amesema kamati
maalumu imeundwa kuchunguza ukweli wa
jambo hilo ambalo limekuwa kikwazo cha utoaji
elimu kwa wanafunzi shuleni hapo.